[少年監獄] 感受沙咀: 說好的續篇－之後的一年

俾未坐過監的你,這是一個來自。。。。。。




啊唔係，應該話








俾睇完故的你，這是我出冊後一年的故事。




循例落個廣告先啦。








第一集“奴教,Yes sir”  ，已經在各大書店上架，賣得七七八八啦~




如果想第二集,第三集早啲面世的話, 就要請各位巴打繼續多多支持。編輯話要賣曬先有機會出第二集, 我都好想集齊三本.








不過呢啲都係隨心啦。 畢竟今次，主要係為左找返之前話寫後傳的數的。

只是頭盔仍是要帶的，出冊後的監管令生活，真的不算什麼。
因此呢個後記篇，我也不會長篇大論，大概一兩萬字左右，就會完。
所以各位唔好期待太多，我真係唔會寫好多好多。
因為最值得寫的部分，我已經寫了。
不過最近，我開始發覺，原來支持自己喜歡的，是那麼重要的。
我住嘅屋邨，有一間幾十年的士多。
有陣時我行過，望到間士多，都會不禁心諗：
啊，都過左幾十年啦，點解間嘢仲未執笠嘅呢？
街坊生意真係咁好賺？
但細心一諗，嗯。。。
可能都係一份支持吧，街坊的支持，學生的支持，讓這屹立了數十載都不倒的士多，還在回饋著支持它的人。

偶爾老細會送多買嘢嘅學生一粒糖；又或者唔夠錢就收少你一兩蚊；甚至俾你賒帳，然後笑說，下次再過來還吧。




後來有篇報道，專門訪問了這間傳奇士多。

老細開朗說：“之所以堅持開士多咁多年，始終都係因為班街坊，學生。
睇住咁多學生哥大個，見住班街坊唔選方便的便利店，都選擇過黎買我一支三蚊水。
我就知道，我唔想辜負佢地嘅支持。
有得做，我就會做落去。”



嗯呵，望完篇報答，有些熱淚盈眶。
可能這就是它一直都在的原因吧。
事到如今，每次打波前我都會故意走去買支水，當作支持。
亦因此，我開始明白，支持自己喜歡的，是為了讓它不要消失，繼續落去。
無論是人，還是事，都一樣。
我都想成為這樣的一間小店呢。




人生在世，獲得了支持，便理應盡量回饋。
所以這篇後記寫完後，我會俾多一份驚喜大家，當作回饋。
跟住，來來往往，咁就一年啦。
雖然時間不長，但即使係寫完故的這半年，人生仍然滾了一波又一波的大浪給我。
不斷地失去，不斷得獲得。
得失得失，搞到我偶爾仲會諗起子藍sir嗰番說話。
有陣時，出面其實仲巴過入面。
的確呢。
咋眼望去，生活上何處不是苦。
但做人要樂觀，就算一切望落渺茫，起碼都要懂得如何苦中尋樂，否則便會捱不下去。
現時，屬於我嘅樂是打波，睇戲，打機等等等等。。。
啊係，仲有一個樂趣，就係打文。
我開始中意嗰種驚艷到別人的滿足感了，哈哈。
在實現夢想前，走多些其他不同的路，似乎也不錯呢。
為別人，成自己。




跟住落黎呢篇後記，希望大家喜歡。