那些年，我被女朋友狠狠地戴了頂綠帽: 第十七章 Ch.17

上到車，佢挨住我個膊頭，
我同佢隻手越黎越近、越黎越近。
當我掂到佢隻手既時間，我驚到即刻拎開隻手。
最係都係慢慢咁拖住佢隻手，
佢拎轉頭，佢個表情 就好似想我拖佢好耐咁。
我笑一笑，扮到好似冇乜野咁。
但係我緊張到心跳快左勁多。

話咁快就上到佢屋企，佢叫我坐上佢張牀。
然後就坐係到睇電視，


佢放個頭埋入我心口，我攬住佢，同佢對望。
然後就蜻蜓點水咁錫左佢，
佢意猶未盡咁望住我，我真係忍唔住再錫佢。

然後佢問我，會唔會愛佢一生一世。
我話緊係會啦，佢聽到我呢句說話就嘻嘻咁笑。

再坐多陣，我就行左去幫佢整電腦，
發現聖誔節好快就到，於是我係心裏面諗緊點同佢過。



係我走之前，佢拎左一個綁住蝴蝶結既小盒俾我。
我出到門口，打開個盒，裏面有粒心形軟糖。
我點都估唔到佢會親手整野食俾我。
真係好開心，同時都好感動。
多謝你，啊言。