《香港革命戰》(上): [18-智能入侵] PART 3
「哥...」喺黑暗既深淵中...
「哥哥...」我好似聽到阿月把聲...
「哥哥睜開眼...」我好清楚聽到阿月把聲...
「哥哥係時候睜開雙眼...」阿月把聲變得溫柔...
「哥哥...」
我嘗試睜開雙眼...
慢慢睜開雙眼...
一條白色既光線慢慢向左右兩邊伸展...
曚曚曨曨...
「再集中精神…」溫柔既聲線好似喺耳邊傳入...
影像開始傳入我眼裏...
越黎越清楚...
越黎越清晰…
我眼前係...我眼前係...大堂?
我眼前所見係一個大堂...一個圓形大堂...
我而家置身既位置...
下面仲有一層...
我而家既身處位置應該係地下大堂與一樓之間既樓層...
呢道係邊道?
我而家喺邊道?
我再望一望...
弧形既走廊上面...有三個...身影?
有三個人喺弧形既走廊上跑梗過對面...
而呢三個人...咪就係...
「哥，我而家已經睇到你而家睇到既野。」阿月把聲傳入我耳內...
則係話，阿月都見到我眼前既藍志勇、李軍...仲有阿月一直期待既李飛揚...
『我而家喺邊道?』我嘗試用說話同阿月溝通。
「你而家喺中國香港數碼港...已經連接左一部機械人...有乜感覺?」阿月把聲好清晰。
我嘗試用力鏈一鏈對手，鏈落個欄杆上...
我感覺到阻力...
我感覺到質感...
好真實...
『對比起控制防禦者RU更真實...』我一直盯住仲喺走廊上跑梗既李飛揚...
你呢個萬惡不卸既惡魔...
「好好...你可以放心行動...我會一直對你進行輔助...」阿月把聲就好似喺我耳邊講咁...
妳係會全力輔助我既行動先好講...
我一路凝視住企喺對面既李飛揚...
佢地好似有D猶豫不決...
仲喺道猶豫梗D乜?
你地平日殘害咁多無辜既人，又唔見得你會有半秒既猶豫?
我望到對面既李飛揚一面恐懼...
乜你都識得恐懼架咩?
不如等我再帶多D恐懼俾你啦!
我將上半身向前微傾，雙手45度向後，前後腳彎曲，以半助跑姿勢面對住對面既李飛揚!
我望住佢地三個急忙咁走入升降機...
我雙腿用力一跳，飛到半空中...
彈跳力非常驚人!
相對起防禦者RU，呢部機械人既機能有更好表現!
當我就快飛到去對面之時，一道發出金紅色光芒既屏障漸漸喺升降機入口前出現...
“砰”一聲...我被呢道金紅色光芒既屏障擋住!
『P.R.F.D.S.?!竟然用上P.R.F.D.S.做閘門?阿月，幫我打開佢!』點可以俾呢道爛鬼屏障阻住我?!
「我...打唔開...」阿月講出一句令我有D失望既說話...
打唔開?
定係唔想打開丫?
唔緊要~
雖然話P.R.F.D.S.既構造同E.R.F.D.S.可以話係一樣，但係光元物質充填方面，P.R.F.D.S.就比E.R.F.D.S.慢得多~
始終，我地既E.R.F.D.S.可以喺空氣中吸收EVE粒子充填，而P.R.F.D.S.只可以依賴電能充填...
只要光元物質流失既速度比充填既速度高出兩倍以上，P.R.F.D.S.就會失效...
簡單啦~
我緊握左拳，向住P.R.F.D.S.閘門揮過去!
“噹”一聲響，我既左拳發出金紅色光芒...
P.R.F.D.S.互相撞擊...
就係咁喇...
只要利用P.R.F.D.S.互相撞擊，光元物質流失既速度就會加大...
“噹噹噹噹噹噹噹噹噹噹噹噹”我繼續左右左右咁向住面前既P.R.F.D.S.閘門揮拳...
金紅色光芒越黎越弱...
岩喇!就係咁喇!
“噹噹噹噹”無論係我雙拳上，定係前面既P.R.F.D.S.閘門，金紅色光芒都就快要消失!
係機會喇!
我左手向後拉弓...
“噹”一聲巨響，P.R.F.D.S.瓦解...
我喺P.R.F.D.S.仲未能夠充填之前，立即跳到入升降機槽入面!
我望向上方，望向升降機既玻璃地板...
咁快就去到咁高...
想走去邊丫?
好喇好喇~睇黎我都要徒手爬上去架喇~
我伸出十隻手指，手指頭發出耀眼紅光...
Saber?真方便~
“砰砰砰”我開始沿住升降機槽向上爬...
“砰砰砰砰砰砰”好輕鬆...好順暢!
“砰砰砰砰砰砰砰砰砰”利用呢個機械身軀，就同控制防禦者RU一樣咁方便!
不過佢地又真係上得太過高喇掛...
我一路爬，一路望上去...
應該都有一百層...二百層?
就咁睇應該都有二百層高...
『阿月，知唔知佢地去左邊?』呢個時候最好就係問阿月...
「佢地被引領到去...BRAIN層...」阿月諗左一諗...
『BRAIN層?妳帶佢地去BRAIN層道做乜鬼?』BRAIN層又係乜野地方呢?
「唔係我引領架...點講好呢...」阿月好似好煩惱咁...
竟然可以有野令到阿月煩惱?!
真係諗都無諗過...
阿月就算遇到再難解決既問題，都可以冷靜面對...
但而家...
算啦...都係唔好諗咁多…
而家最重要既係完全今次既行動...對我黎講...
“砰砰砰砰砰砰”我繼續利用十隻指尖上既Saber向上爬...
好彩升降機槽係用玻璃製姐~
如果係用壓縮空氣幕牆既話，就麻煩得多~
不過壓縮空氣幕牆呢種技術，對佢地黎講都係新科技~
仲喺測試階段~
無咁快可以廣泛使用~
“砰砰砰砰砰”好快就俾我爬到升降機底部...
玻璃地板?!
“砰”一聲響，一拳就俾我打穿~
我快快手手跳到入升降機入面...
又係P.R.F.D.S.閘門...
“噹噹噹噹噹噹噹噹”我緊握拳頭，繼續左右左右咁向住面前既P.R.F.D.S.閘門揮拳...
“噹噹噹噹噹噹噹噹”加速...加速!
“噹噹噹噹噹噹噹噹”金紅色光芒越黎越弱...
“噹噹噹噹噹噹噹噹”無野可以阻到我...
“噹噹噹噹噹噹噹噹”任何人都唔可以阻擋我!
“噹”一聲巨響，P.R.F.D.S.喺我面瓦解...
我行前兩步，步出升降機...
我望到，就係遠處...黑色圓形台中央位置...回身望住我既李飛揚...
正在向地下下降既李飛揚...
充滿恐懼神色既李飛揚...
乜你都識得驚架咩?
我仲以為你係天不怕，地不怕既添~
李飛揚下降到消失喺地面之上...
我望一望整個空間...
東南西北方各有一個升降機出入口。
升降機出入口外均有一條玻璃地板，連向中間既黑色圓形台位置。
一共有四條玻璃地板，構成大圓形中間一個十字。
玻璃地板裏有無數既紅光線極速飛過。
東同西玻璃地板裏面既光線，由升降機呢邊飛向中間既圓形台。
南同北玻璃地板裏面既光線，則由中間既圓形台飛向升降機嗰邊。
黑色既弧形牆身裏面，都有紅色既光線好似心跳咁樣閃動、流動。
整個樓層都無圍欄，而且通道既闊度，大約只有一個人既身位多一D...
呢種格局...
係收藏AI主腦既地方...
就好似INTRUDER既地底層一樣...
而AI既主腦...
我再行前望一望...
應該就係連接住前面，整個樓層既中央，黑色圓形台下面既大黑球...
我細心望一望個大黑球，球面亦都有紅色既光線好似心跳一樣流動、閃動。
一定無錯~
佢地三個落左去主腦裏面...
落去想做D乜丫?
想阻止我?
睇黎無你地諗得咁容易喎...
我一直行，一直向住玻璃地板向前行...
左右兩邊有一道壓力壓埋黎...
係安全設備嘛?
無問題~有無呢D安全設備都無所謂~
反正我連鋼線都行得過~
又點會怕呢條闊度大約有一個人身位多一D既玻璃通道?
好快我就行到呢黑色圓形台上面...
我望一望塊地板...
超合金閘門?!
『阿月~打唔打得開呢個丫?』係咁易都要問一問阿月既...
「打唔開…」我都預左妳會咁答架喇~
老實講句，我真係好懷疑係唔係阿月有心阻攔我~
等我唔可以接觸嗰個李飛揚...
算啦~世人都係唔可靠，凡事都係要親力親為~
“嘭...”我開始用拳頭打落塊超合金閘門...
“嘭嘭…”左右揮拳…
“嘭嘭嘭…”加快速度...
嘭嘭嘭嘭…”加大力度...
“嘭嘭嘭嘭嘭...”超合金閘門俾我打到開始變形...
“嘭嘭嘭嘭嘭…”開始有凹痕…
“嘭嘭嘭嘭嘭…”凹痕越黎越深…
“嘭嘭嘭嘭嘭…”我要打爆你!
“嘭”一聲巨響後，超合金閘門俾我打出一個大洞!
我立刻路落去!
下降既速度非常之快!
真係方便過搭升降機~
不出幾秒...
“轟”我跳到一塊平地上面...
半圓既天花，平坦既地板，同外面沒乜太大分別，只係紅色既光更閃更亮...
不過呢D都唔係重點~
最重要既都係眼前既李飛揚...
李飛揚...你呢個大魔頭...
期待已久既第一次接觸終於來臨...
一直以黎，唔單止係阿月，其實我都好期待可以與你相見...
因為可以同你見面既話，則係話劇本就快完成...
審判之日即將來臨!
眼前既李飛揚後退左兩步...
好驚咩?
由佢面上既表情可以話到俾我聽，佢真係好驚~
做乜要咁驚丫?
緊係要驚啦~
因為你知道你既大限將至~
你要為你所作過既罪，付上沉重既代價!
我上半身一曲，向住李飛揚方向飛過去，再將左手向後拉弓，以突刺的方式極速接近!
李飛揚，你呢個廢人，面對住我你可以點?
正當我就快要飛到去李飛揚面前，突然有一個身影高速接近...
「飛揚!!!!」
『李...嘩呀!』我都未將個軍字講出口，我就硬食李軍一下橫砍!
“砰砰砰”喺地下碌左幾個圈...
我慢慢企返起身，望一望李軍...
「飛揚快起來。志勇還要多久?我們沒太多時間了，我怕我擋不了多少次，AIR-0沒半點損壞。」李軍已經擺出戰鬥姿勢，準備迎擊...
斧頭?
你唔係諗住用呢把爛鬼斧頭就可以收我皮丫嘛?!
「還差一點點...還差一點點!!!」藍志勇驚到把聲都震埋...
藍志勇呢個廢人可以唔駛理...
我既目標始終都係李飛揚...
而要接近李飛揚既最大阻礙...就係眼前既李軍!
我一步一步行過去，就好似平常走路一樣，慢慢咁向住李軍方向走近。
越黎越接近，越黎越接近...
眼前既李軍亦準備好手上既斧頭，向後拉弓。
睇李軍既姿勢...只要我一進入攻擊範圍，佢就會揮斧攻擊。
認真的嘛?
你唔係真係天真成咁丫嘛?
你唔係真係覺得呢把爛鬼斧頭，可以砍得入我丫嘛?
行多幾步，我已經一步步咁走入李軍既攻擊範圍。
就喺呢個時候，李軍快速咁揮動佢手上既大斧，向住我既頸部進發。
好快~
李軍既手速真係好快!
可惜...
“砰”一聲後...
真係天真到極...
我舉起左一隻食指，就咁就擋住左李軍把大斧!
枉你呢個李軍英明一世，可惜就係笨實一時...
都仲未等到李軍回過神，我呢個機器人身軀就自動發動P.R.F.D.S.，將眼前既李軍連人帶大斧一齊彈開!
「嗚嘩!」一聲之後，李軍應聲倒地。
好喇~
前面再無任何阻礙喇~
你可以乖乖受死喇~李飛揚!
「飛揚...快逃...」瞓左喺地上既李軍，向我面前既李飛揚發出警告。
但睇黎李飛揚已經嚇到唔識逃走。
「飛...揚...快逃...快逃...」瞓左喺地上既李軍，繼續向李飛揚發出警告。
我雙眼定喺李飛揚眼中...一步一步行過去...
「飛揚...別呆著...快逃...」瞓左喺地上既李軍，再次向李飛揚發出警告。
李飛揚仲係毫無反應，我已經一步一步咁行到去佢面前...
我伸出右手，緊握住李飛揚條頸，將佢整個人壓喺地上!
左手向後拉弓，五隻手指筆直咁指向李飛揚，指尖發出耀眼既紅光，形成一把Saber!
『我以SPIRIT屯門領域統治者之名，處決眼前既大魔頭－李飛揚!』我以王者姿態向李飛揚展開行刑儀式!
我用左手手指既Saber對住李飛揚既眉心刺落去!
“吱”一聲後，眼前變得漆黑一片...
發生咩事?
做咩乜都睇唔到?
『阿月...阿月!』我想用聲音呼喚阿月，但我已經失去說話能力...
我而家又去左邊道?
喺漆黑既空間之中，我只可以將注意力集中喺前面...
我見到眼前有一點光...
有一點白白地...藍藍地既光...
光點越黎越大...開始擴散開去...
『嘩…』刺眼既強光衝左埋黎...
藍白色既光茫開始散開...
眼前開始有影像慢慢咁出現...
喺淡淡藍色既空間中，我好似見到...阿月...
我係返返去INTRUDER裏面?定係返返黎現實世界?
一時之間，我真係分唔到係現實定係虛擬...
人生存喺虛幻既世界耐左，真係好難可以抽返個身出黎...
我嘗試觀察下四周...
藍色既空間係因為LCL既關係...
我仲係赤裸裸...
呢道係現實世界...
“吱”一聲響，LCL開始向外排出...
我開始可以睇得清晰...
我開始可以清楚咁望到隔住喺壓縮空氣管外既阿月...
阿月佢面帶猶豫神色...
猶豫D乜野呢?
平日甚少猶豫既妳，而家又喺到猶豫梗D乜呢?
“颼”...壓縮空氣管亦都解除，我赤裸裸咁行到壓縮空氣通道上面...
殘留喺身體上面既LCL變成藍色粒子，飄到空間中。
我行到阿月面前，冷眼望一望佢:『頭先發生左咩事?點解會突然終斷左連接?』
「技術性問題...」阿月拎左D衫俾我...
『係咩?定抑或係妳擔心我會殺死妳深愛既李飛揚?』我一邊著返D衫，一邊質問阿月。
「點會呢...」阿月冷冷淡淡答左我一句。
『係丫?咁好喇...休息一陣去作戰會議室集合。我想討論一下岩岩既行動...』著好衫之後，我無等阿月既回答就行左出主腦室。
呢個阿月...最叻就係隱瞞...
妳估我唔知妳諗梗乜?
妳就係怕我真係會處決嗰個李飛揚，妳先會喺最關鍵既時刻終斷我同機械人既連接。
但妳估我真係傻架咩?
妳真係覺得我既憤怒之心大到乜都唔記得晒?
我係好想殺左佢...
但唔可以...
就算再憤怒，我都唔會忘記李飛揚係幾咁重要...
唔可以俾李飛揚死得咁容易...
點死都唔可以...
“滴滴滴滴滴滴”喺自己既沖涼房入面...
『阿風、天欣，三十分鐘後到作戰會議室集合。』我一邊用思緒同阿風、天欣聯絡，一邊沖涼。
仲係有嗰陣味…
阿月既香味...
好唔習慣...
LCL存在住阿月既香味…
喺LCL入面浸得太耐，搞到全身都係阿月既香味...
沖左咁耐都仲係洗唔走…
好唔習慣呀!
沖左三十幾分鐘，沖到D皮都就黎爛，終於沖走左少少阿月既體香...
趕快換好快，衝去作戰會議室!
急急腳咁走去作戰會議室，一入到去就已經見到阿月、阿風同天欣坐定定。
阿風雙手放到頭後:「乜咁遲架?又話三十分鐘...我地等左你成十分鐘喇!」
『有D野做丫嘛…』唔係因為阿月...
天欣靠近我身，索左兩索:「阿日...你個身上好似有...」
『乜都無...係時候開始討論下岩岩既行動...』討論正經野梗要...
「頭先有件好奇怪既事發生左...」阿月已經急不及待立即回報...
估唔到阿月咁主動...
我仲以為佢會問一句，答一句...
「喺我未入侵A.I.S.C.P.S.之前，就已經有人入侵左A.I.S.C.P.S....」阿月既雙眼充滿困惑...
咩意思?
阿風搶住問:「妳係話有人亦都入侵左A.I.S.C.P.S.?無可能!」
阿風好似好緊張咁...
阿月接住答:「係丫，我都覺得無可能，但事實就係咁...喺我未入侵之前，A.I.S.C.P.S就已經被人鎖住左....」
嗯~我都係唔明架~
唔緊要丫~
呢Part唔明都唔係好緊要~
反正都唔係好關我事~
阿風繼續問:「咁知唔知係咩人所為?」
阿月又接住答:「唔知…」
阿風又接住講:「連妳都唔知?咁就真係難搞...」
嗱~呢句我就明喇~
如果連阿月都話唔知係咩人做，咁就真係難搞喇~
阿月已經係接近無所不知既神一樣，如果連阿月都唔知，咁就真係得神先知喇~
天欣突然加入對話:「咁妳有無嘗試過追查入侵來源?」
阿月立即回答:「有試過，但...我都未勾得實，佢就甩到無影無蹤...」
天欣眼都大埋:「連妳都勾佢唔到...邊有可能...」
阿風接住講:「邊有可能...世上真係有一種科技會比INTRUDER先進?」
阿月接住講:「有~EVE系統囉...MINDER囉...」
阿風接住講:「EVE唔會對外面有興趣...唔通MINDER怕A.I.S.C.P.S.會對佢有威脅?!」
阿月接住講:「唔會。假如MINDER推算到A.I.S.C.P.S.對佢有威脅，佢都唔會選擇以入侵既方法去應對...佢會...直接殺死A.I.S.C.P.S.!」
阿風接住講:「咁唔同係MINDER已經解除左封印?」
阿月接住講:「更加無可能...要解除封印，就要鑰匙...但鑰匙喺我地手中...」
我接住講:『無錯，仲要一直放喺一個好安全既地方。無我同阿月一齊去開，無人可以拎得到鑰匙出黎。』
呢個我可以參與討論啦~
因為我同阿月就係鑰匙既關鍵，至少都要有阿月~
如果我真係有乜不測，都仲有阿月可以繼續執行...
呢個設定早喺我同阿月出世前已經Set好...
係上幾代人既精心計劃...
早喺死海文書裏面發現有關AI設計藍圖同審判程序初型既同時，佢地就計劃好要製造出一個雙AI系統。
呢個雙AI系統表面上有一個跟隨Three Laws of Robotics既正統AI運作，背後就封存住一個執行審判程序既AI。
而呢個被封存既AI係需要利用鑰匙先可以打開...
呢條鑰匙一直都係由SPIRIT裏面三位領域既統治者輪流保管。
直至到SPIRIT分裂...
其餘兩個領域既統治者對死海文書再無任何興趣之時，我老豆就將鑰匙收起...
老豆因為怕會有更多人心存唔同意見，更有可能會有人想奪走鑰匙，所以就同阿風既老豆設計出呢個安全地方...
所以點解我會話阿月係整個審判程序既關鍵呢~
不過講起黎又夠諷刺...
一直擔心會有更多人心存異心既人，結果到左最後自己都心存異心。
阿風諗左一諗:「唔係EVE唔係MINDER…世上真仲有更強既AI系統咩?」
阿月又諗左一諗:「真係天知道...除左AI外...我相信亦都同我一樣，係要有人同AI系統同步先可以咁有效率...」
天欣接住講:「要有人好似妳咁樣同AI系統同步?呢點更加無可能...要同防禦者RU同步已經難，要同AI系統同步就更加係萬中無一…」
要同AI系統同步好難咩?
我都同步到啦~
只不過係要阿月協助咋嘛~
阿風接住講:「除左阿月之外，世上真係仲有一個萬中無一既人嘛?」
大家都靜左落黎...
好似真係唔相信呢個世上有人可以好似阿月咁厲害。
的確，我都得得阿月好厲害...
而我仲覺得，如果世上多一個好似阿月咁既人存在，世界已經會被毀滅...
無錯，世界係被毀滅...
因為我一直都唔認為阿月既能力係來自天堂...
係來自地獄...
神人一般既阿月係來自地獄...
所以點解我一直都好擔心佢，好留意佢就係咁解...
一個關鍵既人物，同時係最危險既人物...
真係麻鬼煩...
阿月諗左一諗:「點都好啦，睇黎以後都要小心D...」
天欣接住講:「無錯，我地唔知道對方係朋友定係敵人...」
阿風望一望我:「駛唔駛搵一搵阿賢派隊人出去查一查?」
『唔得...咁樣會打草驚蛇…』我擰一擰頭。
阿月接住講:「無錯...我地唔知道對方係唔係已經盯住左我地...」
『始終我地都係受注目既一群...』我望一望在坐三位...
三位都點一點頭...
無錯喇，呢點我地已經好清楚...
其實我地既一舉一動都好危險...
我地實在太受注目，動作大D都會被人發現...
萬一被人發現，喺地獄執行梗任務既行者就相當危險...
而且更會打亂我地既計劃...
我地既計劃已經夠亂...
唔可以再有任何差池...
阿月諗左一諗:「以後如果我要連接地獄既話，除左要小心MINDER，仲要留意有無第三方介入...阿風，今日打後既時間再夾一夾點樣加強INTRUDER既防禦力。」
阿風點一點頭:「OK~除左對外連接...天欣，對Sacred-Armor有無D乜疑問?」
天欣諗左一諗:「基本上都無乜大問題。係安全方面...真係唔會俾EVE視為敵對目標?」
阿風好肯定咁望住天欣:「一定唔會。安全系統方面係採用防禦者RU既安全系統模組，所以唔會出現意外情況。」
天欣點一點頭:「嗯...咁就仲差實測...你今晚之內可唔可以送十部Sacred-Armor過黎俾我?」
阿風點一點頭:「當然可以~喺我去幫阿月加強INTRUDER既防禦力之前，我生產定十部Sacred-Armor俾妳...今晚2200之前一定送到~」
天欣點一點頭:「咁就好喇~喺呢段時間，我可以瞓陣先~」
阿風冷眼望一望天欣:「妳竟然走去瞓?!」
天欣笑笑口:「我已經好攰喇~瞓醒仲要幫Sacred-Armor做實測丫~」
阿月望一望我:「咁哥哥仲有無野要討論?」
我諗左一諗:『無喇...大家爭取時間。散會...』
阿月、阿風同天欣都起身離開作戰會議室，去執行佢地既工作。
而我就繼續坐喺道...
今次既任務總算順利嘛?
我諗都可以叫做算得上順利...
我相信經過呢次事件，藍志勇佢地會放棄由全AI控制既機械人，改用以穿著式既智能裝甲。
問題只係在於第三方入侵...
本來呢個問題我係唔需要理會，因為阿月會處理。
但正正就係因為阿月會處理，我又唔可以完全放心交俾佢...
萬一阿月有乜野想隱瞞，我地根本無辦法得知...
我就話我根本就唔相信阿月...
只不過係我又無佢辦法...
仲有D乜呢?
仲有D乜係我地忽略左架呢?
硬係好似有D野係唔記得搞清楚...
搞清楚...
呀!係喇!
都唔記得左質問阿月係唔係因為見到我就黎插中嗰個李飛揚，而全心終斷連接添!
點解我會咁都唔記得架?!
蝕左丫...
真係蝕到入肉喇!
TO BE CONTINUED