《我係窮郵差，專門幫陰陽相隔嘅親人送信》（書局上架中）: 37

 
 
「我哋根本好多野都未講夠，我仲有說話想同我媽媽講⋯⋯」
 
 
「咁我幫妳寄信，妳寫低。」
 
 
「唔得，我要自己嚟，我想親眼見到我嘅媽媽。」
 


 
「咁又何必呢？」
 
 
「一係，你就帶我落去。一係，我用自己嘅方法落去。」
 
 
「你點樣用自己嘅方法落去？」
 
 


佢眼神好堅定咁話：「人死就可以落陰間啦，唔係咩？」
 
 
聽佢嘅語氣，一啲都唔似係講笑。
 
 
只係，我到底應該點做？
 
 
「你帶唔帶呀？」


 
 
「妳咁樣威脅我好咩？」
 
 
「唔係威脅，而係互相幫助，我一定會還返畀你！」
 
 
點解咁多人想親自落去？
 
 
其實真係唔可以，我亦覺得咁樣唔係一件好事。
 
 
只係⋯⋯佢咁嘅性格，我唔幫佢真係驚佢會死。