夾錢中左六合彩頭獎, 但keep飛果個唔見左...: (4)

出左公司，我即刻拎起部電話打俾佢地班友。 

泥頭，唔通。 

紅棍，無人聽。 

發仔，飛去留言。 

好在係響左大概七八聲之後，大舊終於肯做第一個聽我電話既人。 





無諗到佢劈頭既第一句就係：「你條仆街仲有面打俾我？！」 

屌，我都未話佢地剃光左我個頭，佢竟然惡人先告狀。不過事有輕急緩重先分，係中頭獎呢件大事之前，咩野都可以暫時唔計較。 

「大舊你唔好激動住，聽我講。」 

「好，我就聽下你有咩解釋！」 

「雖然我唔知你講緊既解釋係指乜，但係....」 





「但係咩呀？！」 

「等陣，你依家身邊有無人先？」 

「我咁撚樣點出街見人呀？我一個人喱埋左係屋企呀，講啦。」 

我深呼吸左口氣，說：「大舊，我地尋晚買果張六合彩，中左一億。」 

電話另一邊傳來極度急促既呼吸聲。 





「大舊，你點呀？喂？大舊？。」 

「嘟.........」 

我試圖再打返俾佢，但係點打都唔通。

與此同時，係呢個時候，竟然俾我係公司樓下撞到泥頭。 

佢一個人企左係我頭先去果間M記度煲煙。 

「喂泥頭！你係度就啱喇，我有野同你講！」 

「屌你仲好講! 」泥頭見到我個樣之後, 窒左一窒, 道:「咦？點解你會變左做光頭仔？」 

「唔好理呢啲住，你又點解會係度？」 





「我個客既office係中環呀嘛，不過佢話見到我個樣唔開胃，我咪落來食枝煙咯。」 

「你又係既，返工戴乜撚野漁夫帽啊？」 

「你估我想家，你睇下!」 

泥頭將頂帽除左落來。 

「無咩者....咪住，點解有一種唔協調既感覺...」 

「唔協調？我成堂濃眉俾你班撚樣剃走左呀!」 

「哈哈，你唔講我都真係醒唔起。」 





「笑你老母呀!」泥頭舉起拳頭就想旭手。 

「咪咁慶住，我講單野你知，包你開心到斷J都唔介意。」 

「講!無料到既話斷果個就係你！」 

「我地中撚左六合彩頭獎，有成億呀！係成億呀！你精蟲都無咁多啦!」 

「講真講假呀?!」 

「我唔會攞呢啲野來講笑。」 

仲以為泥頭會好似我咁興奮到失常，無諗過佢只係好冷靜咁笑左一笑，就行開左。 

只見佢行左埋一個肥佬隔離，say左聲hi就一拳窩左落條友塊面度。 





條友好痛苦咁跪左係地度, 而泥頭就向住我個方向一路跑一路嗌。「仲望？！快撚啲走啦！」 

我一頭霧水，跟住佢起勢咁跑左差唔多有成十幾個街口。 

終於，我地係皇后像廣場停低，我氣喘喘咁問佢：「咩事要打柒佢呢？」 

泥頭笑住講：「個肥佬咪就係我尋晚講果個成日屌鳩我既呀頭咯,，我想鍾鳩佢好耐家啦，依家咁樣真係好撚爽，不過我應該無得撈啦。」 

我拍拍佢膊頭，笑道：「依家發左達，仲使撈?」 

我地兩個相視大笑。 

Who let the dogs out, wow wow wow 





「喂？大舊，你無事呀嘛？」 

「無，頭先激動得濟休克左幾分鐘者，唔好講咁多，我通知左其他人家啦，我地快啲搵個位集合傾下啦。」 

「同意，不如就尖沙咀妹記度等啦。」 

大舊應承左之後就收左線。 

如是者，我同泥頭就連五步之內既地鐵站都唔去，特登兜左個大圈出馬路截的士出尖咀。