「我知喇,你一定係有啲唔見得光既野。」
 
Nick聽到我咁講,竟然被刺激到,為表示自己既清白,佢拎部電話出黎,連接上博物館既Free-Wifi,再打開instagram噤入自己既profile比我睇。

呢一連串既行為做得清脆俐落,估唔到無形中既激將法成功左。

「你慢慢睇啦,我清者自清。」

佢又真係冇講大話,佢instagram得16張相,50個followers,同80個followings,icon仲要係冇樣既。



一眼望落去,佢upload既都係啲好普通既生活照,有食物既相,溫書嗰陣對住張臺影既相,諸如此類。

黎左歐洲差唔多成個月,佢連一張歐遊既相都冇放過上去,對上一張,已經係10 weeks ago。

「我都係講下姐,你咁樣顯得你仲心虛喎。」我都係要繼續「試探」佢。

「你地啲女人真係好煩,做乜都唔滿意。」Nick既語氣突然180度轉變,仲順勢喺我手中拎返部電話。

明明平時我地都開慣呢種無營養既玩笑,但佢認真上黎原來都幾得人驚。



「唔…我未用你account follow返我自己啊…...」 

佢好少用咁既語氣同我講野,所以我都唔知喺呢種情況下應該講乜好。

「唉,是但啦,你充返你部電話先算啦。」Nick喺佢個百寶袋背囊度拎左個charger出黎比我之後,就冇再講野。

*

我地坐返電車出去市中心,車程十幾分鐘,正當我諗緊要唔要又用食飯呢個話題黎聊返佢講野,Nick卻主動打破沉默。



「Sorry,啱啱唔係有心話你煩,我都知我語氣重左,唔好介意。」呢句係佢嗰日第二次向我道歉。

「咁我都要講Sorry既,其實你唔話我我都知我係一個好煩既人架喇,港女吖嘛,哈哈。」

「我地依家一人一句Sorry,就咁抵消好冇?」

「唔得喎,你唔記得今日係你遲到所以激嬲左我先既咩?你好似仲未補鑊。」

「我知道,但一單還一單,我諗請你食野係最好既方法?」

「你又拎食物黎收賣我…你有冇新意啊?」

「橋唔怕舊,最緊要受。」

喺十五分鐘內,我地又開始無傷大雅地互相鬥嘴,就好似完全冇事發生過一樣。