《香港革命戰》(上): [23-背後陰謀] PART 4
『嗄…嗄...』抖返順條氣...
“吵...吵...吵...”喺旋花科類植物上一步一步咁行...
係時候繼續上路...
“咔”坐上Aston Martin既駕駛座位...扣上五點式安全帶...
撳落刻有Aston Martin logo既Engine Starter後...
“吼...吼...”
我要上去陳星間木屋道，睇下佢仲有D乜野搞梗!
“依...”一下後輪咬地聲，Aston Martin沿住破舊既山路向上行駛。
轉過幾個彎...又轉過幾個彎...
好快就上到黎山上...
“依...”我望一望山頂既盡頭，一張圓木檯，幾張圓木凳...
仲可以望到黑黑灰灰既誡律之牆…
陳星，你一定係時不時都會坐喺呢道，望住我地...睇住我地...
睇住我地有幾焦急...
睇住我地有幾手忙腳亂...
睇住我地有幾不知所措...
你自己就喺山上面，盡情研究道德倫亡既實驗!
“沙沙沙沙”我一步一步行去木屋...
“咔...依...”輕輕力推開木門...木門無上鎖...
但睇黎陳星仲未返到黎...
“咯...咯...咯...”一步一步行入木製地板...
成間木屋係用木造…
木牆身...木檯...木凳...木櫃...木擺設...
見到既大部分都係木造...
仲有古代既玻璃燈泡...
不過木屋本身就有好多窗，室內與室外打成一片，所以都唔雖要開燈，室內都已經夠晒光猛...
我再行到去矮身既木櫃邊...
櫃面擺方左幾個木製相架...
相架裏面…
係我同老豆既合照?!
拎起手再望真D...
係我七歲時，綽姿幫我同老豆影既合照...
嗰陣時係綽姿岩岩鍾意影相，就搵左我同老豆黎影...
望住相裏面既人，笑得幾咁燦爛...
快樂既時光，真係有過咩?
望住一張又一張，同老豆既合照...
我唔知道...
我唔知道，當時係唔係可以叫得上係快樂...
我只係知道，喺我既記憶中，從來都無記錄過...
我同老豆之間，好似就只有...爭辯...
我好似從來都無快樂既童年一樣...
童年...
喺我未開始懂事之前，首先就要懂得做一個行者...
細細個就一直接受訓練...老豆俾我既艱辛訓練...
目的就只有一個，就係要成為預行者，拯救地獄裏面既奴隸...
一直以黎，我都好努力...我已經好努力...但老豆都仲係話未夠!
就算我點去努力，老豆都係話我距離目標仲有好遠好遠...
直到SPIRIT分裂...直到老豆話要放棄審判程序...
我由細到大，辛辛苦苦修練返黎既成果，就好白費一樣...
白費一樣...
唔係我做得唔好...唔係我做唔到...
唔係…唔係…唔係!
“咔”一聲響，喺我背後傳過黎...
係開門聲!
我一個轉身，體內既精神液開始產生作用!
眼前既景象好似定左格咁...
時間好似快要停頓...
我見到道木門慢慢咁打開...好慢咁打開梗...
我一邊跑向木門，一邊拔出匕首!
“嗡”銀光閃閃既匕首貼到埋一個人既頸前...
呢一個滿頭白髮...梳左個All Back髮型...著住件白色外套...白色長褲既男人－陳星！
「黎左喇?」陳星面帶和藹可親既笑容望住我。
『你究竟做左D乜野好事?!』我用力壓一壓陳星埋木門道。
“嗡”一聲響...
「仲用梗我幫你整既匕首喎~」我手上既匕首突然就去到陳星手中...
發生左乜野事...我把匕首...俾陳星奪去...
會唔會太過快喇?
我...我仲一直Keep住發揮梗精神液...但頭先...
我完全察覺唔到陳星既奪刀動作...
「銀光閃閃~鋒利無比~仲Keep得好好呢~」陳星摸一摸下我把匕首，向我發出友善既微笑...
可...可惡...
「食左野未丫?睇你都應該未食架喇~煮個麵俾你~坐~」陳星交返把匕首俾我之後，一邊行入去開放式廚房，一邊示意我可以隨便坐。
『我唔肚餓...』我收返好把匕首，坐到喺四方木檯前...
「你餓既~只係精神液令你無左肚餓既感覺~但你都要食野架~唔食野唔長肉架~」陳星流左D水落個煲道，點著左個火...
陳星好似好了解我咁...
但點會知我有注射精神液既習慣?
「睇你個樣都知啦...你面色蒼白左好多丫...仲有D頭髮...就快白過我喇...」陳星望一望我之後，喺個雪櫃裏面拎左隻蛋出黎...
我個樣...係既...我受精神液影響下，面無紅色...真係好似隻鬼咁...
「唔好再打精神液喇…」陳星一邊煮野食，一邊講...
『唔靠精神液...完成唔到審判程序...』我要出去地獄就會好危險...
「你打左精神液都唔見得特別好打~」陳星好專心咁煮。
『我知我係唔夠你打丫!我喺你眼中，根本就係廢物!根本出生就係浪費!』你以前都成日咁話我架啦!
「唔係…我都唔係咁既意思~你冷靜D先~我只係想叫你...放棄審判程序啦~」陳星擰一擰頭。
『你會半途而廢...但我唔會!』就算係點，我都一定會堅持到最後!唔會俾你睇死架!
「何必要免強自己呢?」陳星擰一擰頭。
『我無免強自己!我無!我要完成你完成唔到既事...你認為無可能既事!』我要證明俾你睇，你係錯架!你一直都係錯...所有野都係錯!
陳星無作出回應...
灰灰白白既油煙同蒸氣慢慢咁飄出氣窗外...
成個空間好似好靜...
就連煮野食既聲都好似好溫和...
整個空間都好似好平靜...氣氛都好似好平靜...一切都好似好平靜...
總有一份安穩既感覺...
真係好奇怪...
一直有注射開精神液既我，應該對所有野都特別敏感...
危機意識特別強…
有D乜野風吹草動，我都可以第一時間...甚至更快既時間感覺得到...
但而家...
面對面前呢個罪人...同陳星身處喺同一個空間，應該係氣氛緊張先係...
但點解...
「試下我D廚藝~」陳星拎住個大碗，放到木檯上。
我望一望個大碗裏面...
有蛋...有午餐肉...
『餐蛋麵?!』我疑惑咁望住碗香噴噴既餐蛋麵...
「係丫~山上無乜野物資架咋~就算出去買返黎，深井都係得呢D~唔駛驚喎~無毒架喎~」陳星向我展露親切既笑容...
鬼怕你落毒害我呀?
點毒都唔會毒得過我身上既精神液啦!
我拎起筷子，大啖大啖咁食左兩啖...
呢種味道...
係兒時嗰種味道...
我既左眼不禁流出淚水來...
「你細細個最鍾意就係食餐蛋麵~成日都扭我煮俾你食~」陳星微微一笑…
『唔好提以前既事!』我唔想聽!我亦唔想記返起!
陳星真係無再講落去...
“吱吱喳喳”成間屋都好靜，靜都就只有屋外既雀仔聲。
我繼續食碗餐蛋麵...
我開始有肚餓既感覺...
而且仲係非常肚餓...
好彩而家有野落肚，唔係既話，分分鍾真係餓到暈左都唔知...
睇黎以後都唔可以等到肚餓先黎食野...
不過精神液既副作用真係大...
可以直接影響到對肚餓既判斷...
我諗仲應該唔止...唔止咁簡單...
可能仲有好多感觀都有受影響...
只係我仲未察覺...
如果係一點致命既...咁就大件事...
分分鍾死左都唔知咩事...
「阿月佢幾好嘛?」陳星一面慈父樣咁望住我...
『佢好好...多得我救返佢返黎先可以有咁好...』你都好意思問既...
當日你仲話唔好救佢...放棄佢...
如果真係好似你咁講既話，阿月死左喇!
「係丫?你仲係覺得我當年既決定係錯?」陳星一直保持住慈父既微笑...
『難道會係岩嘛?你明知你個親生女有危險，你都唔派人去救佢，仲話要放棄佢，由得佢死丫!咁都叫無錯?』我咬住塊午餐肉指責陳星。
「你又知我既決定有錯?」陳星仍然保持住慈父既微笑...
『咁都唔叫錯呀?規條第三條:愛護兒女呀!』我咬住D麵指責陳星。
「你又點知我唔愛護我既兒女丫?你又點阿月喺地獄一定係唔好丫?」陳星仍然保持住慈父既微笑...
『當時阿月俾解放軍同國安局既人識破左丫!我唔救佢返黎，佢死硬架!』我再一邊咬住隻蛋，一邊講。
「你又點知唔救阿月返黎既話，佢一定會死呢?難道死海文書有咁記載過?」陳星攤開兩手…
『我!我...』我的確唔可以肯定...但...『可能性好高囉...』
「咁則係唔係死海文書所記載架喇~咁則係唔可以百分之百肯定喇~」陳星擰一擰頭。
『我係唔可以肯定...但你夠唔可以肯定咯!唔通死海文書又有記載過要留阿月喺地獄裏面咩?』我食完個麵，飲埋碗湯...
「我知道既野，一定俾你多…關於死海文書...」陳星合埋雙眼，點一點頭...
『你究竟知道D乜野...』係時候入正題...
「比你知道既多…」陳星對住我慈祥咁笑一笑…
『死海文書…究竟記載左D乜野?』我緊緊盯住陳星。
「記載住故事既發展。」陳星再帶住微笑點點頭...
『之後既發展會係點?』我握緊拳頭...
「之後你就會知道。」陳星再合埋雙眼，點一點頭...
“啪”一聲響，我一拳就打左落張木檯上!
『你少黎呢套!唔好再同我玩猜迷!我無咁多時間!你快D同我老老實實咁講清講楚!究竟死海文書要我地點做?』我無時間喇...我無咁多時間再估估下喇!
「冷靜D~你咁燥都無用架~況且...我講你會信咩?就好似我話要放棄阿月咁，你有聽咩?假如我話放棄阿月係死海文書既一部份，你會跟住做咩?」陳星再帶住微笑望住我...
『而家我都係救左阿月返黎，阿月仲好地地咁喺結界範圍內生活!咁就證明你所講既野，唔係死海文書既一部份!除非死海文書係錯!』我指住陳星!
「我係話，放棄阿月係死海文書既一部份，無話你救佢返黎，唔係之後嗰部份喎~」陳星捉一捉住我隻手，放到木檯上...
『我...』係喎...的確係喎...
「所有野都係跟住死海文書既發展~一直都係~我選擇放棄阿月又好~你救阿月返黎又好~直到你而家坐喺我面前，俾我捉住你隻手都好...所有野都係跟住死海文書發展...我就話...我地一定會再見面~我既乖仔~」陳星摸一摸我隻手...
我立刻縮開隻手...
我...我唔可以肯定陳星所講既野係岩...
但...一直深信死海文書既我，唔可以反對呢個可能性...
所以...
『話我知...之後跟住會係點?』我打量一下陳星...
「你無必要知道~」陳星帶住微笑擰擰頭...
『我有必要知道!我要跟住死海文書既方向去做!』我怒視住陳星!
「你真係會跟住死海文書既方向去做嘛?咁假如我話培植人係必然架呢?假如死海文書記載住你會幫我培植出培植人既話，你會幫我手嘛?」陳星保持住慈祥既微笑...
『無可能!培植人根本就唔仁道!違反天命!人係唔應該製造人!』我怒視住陳星，擰擰頭!
「我地人類一直都製造梗人...自從ADAM同EVE性交，被上帝逐出伊甸園之後...我地一直都有製造人...」陳星指一指住我...
『我...』無錯...我...我地每個人都係...
我地唔係由上帝手中製造出黎...每一個人都唔係...
『但都唔應該用培植既方法!』用培植人做實驗，實在係太殘忍喇!
「唔用培植人，唔通用真人?咁樣唔係更殘忍咩?」陳星仍然保持住慈祥既微笑...
呢句話簡直係喪盡天良!
真係虧你仲講得出口!
『你究竟研究出D乜野出黎?有關LILITH...你培植出培植人出黎，目的都係研究點樣另LILITH再生...講俾我聽...你研究到D乜出黎...快D講!』喪盡天良最終目的都係為左咁姐...
「唔只…唔只LILITH~我仲研究出更多~比你想像中更多更多~」陳星擰一擰頭…
比我想像中更多...
「我仲研究出EVE...」陳星點一點頭...
EVE?!
係LILITH同EVE之間既關係?!
『無可能...無可能...EVE同LILITH...你無可能可以喺呢一個乜都無既山頭上，研究到架!』我唔相信...我無可以相信!
「喺人類仲係原始人既階段既時候，唔會明白點樣產生出電力。」陳星微微一笑…
原始人...我地係原始人...
『你研究出D乜?快D講我聽!』只要知道LILITH同EVE之間既微妙關係，我地就唔怕會俾ADAM吞噬!
「仲未係時候...仲未係時候~你要知道，死海文書所記載既未來科技，係幾咁複雜...幾咁長遠~而家我所知既，都只係皮毛~仲要好長既時間研究...研究死海文書...」陳星點一點頭...
『死海文書裏面仲講左D乜?快D話我聽!我要知!我要知未來係點!』我要掌握未來...我要...我要!
「俾你知道你又會點?跟住佢做?定係改變佢?假如對你黎講係有利既話，你會跟住佢黎做。但...不利既話...甚至話你會死呢?」陳星向我微微一笑…
『我...我會阻止呢件事發生...當我掌握到未來...我唔會俾未來發生...』任何人都唔會俾不利既未來發生...
「假如真係俾你阻止到，死海文書打後既劇情咪會全部都唔再可以實現?咁你而家明唔明白，點解我到在而家，都唔話俾你聽死海文書既內容係乜呢?」陳星傲視住我...
你咁講法...
即係話就算你知道未來係黑暗...
只要係死海文書所記載既...
你都一定會跟住佢既內容黎實行?
你當你自己係邊個呀?陳星...
你真係當自己係神呀?
你...你只不過...你只不過係...
『你只不過係人!』我怒視住陳星，指住佢個頭大嗌出口!
「憤怒會令你失去自己...」陳星傲視住我...
『傲慢會令你失去一切!』傲慢...任何時候既你都係咁傲慢!
總係覺得全世界都喺你掌握之中!
總係覺得喺呢個世界上，無人會比得上你!
你就係一個咁既人!
一個狂妄自大既人!
「你都係時候要返去架喇...我既乖仔...我唔送你喇...我地遲D先再見啦...」陳星向我微笑點點頭後，起身轉身行左上樓...
遲D再見...遲D再見...
好丫!遲D等我審判左地獄之後，我一定會上黎搵你!證明俾你睇你所做既野、所講既野、所諗既野全部都係錯!
TO BE CONTINUED