那些年，我被女朋友狠狠地戴了頂綠帽: 第十三章 Ch.13
「得啦，我知你想講咩啦！」佢開口。
下，唔係掛？我未開口佢就拒絕我？睇黎這些機會不是屬於我的。
唉柒到咁，都唔知返學個時點面對佢。
「其實我都鐘意你。」佢講完呢句之後，就Deadair左三秒。
唉，我都話佢會拒絕我嫁啦。學人溝女？訓啦柒..侬？等等先？
「下？你講咩話？」我驚訝咁回應。
喂，你係咪聽錯野？好心你幾廿歲人，唔好咁多幻想啦。
於是我打一打自己，再問佢：「你...啱啱講咩話？」
佢吸一吸氣，再講
：「我...我話我鐘意你啊，不...不過你都係當我冇講過啦！我地做返普通朋友就得啦！」
唔撚係掛？反客為主咁勁？
我當時呆左足足五秒，然後先識作出反應：「唔洗！我都係想同你講我鐘意你啊...」
佢可能怕羞，就話：「下，係...係啊？咁我都返學再講啦！」
就係咁，佢收左我線。
我放低左部手機三秒之後，一邊手舞足蹈一邊講出tempo 紙巾廣告[1] 既口號。
屎啤爽啊！屎啤爽呀！
[1]：tempo 紙巾廣告：http://www.youtube.com/watch?v=PMBaK8uCB4M