[真人真事][校園][純愛]《婚宴上的重遇》: 第五十二章

跟住有一晚,
我個電話冇啦啦響起
我記得嗰陣仲未開始踢班際足球
你當係幾日之後先開始踢咁啦
咁我梗係覺得出奇啦
小毒毒平時邊有人搵
同埋我成班frd都好少係打電話搵我
因為知我呢條友唔鍾意講電話
所以我就覺得出奇喇
點解咁夜都仲有人搵我,


其實都唔係好夜,
九點零鐘到啦
之後我們望一望個來電顯示,
竟然係若凝
我心諗咩事呢
無啦啦打俾我,
咁跟住我就聽啦
我:「做乜野 」
若凝:「你依家落嚟先,
商場等 」


我:「做咩先得架 」
若凝:「你嚟左就知 」
我:「你條友蠱蠱惑惑咁樣
肯定係唔慌好野啦 」
若凝:「過嚟先啦 」
咁一如所料我係聽左佢講啦
真係去左商場
講開又講,
其實小弟沖左涼之後,
就唔會出街


因為覺得一出街就會出汗
返嚟沖又麻煩喎,
所以就索性沖完涼就唔出
不過正如我之前所講啦,
對住若凝,
又點會理呢啲所謂嘅原則丫
好彩嗰陣係冬天,
應該唔會出咁多汗
不過返嚟都會沖架喇
咁我一去到就見到若凝拎住個運動家膠袋
我:「做咩事呀無啦啦叫人出嚟 」
若凝:「雖然依家係遲左少少
不過遲送好過唔送
補送返生日禮物俾你
拎住啦 」


之後佢就著運動家個膠袋俾左我
一拎上手再望一望
原來係我好鍾意嗰對嘅白色t90
我真係諗都冇諗過
我可以同你講,
去到依家,
我都仲記得當日嘅感覺
極度茫然
但又好開心
最緊要嘅係,
係我自己鍾意嘅女仔,
送一樣我鍾意嘅野俾我
咁先係最難得
我:「做咩無啦啦俾我 」
若凝:「你有冇帶耳仔出街


咪話左係生日禮物 」
我:「幾錢呀俾返錢你呀 」
因為我知道對波砵係唔平
話晒我咁鍾意,
梗係成日留意住佢個價位
對今時今日嘅我地,
可能唔覺得係啲乜野
但係嗰陣我地只係中學生,
仲要冇返兼職
我點可以要若凝送俾我
若凝:「你有冇見過
送生日禮物嘅人要收返錢架 」
我:「但係對波砵唔平喎
唔好啦俾返你啦
受唔起 」


若凝:「即係唔俾面我啦 」
我:「唔係 」
若凝:「我就係知你唔會要
所以先至先斬後奏
依家買就買左喇,
冇架喇 」
我:「咁樣受你恩惠
遲啲我對住你咪任怨任勞 」
若凝:「你條友仔可唔可以諗得正面啲
見係你咋,
第二個我都唔制呀 」
我:「多謝先囉 」
若凝:「唔使多謝,
當我生日嗰陣你識做就得 」
我:「得啦,


都話你蠱惑 」
若凝:「你知唔知呢對波砵有一個位同人地好唔同 」
我:「邊個位 」
若凝:「你拆開個盒睇先啦.」
之後我就拆開個盒,
就咁睇冇乜特別,
顏色完全一樣
我:「邊個位呀 」
若凝:「你望下鞋底 」
之後我望個鞋底,
我見到「傻仔」兩個字
若凝:「係咪好驚喜呢 」
我:「知唔知寫喺鞋底好易會甩色架白痴 」
若凝:「我原本想寫喺鞋面或者側邊,
不過驚整污糟
所以就寫喺鞋底
獨一無二架嘻嘻 」
我:「真係好驚喜喎 」
若凝:「著住佢踢班際啦,
一定贏 」
我:「係咁易就好 」
若凝:「其實真係咁易咋
要贏做班際冠軍呀 」
我:「好啦,
你送嘅唔通唔著咩
不過啱唔啱著架 」
若凝:「啱啦,
我之前特登問你拎你原本對鞋嚟睇,
對過先買架 」
唔怪得佢之前問我
拎我對波砵嚟睇啦
我:「細心喎 」
若凝:「梗係啦
返去嚕,
聽日仲要返學
拜拜 」
我:「拜拜 」

返到屋企
我即刻呢對波砵擺落書包,
舊波砵就擺返喺屋企
我估唔到若凝會咁樣做
雖然我知道,
佢話著左新波砵就一定贏,
擺明就係講笑
但係既然佢講得出,
我都好想可以如佢所願
可能就係為左呢啲咁白痴嘅承諾
但都會照樣衝,
各位巴打應該有同感
為左女仔一句說話,
不論係講笑定係認真,
你都會諗都唔諗
死衝爛衝,
雖然嗰晚我返到去沖涼,
的確好凍,
冬天沖涼唔凍就係呃你
不過我其實個心,
係好熾熱,
冇一個形容詞,
比佢更加貼切.