《香港革命戰》(上): [14-事前準備] PART 1
喺一片紅紅烈火既地獄裏面，一個又一個血肉之軀被惡魔獵食。
兩個長有惡魔翼，頭上有雙黑角既紅色惡魔將一位放棄左自己既奴隸撕開...
血淋淋既肉身一分為二...
血液都濺到地上...烈火上...
惡魔一口一口咁咬血淋淋既肉...
一口又一口飲肉上面既血...
滿地都係奴隸既殘肢...皮囊...骨頭...
高高在天上既上帝並無為困住喺地獄既奴隸帶來希望...
甚至就連一眼都無望過...
由人間變成地獄開始，上帝就已經放棄左所有人類...
被奪去能力的奴隸們，只有集結你們僅存的力量，才能解開你們的枷鎖...
上帝既背影慢慢變成灰色...天空慢慢粉碎...
當我再次睜開眼...
『黑色既天空...』我又返返黎黑色既天空之下...
黑色既天空之下見唔到月亮，亦見唔到太陽...
而家係幾點呢?
眼前立即出現“8:47”既白色外框提示...
朝早架啦?
瞓喺發出淡淡綠光既草地上面，望住深淵一樣黑既天空，尋晚整墓碑一定整得太累，整完晒瞓著埋都唔知...
除左死人之外，我諗應該只有我會瞓喺墓園上面...
黑色既世界...
究竟上帝有無望過我地一眼?
我信有神既存在，但唔相信神愛世人...
如果真係神愛世人既話，又點會唔拯救身處地獄既人?
世界並無跟住啟示錄進發，而我地只可以將世界帶向死海文書方向發展...
但係...死海文書既情節，有好多我地都仲係未掌握得到...
要點樣去演繹呢?
要點樣去補完呢?
我仲未有明確既方向...
我仲未有把握...
時間無多，只有不出一個月時間，我唔可以再慢慢計劃，我要盡快諗出方法...
「喂~你終於都瞓醒喇?」當我仲諗緊有咩方法實行計劃既時候，鍾逸風把聲走左入我腦裏面...
『嗯。搵我有事?LILITH既情況有變?』通常阿風搵得我咁急都係向我報告有關LILITH既情況。
「其一啦。不過仲有一樣更有趣既野要俾你睇~」阿風又故作神秘...
『咩黎架?』有咩有趣得過LILITH既情況...
「你黎到就知架喇。快D過黎，我係44實驗層。」阿風講完之後，意識連接終斷...
唉...點解我硬係覺得我身邊既人個個都怪怪地...
阿月就唔在講啦，呢個鍾逸風，真係成個瘋狂科學家咁...
成日講野就無頭無尾...
一係就講一大輪唔知講乜既科學理論...
大佬...係對科學無認識既，你點講我都唔明架啦...
唉...算...我都習慣身邊既人個個都係痴痴地線...
都係快D去搵佢好過...
唔係喎...我應該先沖個涼，再去搵佢...
尋日搞左成日，都未沖過一次涼...
就去沖個涼，等佢慢慢等!
“沙...”一個蜈蚣彈彈起身，喺發出淡淡綠光既草地上，向住控制中心方向行過去。
“滴答...滴答...滴答...”喺黑色為主既浴室入面...
“滴答...滴答...滴答...”凍水流遍全身...
“滴答...滴答...滴答...”我閉起雙眼...
“滴答...滴答...滴答...”我並唔在意阿風所講既有趣事...
“滴答...滴答...滴答...”我仲係諗梗點樣實行有關既計劃...
真係煩惱...
如果可以知道更多有關死海文書既細節，就可以計劃得更順利...
只可惜...仲有好多細節仲未翻譯到...
究竟嗰陣時既老豆，翻譯到幾多呢?
究竟老豆知道幾多呢?
我深信唔止而家我地所知既...
以佢既性格，一定留左唔少俾自己...
佢所知既一定俾我地所記錄既更多...
可惜既係...佢背棄左死海文書...
到左而家我都仲係好唔明，深信死海文書既陳星點解會突然背棄原本既信念?
我真係唔明，點解你會捨得犧牲你個女...
而家已經唔可以再借助陳星...
而家只可以靠我地自己...
我係佢個仔，佢可以翻譯出更多死海文書既文獻，我都做得到!
沖完涼，換完衫(其實都係同一款衫...)，準備去搵阿風。
阿風身處既位置係地下44層實驗層。
其實44實驗層並唔係咩特別神秘既地下層。
只係屬於中度設防級別。
呢一層既主要工作係對新研發既武器、防具等設備作測試。
與ADAM、EVE、LILITH既研究可以話完全無關...
所以當聽到阿風話去44實驗層搵佢既時間，我大概都知佢想做D乜。
大概又唔知研發左乜野新既強大既RPG，新型實彈槍咁啦。
雖然呢D武器用起上黎都幾夠用，但仲未可以稱得上壓倒性...
要有壓倒性既力量，就要研究出可以喺結界範圍外使用EVE能量既方法...
如果唔係既話，喺地理上，我地係劣勢...
始終今時今日審判世界既神器落左喺惡魔手中...
貿貿然同解放軍、國安局硬拼既話，只會有更多無謂既犧牲...
沿住房間與房間之間既通道行，轉左幾個彎，穿過幾部正喺道巡邏既防禦者RU，升降機已經為我打開門。
行入升降機後，壓縮空氣閘門隨即關上，升降機亦開始開下落。
升降機一直向下落，一直向下落。
過左五層之後，進入地底層。
綠光...黑暗...
綠光...黑暗...
綠光...黑暗...
綠光...黑暗...
綠光...黑暗...
綠光...黑暗...
我地仲要俾呢D綠綠黑黑既野困到幾時?
平日，我總有一種感覺，我地好似一班唔見得光既生物...
長時間生活喺黑暗之中...
明明生活喺黑暗之中既人，應該係魔鬼先係，但點解而家既情況係我地正義呢邊生活喺黑暗之中?
我地係正義...我地先係正義!
明明我地就堅信道德、堅信美德、堅信仁德去生活。
但點解而家好似有罪既係我地呢?
呢個世界究竟發生左咩事呢?
當我仲喺道思考梗世界真理既時候，升降機開始減速...減速...減速...停左落黎...
“颼...”一聲響，壓縮空氣閘門隨即打開。
眼前係一個天花同地板都換上白光既廣闊空間。
咁浪費資源丫...
要知道將天花同地板轉換成白光做照明，相對用EVE粒子本身既綠光要消耗多10倍既LILITH粒子...
呢個鍾逸風應該俾我更清楚先係，佢究竟諗梗乜架...
另外整層地下44層既壓縮空氣幕牆都關上，整個廣闊既空間完全無任何阻隔，無邊無際...
呢個鍾逸風又想搞乜鬼呀?
人呢?
又叫我黎呢道搵佢，黎到又唔見人...
當我行前幾步...左望望，右望望，四周張望之際，我感覺到有樣野...有樣物體...有樣物體喺我背後急速接近!
我既感應力異於常人，方圓一百里外有咩風吹草動我都可以立即感應得到。
但...呢樣物體無聲無息...而且異常迅速...
當我立刻作出反應，回頭一看...
“嗡...”一把武士刀既刀刃已經放到我頸邊...
沿住武士刀刀刃望過去...
一個白色倒三角金屬面罩...
面罩既表面仲發出一層薄薄既...淡淡既綠光...
外表白白，銀銀，胸口中間一個拳頭咁上下大既圓形物體，發出綠白既光向四肢同頭部流動，閃下閃下，好似流水，好似心跳...
全身以金屬、塑膠質料製造...
除左腰間設有刀鞘，身體各部位比較粗之外，同一部防禦者RU無乜分別...
當我仲仔細打量眼前呢部機器既時候...
“吱...”白色倒三角金屬面罩由中間工整咁向左右兩邊分開...
「Surprise~」一個熟悉既面孔出現喺倒三角金屬面罩中間...鍾逸風...
『Sur乜鬼prise丫...收埋你把刀先講啦...真係唔怕觸犯第五條架喎...』我指一指仲係我條頸旁邊既把武士刀...
「OK~OK~」阿風好型咁揮舞手上既武士刀，收回腰間既刀鞘裏。
『你究竟又搞左D乜鬼野出黎丫?』我一直打量阿風一身既裝扮...著到成個機器人咁既樣...
「咩搞乜鬼丫?呢件野係我既精心傑作黎架!」阿風拍一拍自己個心口，仲要發出“啪啪”聲...
『你呢件野又係乜鬼野黎架?』我又拍左幾下阿風個心口。
「喂喂喂...輕手D丫~呢件野就真係勁喇~我俾左個好勁既名佢，叫Sacred-Armor!」阿風拍開我隻手...
又改D乜乜Sacred...乜乜Holy...
改左個咁既名就真係神聖D架咩...
『哦哦...咁又有乜鬼用丫?』我就真係唔係咁睇好呢件乜春Armor...
「頭先你都見，就算係好似你呢種keep住打精神液既強化人，我都可以無聲咁迅速接近。當你察覺到既時候，刀已經放到你頸邊啦~係唔係好勁呢~」阿風攤開雙手，擺出一副得戚樣。
『哦哦...』係我一時分心姐...
「你知唔知呢套Sacred-Armor既用料有幾咁特別丫?」阿風喺我面前轉一個圈。
『有幾特別呢?』
「講起就真係要多謝阿月啦~」阿風拍拍手。
『哦哦...』
「呢套Sacred-Armor既用料正正就係防禦者RU身上既物料!」阿風摸一摸自己隻手。
『哦哦...』
「以前，我地根本就唔可以捉到一部防禦者EU返黎研究!」阿風揮揮手，遙遙頭。
『哦哦...』
「多得阿月將防禦者EU同EVE系統分離，我地先可以對防禦者作詳細研究!」阿風好雀躍咁彈左兩下。
『哦哦...』
「你知唔知道防禦者身上既複合物料係幾咁複雜?幾咁細緻?」阿風雙眼發光。
『哦哦...』
「佢嗰D好似肌肉既橡膠其實唔係橡膠...佢嗰D好似高純度複合金屬既甲板唔可以話係金屬...但全部都係由世界之樹提煉出黎!」阿風又摸一摸自己條腰...自己心口...
『哦哦...』
「好奇妙~好奇妙~仿製肌肉既韌性...又硬又輕身既甲板...你真係諗都無諗過可以咁奇妙!呢種完美既配合簡直就同神創造世人一樣咁奇妙!」阿風作出一個好驚訝既樣...
『哦哦...』
「你知唔知呀，我喺Sacred-Armor既設計上花左好多心機!呢個倒三角金屬面罩~我諗左好耐先諗到呢個設計出黎~既唔影響實用性，又唔整亂我個髮型~幾咁完美~」阿風用左手輕輕掃一掃佢個不對稱既劉海造型，輕輕蓬鬆既髮絲...
『哦哦...』
「仲有身上既E.R.F.D.S.!你點估到一件咁既穿著式Assault Unit可以發動到E.R.F.D.S.?」阿風摸一摸膊頭、心口上銀銀既金屬片塊...
『哦哦...』
「手背設有EVE粒子槍，前臂內側就仲厲害!你知唔知係乜黎?起初都地都唔知原來防禦者有D咁既野...」阿風伸直雙手，對住我...
『哦哦...』
「係EVE粒子砲!原來防禦者EU本身就有EVE粒子砲既裝備!只要伸出雙手，手臂內側就會誘導EVE粒子聚集...當聚集到一定數量...」只見阿風雙臂中間既EVE粒子越黎越來...越黎越光...
『喂喂...喂喂喂!』
「“轟”一聲!就會發出毀滅性既EVE粒子砲!」阿風將手分開，EVE粒子消失喺空氣中...
『呼...』想嚇死人咩...咁近距離就算俾我避得開，一樣會被EVE粒子既高能量分解...
「十隻手指頭仲裝備左EVE Saber!」阿風伸出十隻手指...指尖發出閃爍綠色既光芒...
『哦哦...』
「只要輕輕一爪，都可以輕易將人體分開!」阿風展示出爪形姿勢，喺空氣中爪左幾下...
『哦哦...』
「你睇你睇~防禦者既設計本身就完美無瑕，而我仲要為Sacred-Armor設計出一把更實用既武器...High-frequency EVE blade!」“嗡”一聲響，阿風又從腰間既刀鞘拔出武士刀。
『超!唔好以為改個英文名我就唔認得，呢把High-frequency EVE blade同我地用開既高振動EVE粒子刀有咩分別?』我一手就搶左把刀過黎，揮左幾下。
“嗡...嗡...嗡...嗡...嗡...嗡...嗡...嗡...嗡...”每揮一下，都會發出“嗡...嗡...”聲...
「喂喂喂...小心D!唔好整爛呀!所以話你唔識野，單睇外表，已經高下立見啦~」阿風一手就係我手中搶返把刀...
真係唔講得笑...要喺我手上奪刀既人，天下之間大概就只有智海一人...
智海俾我大七年，由修行者修練成為預行者既時間亦係有史以來最短...可以話係行者中最強既人...
但而家，阿風只需要著住呢件Sacred-Armor，就可以輕鬆咁喺我手上奪刀...
「呢把有武士刀外形既High-frequency EVE blade用上有如Sacred-Armor身上既仿金屬甲板物料製成。」阿風摸一摸銀銀灰灰既刀身。
『哦哦...』
「刀片長度28英寸，手柄長度11英寸，總長39英寸，重量1.25千克。相對我地用梗既高振動EVE粒子刀有更好既手感，更大既可控制範圍。」阿風又揮左兩下刀...
『哦哦...』
「High-frequency EVE blade既堅韌程度相對高振動EVE粒子刀高出1200%!」阿風用手指彈左兩下刀身，刀身發出 “嗡...嗡...”聲。
『哦哦...』
「最特別既係我地彩用左全新既超高周波EVE粒子共振效應技術!你睇睇刀身上面...」阿風打橫舉起High-frequency EVE blade...
我見到刀身上面好似有一層薄薄既綠光閃下閃下...
「見唔見到刀身上面既薄薄一層綠光喺道閃下閃下?我地就係用左呢層薄薄既EVE粒子薄膜為刀刃加熱相對加強左切斷既破壞力!加熱後既刀刃可高達4000度高溫!」阿風指住刀刃。
『浪費能源!』咁搞法又唔知要消耗幾多LILITH黎誘發EVE粒子產生高熱能量...
「No~No~所以話你唔識野~一般情況下，EVE粒子薄膜係唔會為刀刃加熱~但只要你意識下要使出斬擊或防衛姿勢，EVE系統就會感知你既要求，繼而向EVE粒子薄膜為刀刃加熱!用之所需，所以唔單止唔會浪費能源，仲俾我地用開既高振動EVE粒子刀慳多50%能量!」阿風又揮左幾下刀...
『哦~厲害厲害~咁可唔可以喺結界範圍外使用呢?』我望住俾阿風舞到揮黎揮去既High-frequency EVE blade。
「絕對用唔著!」阿風理直氣壯咁講出重點。
都估到架啦。
你一話要借用EVE系統，我就知根本就無可能喺結界範圍以外使用...
而且...
『整套Sacred-Armor連同High-frequency EVE blade都要使用EVE能源，咁則係話一離開左結界範圍，又會變成一舊廢鐵...如果係咁，我地繼續用防禦者RU作為防禦部隊就得啦，仲駛乜製造Sacred-Armor呢?』我望住阿風遙遙頭。
「好似好有道理，不過...」阿風亦遙一遙頭，「你應該好清楚我地而家用梗既防禦者RU有D咩問題...」
『唔...』好多問題...
防禦者RU本身就要使用者有高度既感應能力...
再加上使用者要用大量既LCL與防禦者RU作直接聯繫...
情況就好似阿月同INTRUDER聯繫一樣...
如果唔用上大量既LCL，使用者既腦部就要承受足以致命既痛楚...
而同步率亦係另一個問題...
無較高既同步率就好多野都做唔到...
同步率唔過50%既話，就連聯繫都做唔到...
但一般情況，行者大多數都係喺80-90%同步率浮動...
而好似阿月呢種神人，與防禦者RU之間既同步率都只係得95%...(好似係)
所以...雖然我地可以控制到防禦者，但又真係唔係太過穩定...
「Sacred-Armor就唔會有呢方面既煩惱。」阿風拍拍心口，「Sacred-Armor只要少量既LILITH製造一件即用即棄既緊身衣做聯繫就可以。」
『點可能?只用少量既LILITH點可以同Sacred-Armor聯繫?使用者會死架。』我唔相信阿風既說話。
「你聽我講，因為Sacred-Armor同防禦者RU唔同，Sacred-Armor完全唔會有EVE系統既特性。」阿風揮揮手。
『唔明...』咩特性?
「依照你細妹阿月講，如果要與EVE系統為本既AI聯繫，就要用LCL作媒介同緩衝...」阿風開始講D我唔明既野...
『嗯嗯...』
「但係Sacred-Armor就唔同喇。因為基本上我地唔係要同Sacred-Armor聯繫，Sacred-Armor並唔算係AI。」阿風攤開雙手。
『嗯嗯...』
「所以唔需要消耗LCL作媒介同緩衝。」阿風拍拍手...
『嗯...咁則係點?唔需要同AI同步又點可以令Sacred-Armor變得好似咁勁呢?』我摸摸頭...
「你唔係真係蠢到咁既地步呀化...你同你個妹係唔係由同一個洞出黎架...」阿風送我一個冷眼...
老老實實，我同阿月真係唔係由同一個洞出黎...但咁又有咩關係?!
「首先要講講使用者、Sacred-Armor同EVE系統既關係喇。我地有好多野都唔可以向EVE系統作出請求，但實際上可以請求既協助都好夠用喎!」阿風指一指發出白光既天花板。
『嗯嗯...』
「基本生活上，我地可以借助EVE系統幫我地搵路啦、搵人啦、顯示名牌啦、顯示地圖啦、顯示牆後面有D乜啦、顯示距離啦、發動全民投票啦...等等等等啦~」阿風指東指西四圍指...
『嗯嗯...』
「呢D既一切都係神恩賜俾我地既，我地只要透過名冊，就可以向EVE系統提出請求~」阿風指一指自己既手腕，名冊已被銀白色既Sacred-Armor腕甲包住。
『嗯嗯...』
「所以我地唔需要消耗LCL作媒介同緩衝，強行與EVE系統或以EVE系統作基礎既AI進行同步~」阿風雙拳對碰左幾下。
『嗯...』
「基本既支援我地都有，接住落黎Sacred-Armor要負責D乜呢?」阿風用手指指一指我...
『嗯...武術技巧!』
「岩一半!」阿風雙手叉住條腰。
岩一半?
「武術技巧，我地行者本身就已經掌握高超既武術技巧。無論係近身戰、速攻、防守、逃脫、劍術方面都非常熟練。」阿風立即擺出拔刀姿態，喺我面前熟練咁舞左幾下刀。
『嗯嗯...』
「但點樣可以借助Sacred-Armor發揮出更高超既武術呢?」阿風用High-frequency EVE blade指住我。
『嗯...唔知...』
「就係利用Sacred-Armor提升我地既體能!」阿風突然以超高速速度跑到我身後，從後以High-frequency EVE blade挾持住我。
好快!竟然快到睇唔到!
『喂喂...睇住我D頭髮...』我感覺到好似有幾條白色既頭髮被?左落黎...
「要點樣做到呢一點?其實好簡單~」阿風將手上既High-frequency EVE blade收返入腰間既刀鞘裏，行返去我面前。
可以有幾簡單?
我要有咁既能力，付出左好沉重既代價...
「喺設計Sacred-Armor既時候，我嘗試過好多唔同既方法，試圖懇求EVE系統為Sacred-Armor做出協調。可惜...唔成功...」阿風帶點失望咁遙遙頭。
『嗯...除非同步...與EVE系統同步...』我亦開始嘗試用腦思考...
「無錯，消耗LCL作媒介同緩衝，與EVE系統同步，強行要EVE系統協助...」我無等阿風將說話講完...
『但咁既話又要消耗大量LILITH...而且...唔可以穩定發揮Sacred-Armor...因為同步率有高有低...』呢兩個問題已經夠死...
「無錯，所以我就向另一個方向發展...記錄系統。我將我地行者既武術技巧全部入晒落記錄系統裏面。」阿風指一指心口中間一個拳頭咁上下大，發出綠白閃光既圓形物體。
綠光向四肢同頭部流動，閃下閃下，好似流水，好似心跳...
「我地行者本身已經有高超既武術技巧，所以唔需要一個有成長思考能力既AI幫我地修正。我地只需要一個記錄系統，記錄我地既動作，當我地使出唔同招式或姿勢既時候，Sacred-Armor幫我地增強力量。」阿風原地跑左幾下。
增強力量?點樣增強法?
就好似阿風頭先從我背後高速接近?
從我手中奪刀?
突然跑到我背後挾持我?
「Sacred-Armor上既仿製肌肉同仿製皮膚都有係感應器。只要我地作出行動，感應器就會將我地既行動模式傳到記錄系統裏面，記錄系統就會因應我地既動作推算出所需既協調，調節Sacred-Armor上每一寸仿製肌肉強化我既行動!」阿風突然向我使出Turning Kick，腳尖停喺我鼻尖前!
真係好快...
當我黎得切反應既時候，腳尖已經係我鼻尖前...
「呢D傳感同推算技術其實喺上個世紀已經用梗，並唔係咩高科技。只係而家可以做到更快、更精準。而且...行者本身既能力越高，Sacred-Armor所發揮出既能量就越強...好似你咁...你用上既話會更厲害...更可怕...」阿風收返埋佢隻左腳...
科技配戴武術技巧，真係一個好好既作戰模式。
但係...
『我就唔明...點解我地可以借助EVE系統向EVE粒子薄膜為High-frequency EVE blade上既刀刃加熱，但就唔可以借助EVE系統令Sacred-Armor作出協調呢?』我望住阿風腰間把High-frequency EVE blade。
「呢點...」阿風諗左諗，「我都唔知呀~阿月都無解釋過俾我聽~」
又係阿月...阿月真係知道好多野...
「或者係因為High-frequency EVE blade同我地用梗既高振動EVE粒子刀相似，所以EVE系統恩准協助。但Sacred-Armor與我地以同步奪返黎既防禦者相似，所以EVE系統就拒絕...」阿風搖搖頭。
呢個解釋都好有可能...
阿月喺EVE系統身上拎左好多野返黎，但就有好多問題出現...
好似防禦者咁，雖然我地可以製造出可以控制防禦者既機制，但就要消耗大量既LCL作媒介同緩衝...同步率亦係另一個嚴重問題...
阿月經由與EVE系統同步，偷取到EVE系統既0.1%技術製造出INTRUDER。
但阿月亦要消耗大量既LCL作媒介同緩衝去控制INTRUDER...
EVE系統本來就擁有高度智慧，佢會識得分辨、識得選擇...
『好喇好喇，就算Sacred-Armor幾勁都好，High-frequency EVE blade可以斬盡天下物體都好，唔可以喺結界範圍外使用就無意義...』我擦過阿風身邊，向住升降機方向行。
「嘿嘿...咁你就錯喇...」阿風發出奸笑聲...
『哦?』我回頭望住阿風。
「喺製造Sacred-Armor既同時，我又研發左另一樣野...嘿嘿...」阿風繼續陰陰嘴笑。
『咁喺乜?』我帶點驚奇既神情。
「以電力取代EVE能源令Sacred-Armor可以喺地獄運作...嘿嘿...」阿風越笑越陰險...
『下?!你走左去啟動中止電能瓦解器?!』我碌大對眼望住阿風!
「痴線!我先唔會咁浪費LILITH!我只係設計出以電力取代EVE能源既Sacred-Armor設計圖姐...」阿風搖搖頭。
呼...講清楚呀嘛...
你話如果要啟動中止電能瓦解器黎製造出電力版Sacred-Armor既話，真係唔知我地既LILITH仲可唔可以維持到半個月...
「不過，電能始終都唔夠EVE能源咁夠力...而且又唔可以由空間中吸取EVE粒子充能，繼航力有限制...而因為無法吸取EVE粒子，製造物料唔可以用原本由世界之樹提煉出黎既物料...又唔可以發動E.R.F.D.S....」阿風一路搖頭搖頭...
『咁多限制...』我又跟住阿風搖搖頭...
「唔只...仲有最重要既High-frequency EVE blade!用唔到EVE能源，又無EVE系統既協助，就要用另一種技術...一個後備技術...」阿風又喺腰間拔左把High-frequency EVE blade出黎...
『後備技術?』
「嗯。喺設計High-frequency EVE blade既時候我就喺道諗...假如EVE系統唔答允協助我向EVE粒子薄膜為刀刃加熱既話點算...」阿風緊握High-frequency EVE blade，刀身發出閃爍既強綠光。
『唔加熱咪得囉。』
「唔得，唔加熱就同一把普通既高振動EVE粒子刀無分別...咁就無意思...」阿風又搖搖頭...
高振動EVE粒子刀咪幾好...
「我研發出另一種技術，就係以刀鞘誘導EVE粒子薄膜為刀刃加熱。」阿風摸一摸腰間既刀鞘。
睇清楚D...刀鞘既外觀都好複雜...以世界之樹提煉出黎既物料，充滿左銀鋼片夾具既刀鞘，配上一個發出耀眼綠光既長方格...具有現代戰術感、高科技感...
「喺眼前呢個最終設計都有加入呢種後備技術。假如萬一EVE系統突然終止對我地既協助，我地都可以用刀鞘為High-frequency EVE blade充能、加熱!」阿風一副自信心爆棚既死人樣...
『點樣充能?』我望一望High-frequency EVE blade...再望一望喺阿風腰間既刀鞘...插頭?
「當EVE系統終止協助，刀身上面既EVE粒子薄膜就會消失，刀刃既熱能亦會用盡。呢個時候，只要我地將High-frequency EVE blade收返入刀鞘裏面，刀鞘內既EVE粒子薄膜會以短時間為刀刃加熱同注入少量EVE能源!」阿風對自己既發明充滿信心。
雖然聽唔明...但好似好厲害...
「而且刀鞘仲會因應我地既動作、姿勢、需要，調整擺放既位置、角度等。」當阿風以背刀方式將High-frequency EVE blade收回刀鞘裏面...本來仲係要腰間既刀鞘好自然咁移到阿風既背後!
「High-frequency EVE blade完全充能所需既時間為2秒，拔出刀刃，脫離刀鞘狀態下，高週波EVE粒子薄膜加熱可維持時間為30秒。」阿風越黎越有霸氣...
2秒充能，30秒使用時間...都好夠用。
Assault Unit講求高速、偷襲、突擊、潛入，兩、三秒間秒殺目標...
30秒使用時間...對Assault Unit黎講已經好充足。
「而電能版既High-frequency EVE blade就差少少喇...始終用料唔同，電能又比EVE能源差好多...」阿攤開兩手，搖搖頭。
差好多...
「電能版既High-frequency EVE blade以碳纖維同高碳鋼製成。以高週波之誘電加熱技術為刀刃加熱。充能時間比較長，使用時間亦比較短...」阿風帶有點失望既神色...
充能時間比較長，使用時間亦比較短...
「唉~都係算罷啦~電能版既Sacred-Armor都係唔實際架啦~要製造，就要啟動終止電能瓦解器...實用程度又唔係高...打起上黎都未必夠解放軍打...算啦算啦~當我無講過啦~」阿風轉身向住升降機方向行。
『等等先...等等先...又唔可以話無用...』我突然之間...好似諗到D野...