自從住咗hall先知，扑野原來可以咁簡單: 繼續系列《二、三人遊》2.2
「我咁就原諒咗佢，係咪好無用。」Sophia係一齊返之後幾日先再同我見面。
「無話嘅，最緊要你自己唔好後悔。有咩結果都好，對得住自己嘅選擇就得喇。」我其實都無咩意見，反正我嘅睇法已經唔會改變到Sophia嘅決定，我深信。
去到sem break，好多人放假都返咗屋企或者去咗旅行，而我就係少數繼續留係hall嘅人，主要因為我真係幾得閒，又樂於係hall個種寧靜。
我roommate Jay就係去咗旅行個批人。
所以長期都得我自己一個人。
係聖誕前幾日，正當我想搵Sophia食飯嘅時候，我發現我搵佢唔到。
除咗whatsapp單剔以外，佢連電話都熄埋機。
我見佢全日都無哂踪影咁，唔多唔少都有少少擔心；於是決定用個好原始嘅方法搵佢：打去佢屋企。
可能你會奇怪，乜而家仲會有人用屋企電話？
因為ocamp期個段時間我地要傾好多細節野，而佢屋企係圍村地方，網絡有時會收得好唔穩定，斷線係老是常出現嘅問題；所以我地後來索性直接用電話溝通，佢會用屋企電話同我傾。
「喂，唔該搵Sophia呀。」我一聽到電話接通咗，就即刻問。
「你邊位搵佢呀？」聽電話係有少少鄉音嘅中年女人，我諗應該係佢阿媽。
「我係佢同科同學呀，有啲功課要同佢討論，見佢電話無電所以打嚟搵佢架。」我小心翼翼咁講。
「哦，你等一陣呀。」之後我聽到佢拉遠咗個電話筒，大嗌「阿妹有電話搵你呀」。
「喂。」終於聽到Sophia把聲。
「我係阿程呀，你搞咩呀，搵你唔到嘅？」
然後係一陣沉默。
「喂？你OK嗎？」我試探咁問。
「我真係好戇鳩，我地又分咗手。」佢好沮喪咁講。
「今次又咩事呀？」我心裡面雖然有個種「又嚟喇」嘅感覺，但係點都要安慰下佢嘅。
「你仲想聽咩？」佢自嘲地回應。
「當然，我有幾時唔聽你講野架姐。」
結果佢買咗成打啤酒上我個hall到。
「今次，真係無彎轉喇。」佢打開咗罐啤酒，然後一口氣飲咗成半罐落肚。
「你次次都係咁樣講架喇，今次又咩事分？」我忍唔住咁樣應，隨即又後悔自己太老實直接。
「唔係呀，今次真係唔會一齊返架喇。」佢搖搖頭：「佢話，就算我點樣就佢為佢改變都好，佢都唔想再同我一齊。」
「吓？又會突然之間咁絕情？」
「我已經係咁求佢，但係佢居然話，佢寧願一個人都唔想再見到我。」佢冷笑咗一下，再講：「明明之前仲話好咗聖誕一齊整銀包比大家，突然間咩都無哂。」
「今次佢講到咁樣，你自己都知咩事喇。」我拍咗佢膊頭一下：「係時候要向前行架喇，唔好望返轉頭。」
「我唔明呀，我唔明點解可以變得咁快。」
「點解佢上星期先話緊同我去邊到邊到玩，又話好愛我好掛住我，唔想做莊務想日日見我，但而家就話唔愛我？我真係好戇鳩，居然信佢。」佢一輪嘴咁講，然後手上面嘅啤酒係一罐又接一罐咁吞落肚。
「分手第一日係難捱啲嘅。」我好淡然咁講：「時間耐啲你就會無事架喇。」
Sophia已經飲到滿臉通紅，好明顯有醉意，連把聲都變到異常嬌嗲：「我係到諗呢，如果佢氹返我話同返我一齊，我都會肯。」
「屌你，咪呀。」我即刻講：「係咪傻架，傷完仲要畀機會人地再傷多你一次，呢啲就真係戇鳩。」我有啲嬲，唔明點解咁多次佢都唔識汲取教訓。
「我就係咁撚戇鳩，我最戇鳩就係信佢真係鍾意我。」講完佢就開始喊，喊嘅程度比起之前係電話嘅誇張好多。
我諗係酒精令到佢將自己嘅情緒完完全全咁釋放哂出嚟。「唉呀，你唔好咁樣話自已喇。」我見到佢喊到咁淒勵，除咗唔好意思再話佢之外，我居然有啲心痛。
佢無再講任何野，只係不停咁係到喊。
起初，我都只係拍拍佢膊頭，因為我都唔知再可以講咩好。
我諗呢刻太理性嘅說話唔適合講，亦無須再多講。
後來我見佢只係喊得愈來愈用力，幾乎可以用嚎哭嚟形容。
我未見過女仔喊到咁。
「你要記住，無人係可以陪你一世。」我將唯一呢句最衷心嘅說話講比佢聽，希望佢會明白。同時我都嘗試去安撫佢，將手掌心放係佢手背上面、輕輕咁拍動。
佢嘅身體開始不由自主咁震動，抽搐嘅律動亦都愈來愈快，我就開始捉實佢隻手。
「唔好喊喇。」我係佢耳邊講。
我見佢啲眼淚、鼻水都已經混雜埋一齊，一直猛咁流。
我之後索性咩都唔講，只係默默咁幫佢抹眼淚。
抹完一張紙巾就完全濕透，我就即刻拎過另一張再抹過。
重重複複嘅動作唔知做咗幾多次，佢都係繼續喊緊。
我嘆咗一口氣，然後將手放係佢臉上面。
我唔知自己點解會咁樣做，但係我當下好想咁樣呵護佢。
我地都無再出聲，佢繼續啜泣，而我只係靜靜地陪住佢。
後來我將佢成個人拉向我個身體，等佢可以挨住我。
佢應該係喊到攰，佢無耐之後就瞓著咗。
我摸咗佢個頭幾下，心裡面有種講唔出嘅感覺。
我唔想再見到Sophia流眼淚。
－－－－－－－－－－－－－－－
由佢分手開始，我就每一日陪住佢。
有時係佢嚟我hall搵我、或者係我去佢屋企附近陪佢食飯。
「你唔餓都食少少喇。」佢因為阿謙嘅事，成個人落哂形；食飯都只係食好少，一啖起兩啖止。
「我真係無胃口呀。」佢沒精打采咁講：「我好想食架，但我真係食唔落。」
「唉，我真係唔想見到你食唔落野又瘦哂咁。」我好擔心咁講。
「我知，我會對自己好啲架。」佢笑咗下：「你真係對我好好。」
「傻喇，咁熟，講呢啲架咩。」我即刻用個好輕佻嘅語氣講。
「唔係呀，我知你真係對我好好。」佢凝視住我講：「我會記得你對我嘅好，多謝你阿程。」
「記得就好。」我莞爾一笑咁答佢。
有人話，習慣咗一個人嘅存在，你就會開始依賴佢。
呢段日子裡面，我諗Sophia開始依賴緊我。
而我都不知不覺習慣有佢依賴我。
「你食咗野未呀？」每次佢返嚟學校都會搵我食lunch，幾乎係每日嘅指定動作。
我自己當然好樂意陪佢食野，或者做更多嘅野。
我希望可以幫佢從悲痛中走返出嚟，見返果個好開心好癲嘅Sophia。
到平安夜個日，Sophia提議去我hall到煮餐飯飲下酒咁。
「今日出街食實比人鋸到一頸血，自己煮平啲；係你到仲唔洗係街同人迫，一舉兩得。」我地係惠康到行緊，睇緊有咩食材好煮。
「最撚醒係你喇。好彩無拍拖，比著同其他女仔一齊實要出去食個啲貴價西餐，仲要送聖誕禮物又盛咁。」我笑笑口咁講。
「Sorry囉，要屈就你今晚同我過！」佢洋洋得意咁回應，之後拎包煙肉話：「不如整個卡邦尼意粉喇，簡單啲。」
「得喇，大佬話事。」
我地買完食材，順手買咗枝白酒就返宿舍。
之後係等𨋢個位撞到啱啱出𨋢嘅周仔，佢都係住我個層。
佢一見到我同Sophia就不懷好意咁奸笑。
「喂，阿程，唔怪得唔同我地出去打邊爐喇，原來約咗女女返hall煮飯仔。」
「屌你喇，friend嚟架，我ocamp partner。」
「friend到一齊過平安夜咁開心？今晚安全啲呀。」佢大笑咗下之後就走咗。
「喂，你唔會介意架可，你知啲男人講野係咁。」我即刻同Sophia解釋，生怕佢會有hard feeling。
「得喇，好驚人地誤會我係你條女咩？」佢啤住我：「我都唔係咁差姐下嘛。」
「唔係咁嘅意思…」我一時語塞唔知講咩好。
「講下笑咋傻鳩。」
好快我地就食完個意粉，收拾好啲架生就返咗我房開白酒飲。
「Merry Christmas!」Sophia舉杯大叫。
「聖誕快樂！」我回應。
「好彩識到你，我先唔洗自己孤伶伶過聖誕咋。」佢如釋重負咁呼咗口氣，再講：「我諗今年最開心係識到你。」
「哈哈，咁抬舉我呀。」我聽到佢咁講其實好開心，我又何嘗唔係咁樣諗。
「真係架。無你我都唔知點樣捱過呢段日子。」佢若有所思咁諗咗陣，先開口話：「我諗我已經無事架喇。」
「無事就好喇，咁樣唔會再成日愁眉苦面喇。」我補多句：「我覺得你笑個時靚好多。」
佢呆咗呆，應該估唔到我會咁樣講：「多謝喎，哈哈。」
然後我地相對而視，慢慢我就將我個頭靠過去佢到。
佢個樣好似閃過一絲猶豫，但好快就消失咗，然後同我熱吻起嚟。
我聞到佢頭髮有淡淡嘅香氣，應該係佢洗頭水嘅味道。
我沿佢個頭頂摸，順落到去髮尾，再攬實佢條頸。
「我好鍾意你。」我係佢耳邊講，然後輕輕咁係佢耳仔吹氣。
我聽佢嘅呼吸變得急速起嚟，我同佢由坐係床邊變成壓住佢嘅姿勢。
我繼續錫佢，佢依舊好配合地回應我，好快我地兩個身上已經一絲不掛。
Sophia身材唔算話特別出眾，目測應該係34B咁上下，不過都已經好夠用。
我埋頭係佢嘅雙乳間遊離，右手係乳頭上面打轉，個口就係另一邊乳房上面輕力吸吮。
「丫…」佢低語發出一下讚歎般嘅叫聲。
聽到之後我轉而進攻佢嘅蜜洞，一用手指插入去就感覺到一陣溫熱嘅濕度。
我忍唔住加快我手指出入嘅速度，然後聽到一陣陣嘅嬌喘聲。
我見差唔多係時候，就係床頭個櫃桶到拎咗個condom出嚟。
「嘩，你早有預準架？」氣氛突然間因為佢呢句說話而變得有啲好笑。
「之前同ex用剩架屌。」我有啲尷尬咁講，然後再次將嘴唇緊貼佢，唔比佢再講任何野。
最後我地只係用好簡單嘅傳教士式就完咗事。
「可唔可以做我女朋友？」我攬住佢，好認真咁講。
佢無出聲，只係好甜咁笑住點咗下頭。
呢晚之後我同Sophia就一齊咗。
－－－－－－－－－－－－－－
我地同以前嘅相處模式無太大嘅分別，唔同嘅係我地之間比以前更親密。
不過我地好低調，因為我不嬲都唔係個種拍拖要全世界人知嘅男人嚟。
所以得幾個相熟嘅朋友知道我地一齊咗。
放完sem break開學無耐，我發現Sophia成日好似心不在焉咁。
「咩事呀你，唔舒服呀？」個日我地一齊落堂之後，去咗canteen食頹飯：「你無野嘛？」我好溫柔咁摸一摸佢個額頭。
佢搖搖頭，無出聲。隔咗一陣，佢好細聲咁講：「佢搵返我。」
「吓？阿謙？」我諗咗陣，之後講：「咁又點姐，你而家同咗我一齊喇。何況你地一早都分咗手，搵你咪唔好理佢囉。」我理所當然咁答。
「唉，我唔知呀。」佢仿似面有難色咁，靜咗一陣先開口講：「我…我好亂。」
「你仲好care佢？」我面不改容咁問。
「唔好問我喇，我真係唔知呀。」之後叫我比幾日時間佢冷靜下，話唔好見面住。
我表面上雖然好似無咩野咁，心入面其實好沉重。
我有預感Sophia會同我分手。
結果Sophia無再出現過係我面前，只係send咗一首方大同嘅《三人遊》比我，再加三個中文字：係好沉重嘅「對唔住」。
有些話你選擇不對他說 你說某種脆弱 我才感同身受
我永遠都願意當個聽眾 安慰你的痛 保護著你從始至終
你說你的愛 屬於他了
你說你的手 他還牽著 就算你累了
我會在這 一人留 兩人疚 三人遊
悄悄的 遠遠的 或許捨不得
默默的 靜靜的 也許很值得
我還在遠處守候著
記得個時我聽到呢到已經唔想再聽落去。
後來我知道Sophia都係繼續同阿謙一齊，依舊係離離合合咁，不過始終都會一齊返。
或者係一直以來嘅做人態度都對離去睇得好淡薄，我好快就無事。
不過偶爾都會再聽下《三人遊》呢首歌，回味下同Sophia發生過嘅所有所有野。
至少我們中還有人能快樂 這樣就已經夠了