無論我再點努力,我腦入面既記憶都只係去到孱仔走左果刻,之後就完全斷哂片。 

而係我思索期間,架車好快就飛到我公司樓下。 

「百三蚊呀,靚仔。」司機笑口勢勢咁講。 

我攞起銀包既時候,己經有種不祥既預感。 

一打開, 屌! 入面一蚊都無! 



無頭髮者,依家連錢都無埋?!明明尋晚先噤完錢架! 

「司機唔好意思,你介唔介意泊埋一邊,我上去問同事攞錢俾你。」 

司機大佬一聽,面色一百八十度轉變 

「不如你留係度,我叫你老母攞錢來贖你吖。」 

「咁...咁收唔收八達通....」 



「不如碌卡吖。」 

「得咩?都好喎...」 

「俾錢啦仆街!!」 

正當我徬徨無助之際,我見到喺公司坐我隔離位既竹笙妹Amy係車出面行過。 

「Amy! Amy!」 



Amy聽見有人嗌佢,個頭四圍望。 

「呢度呀!的士入面!」 

「Oh,Weldon?」 

無錯,Weldon係我個英文名, 一個好重心機既名字。事關如果有人係公司咁嗌我,其他唔知情既同事好容易會以為佢係度讚緊我。 

「你個頭無哂Hair,差啲搞到我唔認得你添。 What’s up?」Amy行近車窗烏低身問, 成條無底深溝表露無遺。 

「係咁既,我唔記得帶散紙出街,你可唔可以借住一百三十蚊俾我先呀。」 

「Oh Shit,我咁啱都無散紙添...」Amy係佢既長條型LV銀包入面攞左幾張金牛出來。 

「攞來啦,一萬蚊都有得找呀,係條鳩佬無錢俾喳。」司機毫不留情地拆穿。








搭「車立」果陣,Amy問:「點解個司機叫你鳩佬既?」小妹妹初到貴境,未參透到香港博大精深既粗口文化。 


「鳩佬既意思...係話我夠老..實者。」我一路鳩up,一路諗住自己點解會無哂啲錢。 

同「車立」既一個男人聽到, 忍唔住陰陰咀笑。 

「係呢, 搭TAXI既時候啲司機成日問我行邊條隧, 我應該點答啊?」 

頂, 好地地搭個電梯係咪事必然要搔野講呢? 你係大波者,但係我依家真係無心情同你social呀。 



「你答佢事撚但啦。」 

「事撚但?」 

「係呀, 事撚但呢條路最快家啦。」 

「Really? 你鳩唔鳩佬家?」Amy自以為識少少就可以舉一反三。 

「鳩到盡添啦」個男人搭訕。



好辛苦架「車立」終於去到我地果層, 由於趕住開會,我一個箭步就衝左入office。 




出哂名鐘意抽水既呀頭早就企左係我個位前面等我。 

「Well Well Well,人地係早年髮線向後移者, 你仲勁, 一次個移走哂。」呀頭一見面就大抽特抽。 

「哈哈, 天時熱吖嘛。」話哂佢都係我呀頭, 唔通講關你撚事咩。 

「成村人等你開會呀, 你今日咁既look做present,想唔紅都唔得啦。」 

我攞埋啲文件, 亦步亦趨咁跟住呀頭行去全公司最大既會議室。 

今日呢個係季度業績大會, 幾乎所有大粒佬都會坐哂係間房入面。 

而我負責既, 就係喺佢地入正題之前向大家報告一下生意上面既數據。 

唔好以為我份工有咩野咁巴閉, 講真呢一part純粹只係將一堆數字讀俾大家聽, 人人都有機會試下, 係今季咁唔好彩輪到我做者。 



有幾個同我比較熟既同事見到我個新「髮型」之後, 「噗」一聲笑左出來。 

我強自振定, 扮聽唔到咁直接行到房中間既screen前面準備present. 

「 咳咳... 」 我清一清喉嚨道:「大家好, 我係Finance 部門既Weldon,歡迎出席今日既會議。首先我會為大家報告下呢一個季度既業績。 Next slide。」 

我好有型咁轉左個靚身, 指住個screen繼續講:「呢一堆data既平均值係...」 

「Oh! No!」 

「咩來家?!」 

「好核突呀?!」 

背後既人突然騷動起來。 

我連忙道:「無錯, 相信大家都可能發覺到公司今季既生意係差左少少...」 

奇怪, 平時無論啲數據係點都好, 啲老闆都唔會有咁大反應, 莫非真係俾我呀頭講中, 轉左look真係有運行? 

「Stop!你睇下你自己似咩?!」大老闆嬲到企左起身。 

「吓......做咩呀...」我毫無頭緖。 

「你, 你個頭後面...」我呀頭忍笑忍到胃抽筋咁。 

「係呀, 我剃左啲頭髮...」我心諗, 光頭者, 唔使咁大反應呀。 

「唔係呀...」呀頭望一望周圍, 盤算緊應唔應該講出來。 

「究竟係咩事?」我突然感覺到一陣莫名其妙既恐懼。 

呀頭決定豁出去, 當住眾人面前大聲喊:「你個後腦紋左個FUCK字呀!」