那些年，我被女朋友狠狠地戴了頂綠帽: 第十五章 Ch.15

啊言返到課室既時候已經唔早，我地只係傾左兩句就上堂。
於是我地就傳紙仔，最大既好處唔會俾老師發現。

我一路傳紙仔一路諗，到底應唔應該公開關係？
唔公開就好似對佢唔住，公開左我又唔識面對同學。

啊言見到我眉頭深鎖，就問我係咪有咩事。
我唔敢同佢傾，就作左個理由。

一到小息，我就拉左啊天落去小食部。


將成個問題講曬俾佢聽之後，佢鬧我
：「屌，你係咪鐘意啊言嫁，你既然同佢一齊左，咁有咩唔公開得？」

其實諗深一層，根本就冇野好怕。

「啊天我愛你啊！」我興奮咁同佢講。
佢白我一眼，然後話：「THIS！」

「IS！」我回應。



「GAY！」講完呢句之後，我同佢一齊笑左出黎。


話咁快就放學，我雖然同啊言拍緊拖，但係我冇俾過名份佢。
於是，我拎出我部電話，坐左係公園啲長椅，打左俾啊言。

「喂，啊輝？搵我有咩事啊」佢笑意盈盈咁開口。

「啊言，我想問你一個問題啊！
可唔可以做我女朋友啊！我真係好鐘意你！


雖然我真係未滿分，但係俾個機會我啦」我用認真既語氣同佢講。

「好，不過你唔準變心嫁！」佢好開心，真係好開心。
女仔要既野，其實唔多。佢只係需要一啲安全感。

現家記返起，其實都幾好笑。變心個個唔係我，係你。