《香港革命戰》(上): [14-事前準備] PART 2
聽完阿風講話電能版既Sacred-Armor之後...我腦裏面好似諗到D野...
我同阿風一路由升降機向下落，一路喺道研究...
『你仲記唔記得之前有個目標人物...係做科技研發...』我皺一皺眉，望住阿風。
「記得，藍志勇嗰個廢人呀嘛。本來話要我同佢換腦架嘛，後來因為分裂既事，你要我專心研究LILITH，所以就取消左喇。」阿風點點頭。
『你仲記唔記得佢最鍾意D乜?』我眉頭再皺緊DD...
「Apple囉~iPad囉~情報指佢只係差iPad 2就儲齊一set Apple產品~」阿風又點點頭。
『iPad 2?』我猶疑左一陣...
「係呀!好似EVE粒子實體顯示器咁...」阿風諗左一諗...「分別在於iPad唔駛連接其他系統，佢本身就有一個電腦~雖然比唔上AI系統，但已經好夠用!」
『你估你有無辦法可以整到一個iPad 2出黎呀喇?』我送左個疑惑既眼神俾阿風。
「得...喂...等等先...你想點呀?你想點呀?你唔係又想送我出去呀嘛?嗱!我好難得先唔駛同人換腦架!我唔願意架!我唔制架!」阿風退後兩步，揮手兼搖頭。
『唔係唔係...我唔係想要你出去...我突然之間諗到D野...』我又皺一皺眉...
「你諗到D乜衰野呀?」阿風送左個冷眼俾我...
『我喺道諗，一直我都仲未諗到一個比較好既方法引嗰個李飛揚入黎...點樣先可以令佢安心又方心咁自動送上門呢?』我望住D綠綠黑黑既樓層一路向上飛...
「而家既方法唔好咩?」我同阿風身處既升降機一路向下降...
『雖然阿月以u.00.w既身份向李飛揚透露有關我地既消息好似好work，而明顯既係李飛揚又真係好似好著緊阿月...』升降機向下降既速度越黎越快。
「嗯嗯...阿月都有同我講過，話嗰個李飛揚仲好著緊佢呢~哈哈~」阿風帶D恥笑既笑容...
『利用李飛揚對阿月既愛引佢入黎係好...但未必過到嗰隻怪物...』升降機既下降速度太快，綠黑色既樓層開始熔合起黎。
「你係話李軍?」阿風好疑惑咁望一望我...
『嗯...要引既唔只係李飛揚一個...仲要引埋李軍一齊黎先有用...』我皺皺眉...點點頭...
唔同時引埋李軍入黎，就算可以同李飛揚換腦都無用...
李軍呢個人...太聰明...太小心...
一定會俾佢發現...
但要令李軍安安心心跟李飛揚一齊走入黎既話，唔係話咁易...
「咁你想點先?」阿風繼續以好疑惑既樣望住我...
『我喺道諗...我地可以借用電能版既Sacred-Armor...』我一邊思考...一邊講...
「點借用呢?」阿風摸一摸頭...
『我地可以將電能版Sacred-Armor既設計圖賣俾藍志勇...』我再諗一諗...
「賣俾藍志勇?!唔係呀化?!Sacred-Armor係我既精心傑作黎架!」阿風碌大對眼望住我。
『冷靜D...聽我講埋先...頂!俾你嘈一嘈搞到我唔記得左自己想講乜...』我以責怪既口吻話阿風。
「Sor9y~」阿風唔多在意既死人樣。
『只要將電能版Sacred-Armor既設計圖賣俾藍志勇...藍志勇就會將佢製造出黎...』我又諗一諗...
「咁藍志勇製造左電能版Sacred-Armor出黎咁又點呢?同李飛揚、李軍拉唔上關係架喎...」阿風又摸一摸頭...
『跟住就係iPad出場既時候...』應該就係咁...
「iPad出場?」阿風更加唔明白...
『我已經諗好將香港既舊地圖由智海交俾教授，再由教授用香港舊地圖引起李飛揚既注意，走到黃金海岸...』我不斷一邊喺腦裏面組織，一邊講俾阿風聽。
「咁同iPad有咩關係?」阿風仲係唔多明...
『而家我地可以整一部iPad出黎...一部無能源既iPad出黎...交俾智海...叫智海同教授夾一夾...將iPad轉交俾李飛揚手中...』智海...最好就係要智海親手將iPad交俾李飛揚...
「跟住呢?」阿風繼續追問。
『我地可以整一D有關舊屯門、元朗、天水圍既資料...放入iPad入面...當然唔少得黃金海岸既資料...』咁樣應該可以勾起到李飛揚既好奇心。
「但無能源既iPad無用架喎...」阿風提出質疑...
『所以就要利用藍志勇對iPad既熱愛...』無錯...應該喺咁行...
「唔...」阿風諗左一諗...「你既意思係利用藍志勇對iPad既熱愛，等李飛揚同藍志勇接觸?」
『嗯...如果順利既話，當李軍得知遇上科技上既問題，就會諗到要藍志勇幫手...因為佢地一直都有軍事上既生意來往...』報告喺有咁提及...
阿月一直都有搜集地獄方面既情報...
特別係李飛揚同李軍方面...
阿月已經搜集左好多關於佢地兩個人生活圈子裏面有關既人同事...
李飛揚就無乜特別，三年黎一直都係以尋找阿月既線索為目標...
但李軍就厲害...
佢同全個地獄既重要機關同重要人物存在住千絲萬縷、百感交集既微妙關係...
我地對李軍呢隻怪物仲有好多野都唔知...
我地只係知李軍係駐港解放軍總司令個仔...曾經參與過“潛入三合行動組”...唯一一個可以由元朗逃走返出黎既行動組成員...一樣係強化人...
「咁就算俾李飛揚同李軍接觸到藍志勇，開到iPad睇到裏面既資料，咁又點呢?」阿風一面茫然。
『最重要既係俾李飛揚見到電能版Sacred-Armor!只要俾佢睇到電能版Sacred-Armor有Assault Unit既效能，佢就會聯想到可以借用Sacred-Armor潛入我地呢道!而李軍亦都會覺得呢個係一個比較可行既方案!』係咁...應該就係咁...
我地既升降機開始慢慢減速...減速...減速...越黎越慢...越黎越慢...停左落黎...
“颼...”一聲響，壓縮空氣閘門隨即打開。
眼前係一個無乜點經過人工修建過既大地洞...
地洞既牆身都係灰灰黑黑...
空氣中亦只有少量發出綠光既EVE粒子作照明...
呢一層...呢一個地下洞穴...
「真係可以...喂!等等!唔記得除甲!!!好彩仲未走出結界層...」阿風立即解除身上既Sacred-Armor...
“砰...”整套Sacred-Armor跌到落地上。
只見阿風身上得返件白色緊身衣...
「呼~如果落到去先記得除就太遲喇...無晒能源既話都唔知點帶返件Sacred-Armor返上黎...」阿風望一望地上既Sacred-Armor。
『托返佢上黎囉...』兩個人點都抬到上黎既。
「雖然唔係話好重，但都係姐...麻煩呀嘛~」阿風開始繼續向前行。
我亦都跟住阿風後面...
地洞裏面一岩一忽、岩岩蠶蠶咁，一D都唔好行...
雖然係咁，但我地都唔會修建一下、修飾一下...
因為喺結界層邊緣使用機器既話，其實係一件幾危險既事...
你永遠都唔知道D機器幾時會俾唔穩定既LILITH粒子吸走晒所有能源...
呢道離EVE太遠...離ADAM太遠...但係就離LILITH太近...
我地沿住地洞一直行...地洞開始收窄...慢慢收窄...收窄到變成一條隧道...
「頭先講到邊...呀係!真係可以咁順利?」阿風摸一摸頭又再問。
『順利...我都唔知...我都唔知呢一段屬唔屬於死海文書既文獻中其中一段...』一直沿住岩岩蠶蠶既路行，一路諗...
以前文後理黎補完既話，呢個可能性唔可以話無...但又唔可以話高...
始終線索都仲係太少...唔足夠...
「係唔係都好啦...我諗都可以話係一個好方法既...再唔係咪問問阿月囉~」阿風一直行喺我前面，一直望住佢既背影。
又問阿月...
唔好話我話...如果主動走去問阿月有關死海文書既事，阿月又唔知會開出D乜奇怪要求作交換...
我就係唔想成日因為要諗點樣應付阿月而傷神...
「一提到阿月你就面都青埋...係唔係真係咁驚呀?」阿風望一望我...
『你唔知架喇...真係好恐怖架...』喺一個咁陰森既環境...用D咁恐怖既語氣...講D咁可怕既事...真係不禁令人倒抽一口涼氣...
「哈哈哈哈~太誇張喇~」阿風既笑聲不斷喺隧道裏面徘徊...
係你太唔了解阿月姐...
「撇除佢既身份，其實阿月都真係一個好女仔黎架。試諗下，阿月對李飛揚都算係有情有義。黎左SPIRIT三年，就算三年黎一直無得見，都無變過心，一直都話要等李飛揚黎娶佢。黎D女仔邊道搵?」阿風喺我前面揮揮手...
『喺佢傻姐...』講真一句，佢咁樣只會辛苦自己...
阿月同李飛揚根本就係處於一個對立面之上...
相隔一道無堅不摧既力場之下，根本就唔可能走埋一齊...
心之壁...無法衝破既心之壁...
「可能真係好傻啦~但我相信阿月，我相信終有一日，李飛揚會黎救阿月。你做咁多野，無非都係想咁樣姐~哈哈~」阿風既笑聲又再不斷喺隧道裏面徘徊...
『我講過，我唔擔保我唔會殺死李飛揚。』我好認真，唔係講笑。
「你捨得咩?你捨得要你個妹傷心咩?哈哈~」阿風既笑聲又再一次不斷喺隧道裏面徘徊...
點解我唔捨得?
我要消滅呢隻罪大惡極既惡魔，有邊個阻到我?!
隨道開始向下繞...一路斜斜地咁向下繞...
左繞兩轉...右繞兩轉...
本來浮游喺空間中發出綠光既EVE粒子，慢慢被淡淡既藍光取代...
而家眼前既景象，全部都係藍藍地...藍藍地...
『阿風...依你推斷，假如LILITH被耗盡，最壞情況會係點?』見到呢D藍色既空氣，我又開始擔心LILITH既情況...
阿風放慢左腳步，諗左一諗:「唉~嗱~依阿月同EVE系統同步後取得既資源，再加上我既研究分析...整個SPIRIT會被ADAM吞噬...」
整個SPIRIT會被ADAM吞噬?
咩意思?
「我之前都有講過，當LILITH完全被耗盡，整個架構就會失衡，EVE既強大能量同ADAM既不穩定性會帶黎毀滅性既破壞...」阿風既背影被藍色既空氣吞噬下，慢慢向前行...
係丫，仲有可能會蔓延到整個世界嘛...
「而阿月喺EVE系統裏面發現左個小秘密...就係ADAM好似存在住一種自我毀滅既邏輯...」阿風又諗左一諗...
『咩話?阿月喺幾時發現呢件事架?』阿月好似無同我交代過!
「乜佢無話過俾你聽咩?」阿風有D似扮傻...
『無喎!』我既反應有D大...
「咁佢真係無講大話~我地既交易非常公平~」阿風好似無打算交代...
『乜野交易?』我嘗試追問...
「秘密~」阿風轉一轉個頭，講完又繼續行。
頂!而家D人真係無個信得過!
特別係阿月!
自從阿月黎左之後，搞到呢道既秩序都亂晒!
而家D行者個個都無規無矩架喇!
喺地獄生活過既人，意志就算有幾堅定，都一定會變質!
呢個阿月...搵日我真係要好好話下佢!教導下佢!
阿風既背影越黎越藍...空氣變得越黎越藍...
其實由空氣開始變成藍色之時，已經唔可以用名冊連接EVE系統...
我同眼前既阿風，已經走出左結界層...
『阿風!你好快D同我講清楚，你同阿月之間仲有D咩資料我係唔知架?』我用上質問既語氣問阿風。
「下?好多喎...」阿風無考慮過我既語氣...
好多?!
有無搞錯?!
我唔係一早就講好左有咩事、發現到D乜都要第一時間通知我架咩?
「不過好多都係D零零碎碎...仲未可以講得上係資料...」阿風又諗左一諗...
零零碎碎都好過無丫...
「至於關於ADAM既自我毀滅邏輯...我地會解讀成毀滅ADAM內既一切...則係喺佢下面既我地...」阿風繼續保持速度向下行。
『唔係好明...』
「簡單D黎講當LILITH完全被耗盡，EVE無能量再壓抑ADAM，ADAM就會毀滅由佢地三個創造出黎既SPIRIT，則係我地。」阿風終於都講左D我明明地既說話...
『咁則係會唔會向外擴展?』我摸住岩岩蠶蠶既灰黑色牆身行。
「我覺得會，但阿月話唔會。阿月話ADAM只係想毀滅佢所創造既一切...」阿風亦開始摸住岩岩蠶蠶既灰黑色牆身行。
地面明顯變得比之前難行...
而且開始比之前斜...
阿月話會...咁個可能性就好大...
始終，阿月係最了解ADAM、EVE同LILITH既人...
但係...
『我地係ADAM所創造既?我就真係唔明...好多野都係由我地研究出黎...』我仲未將話講完...
「ADAM、EVE同LILITH。你唔好唔記得，SPIRIT裏面既所有野都係以呢三樣原核研發出黎。」阿風打斷我既說話...
的確...我地一直都係以呢三樣原核作為研發基礎...
『但點解ADAM想毀滅呢道既一切呢?』隧道越黎越窄，窄到得返一個人既身位...
「唔知道，阿月都唔知道。阿月只係話我再唔快D研究出可以令LILITH恢復既話，好快就玩完~」阿風回頭望一望我...
如果係咁既話...
審判...除左為解放地獄裏面惡魔手中既下等人...亦都係為左解救我地SPIRIT...
『咁你仲唔快D?』我開始見到前面有好強既藍光...
「我已經好努力架喇!」阿風向住藍光一直行...
穿過藍光...
穿過隧道既出口...
空氣間變得更藍...更光...
睇到既野都差唔多變成藍色...
腳下既路同左手邊灰藍色既岩牆仍然都係咁岩岩蠶蠶...
而右手邊...係一大個懸崖...
呢道係一個地底大洞...亦係發現LILITH既地方...
我同阿風沿住懸崖邊一直向下行...一直行去我地要去既地方...
「呢道真係好難行呀!又窄又斜又岩岩蠶蠶!每次行到黎呢道，都好驚會跌落去囉!」阿風一路怨一路向下行。
『唔怕，下前就係LILITH，跌落LILITH裏面應該同跌落水道無乜分別架姐。』我亦好小心咁跟住阿風。
「嘩!你講呀?你跳落去試下~呢道咁鬼高，LILITH既密度仲高過水!咁跌落去一樣要承受撞擊力!唔死都一身散!」阿風探頭望一望落去...
『咁你就專心D!行快幾步啦!咁行法天夜都未行到落去!』我亦探一探頭，望一望懸崖下...
就係咁望，望住藍色好似水一樣既LILITH...無60層樓都有50層樓高...
咁高跌落去會唔會死我就真係唔知，但再唔行快D既話我真係會踢阿風落去。
「乜SPIRIT有天光架咩?」阿風得得戚戚跑前幾步...
呀!你個仆街真係想我一腳伸你落去咁款喎!
我同阿風沿住岩石邊一直高速向下跑。
其實以我地既能力梗係無咁易跌落去~
話晒阿風都係先行者，相對平日訓練用既鋼線，呢條路已經闊好多~
一直以忍步跑，一直沿住岩石邊一直高速向下跑。
好快好快，好快已經跑過左半個懸崖，越黎越接近LILITH...
呢個地洞真係好大...本來仲大...
本來懸崖亦都無咁深...
「LILITH又明顯減少左...」阿風講出我心裏面既說話。
『嗯...比起兩個星期前真係又低左好多...』我望一望落懸崖下...
越黎越少喇...LILITH既數量已經越黎越少喇...
「咁搞法...遲下我地隻小木船會唔會擱淺架?」阿風望住飄浮喺LILITH上面既黑色小木船。
『擱淺?唔駛擔心，假如喺木船擱淺之前都未審判到地獄既話，有挪亞方舟都無用...』我跳過幾個凹坑，望一望隻黑色小木船。
審判...滅世...聖經裏面有記載過...有預言過...亦都曾經發生過...
耶和華降下洪水...出自創世記...
聖經曾經記載人間有一段時間，地上充滿強暴，敗壞不堪。
耶和華遂向諾亞透露，他將會降下一場洪水以洗雪自己既聖名。
此外耶和華亦吩咐諾亞建造一隻方舟去保全性命，並且向他頒下一切建造既細節。
諾亞立即遵囑去做，最後將佢一家八口同若干走獸、飛鳥召集喺方舟之內。
喺公元前2370年，洪水開始降下。
洪水繼續傾下40日，直至將最高既山都淹蓋喺22英尺既水下。
經過一年之後，諾亞終於能夠帶領家人步出方舟，佢所做既第一件事就係向耶和華獻上感恩既大祭。
創世記係有咁樣記錄過過去神要滅世既事跡。
人類總要重複同樣的錯誤。
到左而家，地上又再一次充滿強暴，敗壞不堪。
當初諾亞得到上帝既指示，但而家呢?
「呼~終於跑到落黎~」阿風跳上停泊喺岩牆邊，飄浮喺LILITH上面既黑色小木船。
木船喺LILITH上面擺下擺下...
「喂~快D落黎啦~」阿風向我示意叫我快D上船。
我輕輕一跳，跳到呢隻由世界之木製成既黑色小木船船頭上面。
細小既小木船就只能坐兩、三個人。
船上面無任何機器，無任何能源轉換器，就只有兩支木製船槳。
「好!我地出發!」阿風坐好之後，開始拎住兩支船槳喺LILITH上面爬下爬下。
LILITH...有著藍色液體形態既物質，就係LILITH既本體...
呢個洞就係2091年發現LILITH既源頭...
起初，LILITH係注滿整個地洞，只就有兩個人咁上下高既空間俾小船移動。
直到三年前...分裂既事件...
「水位真係越黎越低...」阿風一路爬，一路望住藍色LILITH。
『咁有無D咩發現?』我亦都望住由LILITH倒影出黎既自己...
「發現丫...」阿風諗左一諗，「唔係話無既...」
阿風繼續爬，繼續爬...
木船一路向前推進，船身就有LILITH粒子向上飄散。
「喺頭先嗰塊黐住誡律之牆既岩牆上面，我發現左D野...」阿風指一指身後，頭先行落黎嗰幅岩牆。
喺呢個比較遠既位置黎睇，岩牆相比誡律之牆只係佔一少幅。
「我推測呢道曾經發生左一次大爆炸...」阿風繼續爬，木船繼續向前推進。
『大爆炸?!』我轉身望住身後喺道爬梗既阿風。
「嗯，大爆炸。而且係好大好大既大爆炸!」阿風一路點頭一路爬。
『喺ADAM同EVE出現之前?』我嘗試推測。
「可能係出現之時。」阿風搖搖頭。
出現之時?
我唔係好明...點解唔係之前或之後，係出現之時?
『喺78年前，呢道發生過一次大爆炸?』我有D唔係好相信。
「無錯，正正就喺78年前，呢道發生過一次好大好大既大爆炸。」阿風回覆返一個堅定既眼神。
『500KM深既地底發生大爆炸?咁則係話地震都好有可能係因為地底不時發生大爆炸而產生?』我回覆返一個質疑既眼神。
「雖然我無足夠既證據去證明係人為，但我相信呢次大爆炸絕非天然!」阿風既眼神比之前更加堅定。
『你肯定還肯定，都唔好停晒手先得架...』我望住兩支俾阿風揸到定一定既船槳...
「噢~SORRY~」阿風繼續爬...
唔係天然?
無可能...
500KM深...
以78年前既人類科技，絕對無可能可以落到咁深架...
「我地喺岩牆表面搵到D被高能量衝擊過既痕跡。」阿風繼續爬，木船繼續以均速向前推進。
『高能量?』有幾高呢?
「嗯，呢種高能量並唔係一般既炸藥。」木船非常平穩，並無左搖右擺。
『當時既人都無可能製造出我地而家Level 3 RPG既級數...唔通...』我又認真諗一諗『係核爆?』
「唔會唔會...」阿風搖搖頭，「就算係地下核試都駛去到咁深，亦無咁大既威力。」
下?核爆都無咁大威力?
以上個世紀既科技黎講，核子武器係最具破壞力既武器。
如果話核爆都無咁勁既話，咁係乜?
『你唔係想話我知，地心一直住有外星人，而呢次大爆炸係由外星人做出黎呀化?』一直有好多傳聞，都話地心係有外星人存在，但我唔信囉。
「有無外星人存在喺地心我就唔評論。但以我推測，呢次大爆炸係同ADAM、EVE有關。」阿風好認真咁打量左我幾眼。
『ADAM同EVE?』我有D唔係好明，天空上面既ADAM同EVE又同地底500KM深既地洞爆炸有咩關連?
「無錯...自從LILITH不斷減少，岩身露出越黎越多，我嘗試喺岩身取走一D樣本去化驗、去研究，發現岩身上面除左有金屬物質同岩石物質外，仲有ADAM同EVE...」LILITH被船頭泛起左一陣陣漣漪...
『點會呀?ADAM同EVE距離呢道相差十萬八千里喎!』我唔係好相信...
「初初我都唔敢相信，仲以為唔知喺邊道黐到返黎。但經過幾次既抽取樣本，我確確實實可以肯定岩身上存在住好微弱既EVE粒子同極微量ADAM物質。」船身擺左一擺，更多既LILITH粒子由船邊升上黎。
爆炸...EVE粒子...ADAM物質...
『你既意思係話..爆炸係由...』
「ADAM、EVE、LILITH產生而成。」阿風講出我想講既說話。
如果係咁...
如果ADAM、EVE、LILITH喺道產生大爆炸既話...
「以我推測，唔知有D乜野喺呢道產生左一次大爆炸後，就分裂出ADAM、EVE、LILITH三種物體。ADAM、EVE就由呢道飛左上天空，而LILITH就留返喺呢個地洞。」雖然阿風講出左我心裏面既推測...
『無可能...無可能係咁既...根本就無證據證明呢道就係ADAM同EVE既起源。』無足夠證據證明既事，我係唔會信。
「雖然我真係無足夠證據證明呢道就係ADAM同EVE既起源...但你唔好唔記得，我地有文獻記載住ADAM同EVE係點樣出現。」船身再擺左一擺，更多更多既LILITH粒子由船邊升上黎。
『青龍帶著黑煙由地面捲出來。所到之處無一不裂開，開出一道長長深坑。瞬間，深坑升出一道黑牆，一道厚厚的黑牆。黑牆包圍著整個屯門、元朗、天水圍，與世隔絕。黑牆升至天際，青龍在天際間飛舞，不到半天，青龍帶著的黑煙遮蓋了大地...』文獻就係咁樣記載，每一個字我都記得好清楚。
「青龍係指EVE，黑煙係指ADAM，黑牆就係誡律之牆。」阿風點一點頭。
『無錯呀，所有人都係咁推斷。』呢段文獻並唔係D咩秘密，所有SPIRIT既人都知道。
「問題黎喇...黑牆...」船身又再擺左一擺...
誡律之牆?
有咩問題?
「以文獻所記載，黑牆係由青龍帶著黑煙引領上黎...呢個大地洞可以話係黑牆既根...」阿風指一指身後遠遠既誡律之牆。
『呢個大地洞係...誡律之牆既根?』我亦望住誡律之牆。
「雖然我地喺呢道用唔到任何機器...甚至乎連火都接近無熱能...但係LILITH消耗到呢個地步，我地大概都推算得到呢道就係誡律之牆既根。」阿風指一指藍色既LILITH...
喺藍色既LILITH之間，我只見到我既倒影...
『究竟LILITH之下有D乜野呢?』我一路望落去，嘗試努力望穿LILITH...
「我諗都係唔好知比較好...因為當我地見到既時候，則係話我地都要玩完...」木船回復穩定...
講得岩既...
我而家最希望既係LILITH可以回復再生狀態...
「總合各方得黎既資源同分析出黎既報告推斷出黎既結果，喺呢道曾經發生一次大爆炸，爆炸之下產生出三種秘密既物體:ADAM、EVE、LILITH...」阿風越爬越快...
『嗯嗯...』
「擁有強大能量既EVE無發釋出，帶住ADAM喺呢個被炸開既地洞不斷打圈...」阿風越爬越快...
『嗯嗯...』
「EVE帶住ADAM向上打圈...強大能量使EVE同ADAM不斷穿上地層...穿上地面...」阿風越爬越快...
『嗯嗯...』
「ADAM穿過地層所殘留既物質變成黑牆...誡律之牆...」阿風越爬越快...
『嗯嗯...喂...等等先...你話黑牆係由ADAM穿過地層時所殘留落黎既物質變成?』我帶質疑既眼神望住阿風。
「嗯嗯...」阿風亦好肯定咁回答我。
『咁就奇喇...誡律之牆唔係由地底“升”上黎架咩?』我特別強調個“升”字。
「唔係。誡律之牆一直被誤以為係由地底升上黎，事實上佢係“硬化”已成。」阿風特別強調“硬化”呢兩個字。
『硬化?』我就唔明...咩硬化?
「你有無發現ADAM、誡律之牆同“世界之樹”三者好相似?」阿風特別強調“世界之樹”呢四個字。
『當然有啦，誡律之牆同世界之樹都有“ADAM”粒子架嘛!』我特別強調“ADAM”呢個字。
「無錯~所以我就向誡律之牆進行深入既研究!」阿風再將隻木船爬快D...
『好好好...你講還講唔好爬咁快...』我開始有D企唔穩...
「邊個叫你懶型企喺船頭姐?坐返低先啦!」阿風保持速度...
我只好坐返低...
「其實喺好早期，我老豆就已經對誡律之牆展開研究...報告指出，誡律之牆既頂部係無底部咁堅硬。」阿風眼裏面好似回憶過去...
『意思係?』我唔係好明...
「意思就係好似世界之樹咁，越高既就越新，越新既就無咁硬囉...」阿風帶點不滿既語氣...
『嗯嗯...』繼續扮明...
「起初以為係誡律之牆既製造過程係由下至上製造，所以所有咁既特徵...」阿風繼續講。
『嗯嗯...』繼續扮明...
「但之後再研究下，發現唔多對路，點解會係由下至上，由左至右逆時針咁形成架呢?」阿風繼續講。
『嗯嗯...』繼續扮明...
「再研究返文獻，發現誡律之牆既形成同EVE繞住屯門、元朗、天水圍圈既情況完全一置。」阿風繼續講。
『嗯嗯...』文獻有咁記錄過咩?
「所以我就大膽假設，誡律之牆喺由ADAM穿過地層時所殘留既物質硬化而成。」阿風充滿信心。
『哦...』唔明...
「之後，我仲根據誡律之牆同世界之樹作對比分析，推算出誡律之牆既根就喺地層左右...」阿風充滿自信。
『哦...』完全唔明...
「睇你都唔多明架喇~再抬頭睇睇上面...」阿風指一指上面。
『佈滿世界之樹既根既洞頂囉，有咩特別?』我抬頭望住佈滿世界之樹既根既洞頂。
一條又一條黑色既根，密密麻麻咁懸掛喺洞頂道...
「試問黎個世界上，有咩植物既根可以生長到呢一道?」阿風亦抬頭望住洞頂。
『世界之樹囉。』有眼你睇架啦。
「你都傻既，呢道係500KM深呀!穿越左地殼進入左上地幔既位置，有乜鬼植物可以穿過500KM深既地底呀?」阿風指責我既無知...
『我而家真係見到上面佈滿世界之樹既根嘛?』我又指一指上面。
「好明顯呢D根就唔係由上面穿落黎啦。」阿風搖搖頭。
『唔明...』根唔係由上而下穿落黎既話，可以係點?
「我地地面上既世界之樹，實際上係由呢道開始穿上地面...」阿風用食指繞左一圈。
『下?!』由呢道穿上去同由上面穿落黎咪一樣...
「以我推測，超強既爆炸除左產生出超強能量既EVE帶領ADAM以打圈既方式鑽出地面外，仲有大量微細但帶有高能量既EVE粒子由洞頂鑽出地面。」阿風又指一指洞頂。
『哦!你既意思係其他微細既EVE粒子帶住殘餘喺呢道既ADAM鑽上地面，其間殘餘既ADAM硬化成世界之樹?』我突然好似有道靈光一閃，閃過腦海!
「無錯喇!所以點解世界之樹由ADAM、EVE同誡律之牆出現後既第三日先開始生長就係咁解~」阿風點點頭。
好似好有道理...
「所以點解世界之樹同誡律之牆...甚至ADAM咁相似~而且世界之樹同誡律之牆都有同一種特質，就係帶LILITH粒子上去控制EVE既不穩定能量。」阿風又講D難明既理論...
『好喇好喇...呢部份唔需要多講喇...阿月周不時都會用幾個鐘黎同我講呢咋唔知係乜既科學探究俾我知...你點講我都唔明架喇...』我揮晒手，搖晒頭...
「好啦好啦~講到尾我都係想講呢道就係ADAM、EVE、LILITH既源頭，亦係我地SPIRIT既源頭。」阿風點晒頭...
講左一大輪...
知道呢道就係我地ADAM、EVE、LILITH既源頭咁又點呢?
咪又係仲未研究到點樣可以令LILITH再次恢復為無限...
時間無多啦...
再無咩進展既話，SPIRIT就會滅亡架啦...
點解會咁...
點解會走到而家呢個地步?
長久以黎，上帝都會派遣佢既使者黎到人間懲治罪惡...
我地明明就係上帝派黎清算世界既使者...
點解被毀滅既反而會係我地呢?
「呼~終於到啦~」阿風望一望我背後。
我亦企返起身，轉身望向船頭既方向...
喺木船輕微既搖晃下，我隱約見到...
我隱約見到遠處...藍色既LILITH面上...一塊又塊...一塊又一塊...A3 SIZE左右大小...米米黃黃...殘殘舊舊...紙塊...
一張又一張...一張又一張...好似羊皮紙一樣既紙塊...佈滿藍色既LILITH上面...
浮下浮下...浮下浮下...
呢D紙塊就係...死海文書既經卷...
我地既木船離死海文書越黎越近...越黎越近...
越黎越清楚...越黎越清楚...經卷正喺道移動...
無錯，經卷正喺道移動...好似拼圖咁自我交替...自我移動...
好神奇...真係好神奇...
但更神奇既仲係後頭...
當我地既木船推進到經卷既面前，一張又一張A3 SIZE左右大小既經卷立即向左右兩邊分出一條通道...
分出通道其間，經卷亦同時自我交替...自我移動...
好神奇...真係好神奇...未算...
當我想用手去觸摸浮游喺藍色既LILITH上面既經卷既時候，經卷就好似一位羞澀既少女咁立即走開...唔俾人沾污...
好神奇...真係好神奇...更神奇既係，呢D好似紙一樣既經卷，其實唔係實體...
當前人初初喺呢道發現呢D經卷既時候，佢地好驚訝...
經卷點解會識得自己郁?點解會識得自我交替?
而經卷上面畫滿左大大小小既文字...仲有大大小小既圖案...
文字方面似象形...亦有D似希伯來文、希臘文、亞蘭文、納巴提文和拉丁文...但總有小小出入...唔係我地常見既文字...難以翻譯...
而圖案方面有人、雀、天、地、海、光、暗、陰、日、月、星、惡魔、天使、火...等等等等乜都有D...
當佢地嘗試喺LILITH中收集呢D經卷之時，經卷不斷逃避!
玩躲貓貓?人類又點會咁蠢...
雖然喺呢道用唔到機械設備，但要玩躲貓貓?小學雞的識啦...
佢地用左一個好大既魚網，以幾隻木船拉住。
木船散開成一個捕獵網，慢慢...收窄...慢慢...向經卷既位置收窄...
當收窄到所有經卷都重疊成同一張既時候，奇怪既時發生喇!
經卷穿過左魚網!
當時有一個人，嘗試伸手去攞LILITH既經卷...
手伸到落去LILITH，手穿過經卷，但就乜都摸唔到...
嗰時起，我地就相信LILITH上面既經卷係虛擬實體影像...
「其實仲駛乜黎呢道丫~我地都已經有一份手抄本啦~」阿風一爬，木船一路穿過由經卷分成既通道。
『我始終唔係好信抄返黎既野，都係親眼黎睇睇好D。』我認真咁打量梗兩邊，浮游喺LILITH上面既經卷。
而且，阿月曾經講過，親身落黎感受下，會有助啟發解開死海文書迷團既思維...
一張又一張米黃色既經卷喺LILITH上面移動...
有規律咁移動...交替...
咁多年黎，我地喺死海文書中解開左好多好多秘密...
當中包括規條...
但究竟死海文書裏面未解開既部份記錄左乜野呢?
究竟審判既細節係點樣架呢?
我地係唔係漏左D乜野?
點解仲有咁多細節仲係未翻譯到呢?
「每個星期都落黎睇一睇，每個星期都係毫無頭緒...空手而回...努力D去我進行地認為岩既行動好過啦!」阿風慢慢咁爬...
上帝既指示，我地解唔開...
點解會咁?
點解我地會解唔開上帝既指示呢?
點解我地唔可以好似諾亞咁樣有上帝既明確指引?
點解...
點解?!
或者...只可以講...
一切一切都係因為前人作既孽...