自掘墳墓: 外傳：Ocean

另一邊廂。

Ocean的病房。

「冇可能！我絕對唔會就範！你班政府，害死地底所有人，同埋小儀！我一定會告發你地！為左所有人嘅尊嚴同犧牲！」

醒來後，Ocean便遇上西裝政府人員。

一樣的邀請，一樣的談判。





不同的結果。

「哎呀，你聽我勸啦，我用心良苦呀，為你未來好呀。」

這次，他的語氣像是講經一樣。

「人面獸心！我唔會俾你地得逞！我就唔信你班賤人會有好下場。」

堅持、相信，總是好事。





但沒人能保證，做好事就會有好結果。

「馬世海先生，你應該好好聽下我講，了解下咩叫識時務。我明白青春嘅愛情好重要、好美麗，我對你地嘅分離都感到極度遺憾同傷心，但唔好為左佢放棄大好前程同整個森林呀。」

極度可惡的語氣。

Ocean恨不得打死他。

然而，左腳廢掉，背部的傷勢也不輕。





「你冇資格提小儀！如果唔係你地……我同佢仲可以享受一齊嘅時光……」

Ocean極少流淚。

大概，只有少數人、少數事情，能牽動他的淚腔。

「真係好傷心，請你盡情喊啦，但過去就係過去，何必執著是非責任呢？簽左份協議，以後收埋心裡面，最好就忘記成件事，繼續正常生活。」

「唔得，我應承過佢，出去之後一定要告發你地班賤人！相信塔隆一定都咁諗！你等坐監啦！」

接著，Ocean向西裝男的臉上吐了口口水。

「唔，有骨氣，但令我太難做啦。真係冇得傾？我已經好友善啦，哈哈。」他抹了臉上的口水。

偽善，可以叫作友善嗎？





所謂的談判，所謂的條件，其實只不過是美化的詞語。

然而，剛才已是最後的機會。

「你食屎啦！冇得傾！你地永遠唔會明白，生命同感情嘅可貴！」Ocean怒目盯著他。

「只可惜，你嘅朋友琴日都已經簽左保密協議。」

「咩話？塔隆？」

「佢係一個聰明嘅人，多聆聽多思考，唔會講無聊嘅廢話。你好應該效法下你朋友。」那人的語氣既是嚴肅，又是諷刺。

「冇，冇可能。」Ocean說。





「事實就係咁呀，佢收左支票，後日就會同記者交代我地安排嘅故事。佢仲分享全部關於古墓嘢俾我地聽，幫左我地好多。」

「你一定有威脅佢……」Ocean死纏爛打。

「呢層……唔算有，遊說兩句，佢就已經答應。」

「塔隆你……」Ocean心中懷恨。

發自內心的失望。

為了苟活，竟與敵人達成共識。

將良心埋進墳墓裡。

「咁……咁……」





「太遲啦。哈哈。」那政府人員將文件塞進公事包裡，然後提出一支空氣針。

打在身上，就會致命。

「你咩意思……」Ocean嚇得面色發白。

「早少少聽我講咪好囉，而家就算你應承，我都好難相信你會遵守落去。既然係咁……冇辦法啦。呢個世界，總係有人要自掘墳墓。」

「我就唔信，呢度香港嚟架，殺人好大件事架！救命呀！！」Ocean大叫。

「唔會有人聽到架啦。」西裝男捉住Ocean的身軀：「我唔一早滅你地兩個口，係因為收買醫院要嘅錢太多，加上要攞古墓嘅情報。」

「乜嘢收買，我唔知你講乜！」





「咁都唔明？可悲呀，哈哈哈哈，去死啦！」

即使Ocean不斷掙扎，空氣針依然打進Ocean的手臂上。

良久，Ocean失去掙脫的力量，雙手垂下。

「呼！」終於完結了，西裝男鬆一口大氣：「唉，始終都係要出錢收買醫院嘅人。不過，冇辦法啦，至少從周達隆口中得到唔錯嘅資訊。」

收起針筒，那人速速離開病房，留下躺在病床上一動不動的Ocean。