是命運，令廚師和香料遇上: 第一章 艱苦的開端 3

「喂～九哥，芳姨，今晚我又過黎痴餐食啦。」美芳的一名姪子一邊推門，一邊問道。

「吓，喂星仔，老老實實你過黎痴足幾個月啦喎.....我地環境都唔見得好你幾多架渣，長貧難顧丫老友。」美芳說。

星仔現年二十有九，失業多時。

「唉.....我條腰又痛，頭又痛，手又痛，真係返唔到工呀嘛。」星仔又用老借口說道。

「唔緊要啦芳，多個人咪仲熱鬧D，無咩所謂啦。」仇九說道。





「哈，所以都話九哥真係無得頂！我老豆都未會對我咁好呀！」星仔說道。

星仔的父母自少就拋棄了星仔，星仔一直由奶奶（即美芳的媽媽）照顧，直到二年多前星仔的奶奶也去世後，他也算真正的無人無物了。

他一直住在奶奶留下來的公屋內，靠著做些地盤散工為生，但在年前一次地盤小意外後，就總推說這痛那痛，不再找工作去了。

「話時話九哥，你幾時同芳姨帶埋天窗呀。就算其他人反對，我都一定支持你！」星仔笑說。

「挑，你餐餐黎痴，我地點儲都個錢黎結婚呀。仲有你呀珠姨條數呢？遲下啦，遲下有錢就得架啦。」仇九道。





「遲下？遲下芳姨人老珠黃，著婚紗比人笑架啦。」星仔說。

「吓，會架咩？」九哥問道。

「唔係你估？而家好多人呀，去飲，影得人地四十幾歲著婚紗，再將Ｄ相放上網等人黎笑添呀。」星仔說。

「咁...咁你芳姨望落去仲好後生姐，唔怕掛。」仇九道。

「而家就唔怕～遲下就難講囉。」星仔道：「好，食飽飽，走先咁多位。九哥拎住一舊水黎搭車得嘛？」





仇九呆呆地從錢包拿了張五百元給星仔。

「唉.....咁點算呢，美芳唔等得架啦喎....」仇九自言自語。

看見仇九擔憂的表情，星仔也不忍再落井下石。

「喂，九哥，呢度比返你，我唔記得原來自己八達通有錢，得架啦。」星仔說。

「哦....好。」九哥本能反應地道。