夾錢中左六合彩頭獎, 但keep飛果個唔見左...: (35)

只見骨瘦如柴既孱仔, 意識昏迷咁蜷縮係個箱入面, 

好彩個保險箱既體積都算大, 孱仔既身體先未至於屈曲得咁犀利。 

當我地將佢抬出箱既時候, 孱仔己經係氣若柔絲, 奄奄一息。 

「喂, 醒呀喂! 快啲攞番張六合彩飛出來呀!」泥頭猛咁係度搖孱仔。 

「聽師傅講, 要整醒啲暈左既人, 最有效係用呢招。」紅棍用手指公大力噤左落孱仔個鼻同個嘴中間既位置。 





…… 

「喂, 佢個人中俾你噤到爛咁濟, 都仲係無咩料到喎。」發仔道。 

點知發仔一講完, 孱仔就好似發羊吊咁痙攣起來。 

「快啲攞對筷子來挾住佢既中指啦!」泥頭喝道。 

「挾mud春呀, 佢依家又唔係撞鬼!」發仔道。 





「你又知?!」泥頭道。 

就係呢個時候, 孱仔發出左一下微弱既聲音。 

「水..」 

「咁喳嘛, 簡單啦。」發仔一下就噤低左紅棍個頭, 逼佢同孱仔嘴對嘴左一下。 

「屌你老母! 人地話要水, 唔係咀呀!!」紅棍嬲到鼻窿出煙。 





「點知者, 仲以為佢想玩白雪公主果套嘛。」發仔牽強道。 

「水來啦。」原來大舊一早就跑左出去攞水。


係狂灌左幾啖Evian之後, 孱仔既臉上終於有番啲血色。 

「你見點呀?」我關切問道。 

孱仔緩緩打開眼, 辛苦道:「你..你地...」 

「我地咩呀?」我將隻耳仔貼近啲去聽。 

「你地…你地班仆街含家鏟…」 





「一醒返就講粗口, 無啲家教。」發仔指責道。 

「聽下佢講咩先啦。」大舊道。 

孱仔上下不接下氣道:「你地..為左張飛, 竟然..鎖我..入個箱度。」 

我連忙道:「你講詳細啲啦, 我地咩都唔記得哂, 聽唔明你講咩家。」 

「咳! 張飛…係…咳! 咳咳咳!」 

「屌你咁撚吊癮家, 張飛係咪係你度先?」發仔唔耐煩道。 

「係就係…不過…咳咳…」 

「係你度就得喇, 呀姐我都忍撚左好耐, 其餘既人全部同我去死啦。」呀美突然道。