[少年監獄] 感受沙咀: 70. 後記
多謝大家厚愛，衷心感謝
尤其係一開始，一直在連登追故追了五個月既各位巴打絲打，多謝你地肯欣賞我，一直催我出文，係中途鼓勵我
呢個故，可以話係你地鼓勵我，然後我再回饋返俾你地既故事 ，其實寫到中途，我真係覺得都幾巴吓嫁，想棄故好多次了，但最後都係堅持落來
來到這裡，終於完了.
雖然比想象中遲了不少, 不過總算在六個月內完成, 無打爆到, 真的很幸運呢
想不到文字真的有力量啊.
原來我一直堅信既嘢, 一直想傳達既嘢,透過文字, 又好似真係做到少少了
完故後, 收到好多你地既留言, 我都一一有睇, 我好感動, 說真的, 我又要抬頭望望天了.哈哈
諗返起兩年前的那天, 其實我本身仲諗緊, 果日出冊我係囚車上對自己說的, 都是玩笑話
所以我仲記得, 2017年, 五月三號那晚, 我猶疑左好耐
那時候覺得, 自己真係唔掂, 畢左業既迷茫, 不斷在夜晚發的Recall夢...
不知怎的, 就是覺得好折磨,好唔開心, 覺得自己好似背叛左自己一樣.
然後在四月尾的時候, 睇了同囚, 這段回憶又再次被勾起,係心中放大.
出了戲院後, 心情真係好複雜, 怎麼自己說的玩笑話, 真係會有人當真拍成戲呢?
咁我呢? 之前同自己說的都是廢話嘛?
不是吧...
所以我又打返開那封給自己的信, 認真地審視多次, 這段經歷對我而言到底係乜.
最後我忍不住真的動筆了, 打了頭幾章, 然後又唔知想點.
我知, 要開post, po文啊嘛
但係, 係按發送上講故台之前, 我仲係好無信心咁問左問啲friend意見
有唔讚成的, 亦都有支持的, 但最後無論佢哋講左啲咩都好, 我都聽唔落
因為我心入面一早有了答案, 我想寫書. 只不過我害怕了而已
怕咩呢又?
我怕出左故, 啲人會歧視我呢個監躉啊...
如果有人人身攻擊, 講啲好難聽既說話, 你又頂唔頂得順啊?
個故唔受歡迎呢? 無人支持呢? 你會堅持寫曬?
寫故做乜鳩喎, 又唔一定出到書, 就算出到, 都唔會好好賺嫁啦, 啲時間用去研究寫game好過啦
之類之類...
而呢啲問題, 其實我果陣真係搵唔到答案
又或者, 係呢個世界上, 其實無人會話俾你聽你所做既嘢一定會得, 一定會有所成就.
真係殘酷呢, 這種迷茫真要命...怕自己徒勞無功, 但又想自己放手一搏.
其他追夢的人, 都是如此一般承受了這份煎熬, 然後毅然上路嗎?
真勇敢啊..
不過呢.
睇返自己封信, 其實我都可以勇敢返一次, 試一次吧?
哈哈
我笑了笑, 心諗, 再咁樣落去, 實俾以前既自己笑死了
於是我按下了發送按鈕, 然後第一個post [少年監獄] 感受沙咀, 就這樣趕在我第二個生日前誕生了
因為五月四日, 係我的出冊日期.
那日開始, 我一直都覺得這個日子, 是我的重生之日,是我的第二個生日
說說故事的後續吧
出冊後自然是豐力樓的生活
住完豐力樓兩個月, 就可以返屋企住, 守多十個月監管令, 就不用再擔心自己會Recall了
過程中, 當然發生左好多嘢, 我亦慢慢開始體會, 為何子藍sir果陣會話, 其實出面仲巴過沙咀
值得一提的是, 並不是每一個沙咀仔出來後, 都好似我咁, 變化咁大
有人話, 受過沙咀既人, 出返去後一係就真係改邪歸正, 一係就變得更加醒目
我是認同的, 因為改變一個人不應該靠環境的坎坷, 而是要做到心與心的交流和互動
但談何容易, 後者更是要經過一個過程, 就係要先了解自己,再對認真審視自己, 或許有好多仍在浮沉的人, 無試過這樣吧
那麼, 交代一下各個角色的去向吧(出去後, 我有加某幾人的Facebook)
諸仔, 五隻的他真的做了地盤,並且開始認真草錢, 想開鋪, 雖然生活辛苦, 但腳踏實地又開心
五隻二的阿大, 做緊整餅佬, 並且搵到個似乎都幾管到佢既女朋友, 生活不再那麼風流, 但係相片中睇得出, 佢過得幾幸福
阿希, 似乎都過得唔錯, 而且佢一開頭都有追故, 瞬間認出左我哈哈...
至於志豪, 監管令期間被Recall了一次, 現時似乎仍然在外打滾緊 , 武傑也一樣差不多, 雖然無Recall, 但那些圈子, 也不是那麼容易捨棄的
好不容易認返阿爸的子健, 在豐力樓期間一去不返了. 這自然要出通緝令Recall返佢, 不過未搵到佢, 發生了什麼事? 我不知呢
到圓圓了, 成為了洗衣牌板, 之後博到四隻三早走的他,在落了豐力樓的頭一個星期,因為又掂了毒品, 搞到無返到去豐力樓, 結果便是在出冊後的一個星期快速Recall 返了去, 後果自然係不敢想象, 但近排睇返佢Facebook ,似乎已經信了教, 一家人和睦的放閃照真係睇到我就黎盲, Fuck
而阿壯, 亦逃不出那些圈子的泥潭.和我相差一個number的他, 四隻三的他, 在上年又唔知衰左啲咩嘢, 被判去了TC, 一坐就要坐一年半以上. 唉, 其實係豐力樓果陣有同佢傾過下, 彼此都有聊過自己的將來.見到佢又入返第二啲環頭, 我都有些不好過.寫了封信俾佢, 希望出返黎後既佢, 會識諗吧
至於其他人, 就唔知啦, 因為都斷曬聯絡了.
咁我呢?
呃...目前12K的人工, 雖然夠食既, 不過戶口存款無試過多過一萬, 住緊公屋, 返工搭地鐵
仍舊係無車無樓又無錢
女朋友? 佢太識玩捉伊恩了,哈哈
出冊後既兩年, 作為一個成功男人既幾樣指標, 我一樣都無
反而屋企人開始少了, 煩惱開始多了, 越來越多嘢要煩, 好多好多既責任, 要揹起.
各方面都有些壓力, 自由的世界, 確實係有些累人, 而最慘係身形又恢復返80KG了, 唉, 我屌
前景簡直係一片慘淡啊, 哈哈
係就係幾失敗既, 不過神奇既係, 我發自內心,好滿足現在擁有的一切.
我好自豪自己識得咁樣諗, 我有好好地去珍惜自己仲有既嘢, 去享受還擁有的
因為我知道,我未到去追求物質的那個階段, 我知道自己真正想要的, 是什麼.
唔知大家有無試過寫日記呢?
我細個果陣, 有試過寫一本日記, 我仲記得, 我故意買得精美啲, 想鼓勵自己寫耐啲, 但始終因為太懶的關係, 忘記了.
上年,我又搵返那本日記了, 睇返以前的自己, 真懷念啊...
仲發覺每一篇的自己, 都總會鼓勵下一篇的自己
然後不知不覺, 我變得好像總會盼望好事一般.
是巧合嗎? 哈哈, 突然又好想同以前既自己講返, 報告返這些年發生左啲咩呢...
於是我決定, 以後每逢一些特別事, 新年同生日, 我都要再對自己說一說話, 直到填完這本薄為止.
我仲整理了一下自己想達成的事, 在日記的最尾一頁, 列了個人生清單
而現在, 終於可以先剔走一個了.
來到現在, 出故前曾經擔心過的問題都似乎有了答案.
我不但止為了別人, 更令你地都為了別人
因為你地既留言, 支持, 都俾左力量我 . 正是你們的鼓勵, 才能讓這個故事出了第一冊書
這份力量, 其實個個都...屌, 我果然唔識講呢啲懶係雞湯既說話
總之記得啦, 有能力的話, 支持自己喜歡的事物, 是很重要的.
就好似你食開一間好味既食店, 幫襯開某間小店, 鐘意睇某個演員既戲, 聽某個歌手既歌甚至去埋佢演唱會支持佢, 又或者你睇呢個故睇到呢到, 甚至買埋我本書都好, 諗深一層,其實呢啲都係支持別人的一個行為, 我哋無時無刻都在為了自己, 同時成就了別人.
為別人, 成自己.
比未坐過監的你,這是一個來自沙咀的故事.
五個月以來, 多謝你們了.
多謝各位！