《香港革命戰》(上): [18-智能入侵] PART 2
喺我離開控制中心之時，天欣話要將我既最後報告整理一下先再交俾阿月...
我就一個人向住INTRUDER樓層進發。
各人都有自己既職責。
而每個人都盡力做好自己本份。
我亦都一樣...
我地屯門領域既人每個都係一樣...
都係有能力完成死海文書既劇本!
你好好咁睇住...
你好好咁喺山上放長雙眼睇住啦!
入到去INTRUDER主腦室裏面之後，我見到阿月並唔喺壓縮空氣管內...
阿月企左喺一條壓縮空氣通道上，被一塊又一塊顯示板包圍住。
阿月快速咁喺五顏六色既顯示板上指指點點...
『阿月，我黎左喇。』我行到去阿月身邊...
「嗯，我當然知你黎左。」睇黎阿月心情唔多靚...
都係既…成晚無瞓俾我都燥...
『阿風呢?』我望一望四周...
其實一眼睇晒，呢道除左我同阿月，乜人都無。
「佢去左調整LILITH…你喺道坐下先...」阿月繼續專注佢既工作...
做咩喎...妳唔係可以一心幾十用架咩?
講兩句都嫌我煩...
我坐到喺壓縮空氣通道上，望住眼前既阿月...
阿月認真起黎做事，真係...
我係唔會用“特別吸引”黎形容佢，我會話係特別嚇人...
阿月一認真起黎就會黑起塊面，好似想殺人咁樣...
仲有佢既眼神，相當凌厲...
同平時跳跳紮紮，嘻嘻哈哈既阿月好似判若兩人...
真係唔明點解嗰個李飛揚會為左阿月仆心仆命...
俾著係我真係話知佢死~
同阿月呢種人一齊既話，真係唔係俾佢激死，就係嚇死…
「哥，你特訓左成日，就係得呢D表現咋?」阿月望住幾塊顯示板口噏噏。
『已經保持住100%同步率架喇喎...』乜野就係得呢D表現...
已經好好囉!
「唉...要再調整多D先得...」阿月繼續口噏噏...
車…我都係練左一日咋嘛…
可以Keep到100%同步率已經好叻仔架喇...
仲想點喎...
唔好話妳手腳慢，搞左成晚都仲未搞掂~
早知係咁，再喺控制中心練多陣先~
坐喺壓縮空氣通道上面，望阿月諗下諗下...
究竟一陣我要做D乜呢?
我只係知一陣要同INTRUDER連接...
連接完要強奪出面AI機械人既控制權...
呢Part應該係阿月幫我搞既...
咁跟住呢?
跟住我要做D乜?
好似無人同我講過...
亦都無人同我商量過...
係唔係則係話要我自己諗掂佢?
我諗應該都係...
佢地個個都唔得閒...
呢D事應該都係自己諗掂...
究竟強奪到AI機械人既控制權之後，我應該要點做呢?
我諗答案好簡單，就係盡情破壞。
有乜好得過利用破壞黎證明AI係一件危險既系統?
所以當控制到AI機械人之後，就要破壞眼前所見既一切。
咁樣幾好丫~
可以俾我發洩一下~
身心都會健康D~
就咁決定喇~
最好就係將整個地獄摧毀!
一路喺道諗點樣可以破壞醜陋既地獄，一路沾沾自喜...
諗左一段時間，阿月都仲係未搞掂...
係唔係真係咁難丫?
可惜我又幫唔到佢手...
「唉~睇黎要辛苦你喇哥哥~」阿月呼一口氣，擰擰頭...
下?
阿月咁講則係乜意思呢?
「哥，除衫先啦~」阿月收一收埋幾個顯示板行到我面前...
咁突然?
駛唔駛俾我做下熱身先?
我一件一件咁將自己身上D衣物除落黎，交到阿月手中...
「企到去中間位置。」阿月指一指整個空間既正中心位置...
『妳可唔可以解釋下點解會話要辛苦我呢?』我一邊行去中心位置，一邊講。
「哦~無乜野既~」阿月推一推我背脊...
『唔係喎…而家係我有野喎...』我行多兩步，企喺正中心轉身望住阿月...
「放心啦~有我喺道丫嘛~LCL注入既同時，我會同你解釋架喇~」阿月推一推我，幫我Set好個位...
點解總係有一種俾人推入刑場既感覺架呢?
“颼”...壓縮空氣管將我關起黎...
藍藍地色既LCL則同時開始注入...
LCL由四方八面注入，開始包住我身體...
呢種好似失重一樣既現象真係好神妙...
只有企喺正中心先會有呢種效果?
我真係唔能夠理解呢種設備係點樣建造出黎...
整個壓縮空氣管已經注滿LCL...
感覺同喺防禦者RU既控制艙可以話係完全一模一模...
成個身都好凍...
凍到好似無晒知覺咁...
而同控制艙裏面既分別只有一個...
喺呢道...我聞到阿月既氣味...
由LCL裏面，我唔單止聞到阿月既氣味，我仲嚐到阿月既味道...
好奇怪...
呢種感覺好奇怪...
「係時候要解釋下而家既情況~是咁的~你既表現太差喇!所搞到我地搞左咁鬼耐!」阿月叉住條腰講...
又話我...
我咁都叫差?
真係有無搞錯...
我肯肯定自己就算稱唔上叫好，都一定唔會係差囉!
「我地要將LILITH既含量再Set高D先可以令你連接到INTRUDER~」阿月指一指住我...
『唔駛咁浪費丫嘛?』LILITH已經唔係好夠用，仲要用多D?
玩下手真係會捱唔到半個月...
「浪費?哈~你真係有所不知喇~如果唔用多D LILITH既話，你個腦唔駛半秒就已經比INTRUDER食左喇~」阿月又恥笑我...
食左?
咩意思?
係唔係即係入侵?
「雖然話已經Set高左LILITH既含量，但因為你真係太差勁!當你連接INTRUDER既時候，個頭都會有D痛~」阿月擰擰頭...
『頭痛咋嘛?我發作既時候個頭都痛到爆架喇!有咩好怕丫?』呢D經歷我一個月都要體驗一次架啦!
「哈~你真係有所不知...唔緊要~你好快就體驗得到咩係真正既痛不欲生~」阿月開出幾十個顯示板...
阿月又再一次俾D七彩繽紛既顯示板圍住...
「好喇...而家先同你連接INTRUDER...準備好未?」阿月望一望我...
『準備...呀!!!!』我都仲未講埋個好字出黎，我感覺到...
我個頭...
我個腦...
『嘩呀!!!呀!!!』
好痛呀!
“吱吱...吱吱吱...”
痴線…痴線架!
“吱吱...吱吱吱...吱...吱吱吱...”
好似好多...有好多針插入個腦裏面...
『呀!!!!!!!!嘩!!!!!!!!』
好痛...我個頭...我個腦...好似俾野壓住...一路壓埋黎!
“吱吱...吱吱吱...吱...吱吱吱...”
唔得...我...
我個頭就黎要...爆開喇...
『呀!!!!!!!!嘩!!!!!!!!嘩呀!!!!!!!!』
好痛呀...好痛呀!
“吱吱...吱吱...吱吱...吱吱吱...吱...”
我...我死喇...
……………………………
……………………
…………….
……….
……
…
「起身喇~」
我好似聽到...
「快D起身喇哥哥~」
阿月把聲...
「唉~就係連接都搞咁耐...仲話自己係預行者喎~真係無鬼用~」
阿月又話我喇!
『我絕對夠資格做預行者!』我睜大對眼...
呢道係...
我處身一個黑暗既空間...
身邊有好多好多EVE粒子飛過...圍住我黎轉...
『阿月...我而家喺邊道?妳又喺邊道丫?』我四圍望...
呢個空間一D都唔陌生...
呢個空間...好似喺折疊之門入面咁...
「你而家唔係喺邊道，而係思緒同INTRUDER已經連接左~你可以理解為你而家喺INTRUDER裏面既~喂!你可唔可以再集中D?」阿月又喺道話我...
『我已經好集中架喇喎!』我已經心無雜念嗰隻架喇。
「你又見唔見到我丫?」阿月把聲不斷傳入我耳裏。
『妳喺邊丫?我見妳唔到喎...』我又四圍望下...
「咁咪係囉!要見到我既話就要集中精神，提升同步率...又話可以Keep到100%同步...天欣係唔係搞錯左D乜丫?」阿月又口噏噏...
我喺控制艙裏面既時候，明明就可以Keep住100%同步去控制防禦者RU...
但點解呢到INTRUDER裏面，我好似周身唔自在咁架呢?
「喂!我叫你專心D丫!有無聽我講野架?」阿月繼續指責我...
『我咪專心梗囉!』突然，有一部份喺空間中既EVE粒子，向我面前集結...
越黎越多既EVE粒子…
好似旋風咁捲埋一齊...
無數既EVE粒子開始勾畫出一個身影...
一個嬌小既身影...
『阿月?』確確實實，EVE粒子變左阿月出黎...
「搞左咁耐，你而家先見到我...咁點樣去控制出面既機械人丫?」阿月又向我冷嘲熱諷...
『究竟妳要我點做?』我想行近阿月，但我就好似浮左喺空中咁，無法移動...
「最起碼都要見到外面既世界!」阿月攤開手...
外面既世界?
則係邊道?
「你本來喺邊道架?」阿月轉左一圈...
我本來喺邊道?
我本來咪喺INTRUDER既主腦室裏面囉...
INTRUDER既主腦室...
INTRUDER既主腦室?
空間裏面既EVE粒子既移動開始變得有規律...
無數既EVE粒子向四周唔同既地方集結...
勾出一個又一個唔同既物件...
勾出弧形既牆身...
同時間，亦有無數既EVE粒子包圍我身...
包出一套我平時著開既衣物!
整個空間變得明顯...
明顯咁變成INTRUDER既主腦室...
我正正就企喺主腦室既中間...
無壓縮空氣管...
無LCL…
『我...我出返黎喇?』我喺壓縮空氣通上行前兩步，行到阿月面前...
「唔係~你仲同INTRUDER同步梗~你而家睇到既，就係我平時可以喺INTRUDER睇到既野~」阿月繼續將視線放到投射板面上...
厲害...
好似真既一樣...
無論係周圍既物件，定係眼前既阿月...
所有野都好似真實一樣...
「無錯~真係好厲害~而更厲害既你係唔會知道~」阿月喺幾塊投射板上指指點點...
『妳聽到我心裏既說話?』我冷眼望住阿月。
「其他人唔可以，但我可以~我仲可以見得到你喺邊，就只有我可以~」阿月點一點頭...
『點可以咁架?咁咪無晒私隱囉?』太唔合理喇!
「你同我講乜私隱丫?你而家喺INTRUDER裏面丫~你而家個思緒同INTRUDER連接左架~我唔睇住你你一陣間真係迷失左喺裏面都唔知咩事丫~」阿月咬一咬自己個嘴唇...
係姐...
之但係乜都俾妳知道晒，硬係覺得周身唔自在...
「做咩丫?有咩唔俾得我知架?」阿月對我莞爾一笑…
『無無無無無…』我唔亂諗野...唔好亂野...
「哦，你話無就無啦~」阿月繼續望住返D顯示板。
『究竟喺INTRUDER裏面係可以做到D乜?』我行多幾步，望多兩望...
「乜都可以，只要同步率夠高既話~當然你就無可能啦~就算你同步率夠高，我都唔會俾你咁做~」阿月帶住微笑擰擰頭...
車…好叻咩…
『咁我係唔係只可以局限喺INTRUDER既主腦室裏面活動?』我行到去門前面...
「對你黎講係，對我黎講就唔係~」阿月又扮晒野喇...
咩係我係妳唔係?
都唔知妳想答乜...
「則係話!你既能力就只可以去到喺呢個空間裏面活動姐~我呢就可以去晒成個屯門領域任何一個地方!咁你明喇?又唔知自己蠢...」阿月又話我喇!
原來阿月可以利用INTRUDER去到屯門領域既任何地方...
但...
『係實時反映架嘛?』呢個我真係好有興趣...
「嗯~係實時反映~半秒都無延遲~」阿月又笑笑口咁答...
太厲害...
可以用思緒行晒成個屯門...
而且仲要人地睇唔到自己...
「行?哈~我係可以飛...甚至係轉送~唔只咁...鍾意穿牆都可以~」阿月繼續甜絲絲咁笑...
唔係丫嘛…
竟然可以勁成咁...
等等先...
咁講法...
阿月喺INTRUDER既時候...
咪可以...
「無錯丫~我係可以無時無刻都喺你身邊架~而且我仲可以同時間去到唔同既地方睇住你地每一個人~」阿月越笑越甜...
無處不在?!
「正確~仲有…我仲可以完全接收到你地腦裏面既思緒~你地諗梗乜，我都一清二楚~」阿月笑得有D陰濕...
無所不知?!
「雖然係咁，但我都唔可以借助INTRUDER既能力令LILITH變返做無限...」阿月扁一扁嘴…
好彩姐~
好彩妳唔係無所不能姐~
「哈~要無所不能既話，我諗就真係只有上帝先做得到~」
上帝...
如果要我信上帝，我情願相信阿月...
起碼阿月真係生勾勾咁喺我面前~
上帝?
都唔知死左去邊...
「你又太抬舉我喇哥哥~你而家好好爭取時間熟練下INTRUDER先~我仲要做最後調整…放心喎，只係同INTRUDER同步既話，無限時既~不過就唔好被反同步丫~我諗你明我講乜架啦~」阿月繼續專注喺眼前既顯示板上...
反同步?
我當然明阿月講乜啦~
但要我熟練多D INTRUDER...
可以點熟練丫?
控制防禦者RU既時候，就話有天欣幫我整D模擬戰出黎訓練姐...
喺呢道可以做得D乜?
「你可以試下做D平日會做既野架嘛~就好似平時生活咁~咁都要人教...」阿月又口噏噏...
做平日會做既野?
係道可以做得D乜?
又出唔到去…
我行下行下...
地方又唔係大...
行到阿月面前…
我望一望阿月...輕輕伸隻手埋去阿月塊面...
「唔好搞我~」阿谷起塊面豬登...
『So…Sorry…』咁我真係唔知做乜好丫嘛…
繼續喺有限既空間跑下跳下。
所有野都好真實...
包括感覺...
所有野都比起控制防禦者RU既時候黎得真實...
更加真實...
究竟阿月同阿風係點樣製造出INTRUDER架呢?
我只係聽過阿月，講話佢有次唔小心同EVE同步過之後，腦裏面就出現左INTRUDER既設計圖...
不過最重要既係，點解阿月可以唔小心咁同到EVE同步?
呢點阿月無詳盡說明...
或者咁講，佢認為自己已經好詳盡說明，只係我地唔明...
詞不達意~係阿月既特色~
「好喇...唔好再喺道話我乜乜乜喇!係時要進行計劃...行返去中央先，方便我對你既監察。」阿月冷眼望一望我...
『哦...』我行返去中央，企定定...
「盡量放鬆個人，一陣可能會有D痛，但唔死得既~我會帶你連接外面其中一部機械人~你可以放心，因為我會將A.I.S.C.P.S.鎖住，所以你既連接係無限時~」阿月一輪嘴講完...
其實我都唔係好明阿月講D乜...
就係知一陣我會控制一部機械人~
控制時間係無限~
就係咁~
點都好啦，我只要知我連接左機械人之後，盡情破壞嗰道既一切就夠~
其他既就交俾阿月處理~
連接時間係無限...
好丫~
睇黎真係分分鐘可以摧毀整個地獄都唔定~
「準備好未?」阿月望一望我...
『準備...呀!!!!』又係喺我仲未講埋個好字出黎之前，我感覺到...
我個頭...
我個腦...
『嘩呀!!!呀呀呀呀!!!』
好痛呀!
“吱吱...吱吱吱...”
相比起頭先...
“吱吱...吱吱吱...吱吱...”
更加痛丫!!!
“吱吱...吱吱吱...吱吱...吱吱...”
又話只係有D痛?!
“吱吱...吱吱吱...吱吱...吱吱...吱吱吱...”
痴線…痴線架!
“吱吱...吱吱吱...吱...吱吱吱...”
『呀!!!!!!!!嘩!!!!!!!!呀!!!!!!!!』
好似好多...有好多針插入個腦裏面...
『呀!!!!!!!!嘩!!!!!!!!嘩!!!!!!!!呀!!!!!!!!』
好痛...我個頭...我個腦...
“吱吱...吱吱吱...吱...吱吱吱...”
眼前有好多綠光飛過...
“吱吱...吱吱吱...吱...吱吱吱...吱吱...”
係EVE粒子…
“吱吱...吱吱吱...吱...吱吱吱...吱吱...吱...”
好痛呀...真係好痛呀!
“吱吱...吱吱...吱吱...吱吱吱...吱...”
就快痛死我喇!
“吱吱...吱吱...吱吱...吱吱吱...吱吱...吱吱...”
「點會咁...」係阿月把聲?
“吱吱...吱吱...吱吱...吱吱吱...吱...吱...”
『呀!!!!!!!!』
「同一時間有另一個入侵者?」我好似聽到阿月把聲...
“吱吱...吱吱...吱吱...吱吱吱...吱...吱吱吱...”
『嘩呀!!!!!!!!』
好多好多EVE粒子衝埋黎...
「要終斷連接...唔係既話就會有危險!」係阿月把聲...
“吱吱...吱吱...吱吱...吱吱吱...吱...”
「唔得...唔可以終斷連接...咁樣哥哥既思緒會分裂...」阿月...阿月...
“吱吱...吱吱...吱吱...吱吱吱...吱...吱吱...吱吱吱...”
越黎越多針插入個腦裏面!!!
『嘩呀!!!!!!!!呀呀呀!!!!』
「你永遠都唔會成功...」呢把聲...
「你只係一個失敗者...」呢把沉實既聲線...
「由細到大都係一樣...」係老豆?!
眼前有部份EVE粒子向我面前集結...
越黎越多既EVE粒子…
好似旋風咁捲埋一齊...
無數既EVE粒子開始勾畫出一個...面容?
一個長髮女子既面容?
再有部份EVE粒子集結...
由長髮女子條頸...一直向我既身處方向伸展過黎...
無數既EVE粒子開始勾畫出兩隻...兩隻手臂?!
係兩隻纖幼既機械手臂...
一隻手鏈住左長髮女子條頸...
另一隻捉住左佢D頭髮...
長髮女子對眼滿滿恐懼...
口中好似不斷叫梗...“不要...不要殺...”
“吱吱...吱吱...吱吱...吱吱吱...吱...吱吱...吱吱吱...”
長髮女子既面容散開...
一對手臂亦都隨之散開...
分散成無數既EVE粒子...
『嘩呀!!!!!!!!呀呀呀!!!!』
我個腦...我個腦...
“吱吱...吱吱...吱吱...吱吱吱...吱...吱吱...吱吱吱...吱...”
好痛...真係好痛呀!
“吱...吱吱...吱吱吱...吱...”
唔得喇...
“吱...吱吱...吱吱吱...
唔得喇...
“吱...吱吱...
……………………………
……………………
…………….
……….
……
…