那些年，我被女朋友狠狠地戴了頂綠帽: 第十六章 Ch.16

第二日朝早，我就同佢去大家樂食早餐。
約左佢七點三，我到左個時佢已經睇緊水牌。
我行左過去，輕輕力搣佢面豬燈。
佢做左個嬲既樣，然後再講：「你遲到喎，要點補償！」
「請你食早餐啦！」講完呢句之後，我就拉左佢去買飛。
然後叫佢去搵位，我就去拎野食。

食野個時，我拎起佢個叉，吉起啲野食再喂佢。
佢見到我咁做，又學我咁吉返俾我食。



食完之後，我拖住佢隻手行入課室。
一入到課室就已經有人發現，我就順便公開關係。
啊言成塊面紅哂，但係我睇得出佢好開心。

基本上我同佢係學校都係出雙入對，好似糖黏豆咁。
食飯又一齊，上堂又一齊。有時重會幫我做功課。

星期六既朝早，我俾一個電話嘈醒左。
原來係啊言打俾我，問我可唔可以陪佢行街。
哇女朋友難得開口喎，咁又有咩所謂呢？



於是我就起身梳洗，用九秒九既速度出門口。

出到街，我地周圍行下，見到有咩好食就買，
同佢一齊啲時間真係過得好快。

行行下，經過一間書局，我就行左入去。
我拎左一本書睇到入曬神，
佢見到之後，就拎左一模一樣既書去俾錢，
然後送左比我。


當時我好開心，我一直以黎想要既野，就只係咁多。
有個女朋友，可以俾我錫，陪下佢行下街，食下野。

我地行到攰攰地，佢就問我上唔上佢屋企坐下。
我當然話好啦，於是我地就答車去佢屋企。