突然間「碰碰碰!」三聲,門口傳黎母親既說話:「喂你搞咩啊,係咁大叫,黏左線?」

頂,唔記得左屋企有其他人!死啦,啱啱講既野會唔會比母親聽到...

「冇野,只係個壁報拎左獎姐。」我求奇作個理由應付母親。

唉啊,重未做功課!我打開書包既拉鍊,拎左一本抄詞語既出黎。

「我是毒撚 我是毒撚 我是毒撚 啊言啊言 啊言啊言 啊言啊言」



屌,我抄緊乜野啊!點解抄抄下我是毒撚會變左啊言嫁。
現家成個腦都係啊言。

「其實我都鐘意你。」
「其實我都鐘意你。」
「其實我都鐘意你。」
「其實我都鐘意你。」


啊言呢句說話徘徊係我腦袋裏面,搞到我成晚冇做到功課。



為左好一個最好既樣去見啊言,我將訓覺既時間提早,
然後一早就起身沖涼換衫,結果我啲時間多到可以食埋早餐。

由於我太早返到學校,課室全部都未開,我只好坐係操場等。
一落到去,我就同佢講左琴晚既野。

「喂,我有個好消息同你講。」我拍一拍佢膊頭。
「點啊,你得左米啦?」
我好驚奇咁講:「下啊言同左你講啦?」


點知佢比我重驚奇:「哇屌你咁勁得左米啦,恭喜曬啦。」

我望一望學校啲鐘,發現課室開左,就同佢打個眼色,一路行一路講。

返到課室之後,我呆望住門口,期待緊啊言快啲返黎。
當啊言一入到課室,佢就俾左個甜甜既笑容我。
睇到我醉下醉下咁。