同一般既大會堂差唔多, 邵逸夫堂入面既冷氣都係凍到仆街。 

「你讀咩系家?」保安嬸嬸問。 

大鑊, 乜商科仲有分系既咩? 

我心諗, 人多既話收靚應該都易啲, 於是答:「最多人果個系啦。」 

「咁即係BBA啦!」 



「BBA?! 好呀, 我本人好鐘意果首歌就係叫 I Love BBA。」 

「咁你係邊個書院家?」保安嬸嬸又問。 

咁撚煩家,又書院又學系.... 

「邊個書院啲人最似黑社會吖?」我隨口問 

保安嬸嬸反問道:「逸夫書院件camp tee 係黑色既算唔算吖?」



喺保安嬸嬸既安排之下, 我坐左係一班著黑衫既小朋友中間。 


啲女仔一見到我, 即時好興奮咁交頭接耳起來。 

講真, 其實我都只係廿歲出頭, 但唔知點解坐係呢班吱吱喳喳既o靚仔o靚妹隔離, 我硬係覺得自己好撚老。 

坐低無幾耐,台上既司儀就開始講野:「好歡迎各位新生出席今次既入學講座, 依家有請商學院院長黃教授為我地致詞。」 

原本我都幾好奇呢啲大學教授會講啲咩來歡迎我, 但當佢發出毫無抑揚頓挫既唸經聲之後, 我聽唔夠兩句又訓著左。 



正當我綺夢初起之際, 我感覺到自己挨左落一個女仔既膊頭度。 

點解我咁肯定係女仔? 好簡單, 因為係我從來未試過喺一個男人既身上聞到呢陣髮香。 

我將對眼打開左一條細縫。 

出現喺眼前既係一對起伏不定既山峰。 

唔, 睇來唔單止係女仔, 仲要係一個處於激動狀態既女仔。 

換轉平時搭巴士果陣, 如果我唔小心挨左落隔離位,係女人既話唔夠一秒就會將個膊頭變做電動牙刷咁將我轉開。 

係男人既話仲衰, 佢地大多數會卸一卸膊, 然後極速撞番上來重創我個大陽穴。 

但今時今日, 我無俾人撞開不特止, 仲要搞到俾我挨住既女仔咁鬼high。 



呢一刻, 我深切感受到「你的相貌如何, 你的人生也必如何」既真諦。

「乞嚏!」 


個女仔應該忍左呢個乞嚏好耐, 因為佢一打出來,我整個人就撞左落前面既椅背度。 

「Sorry呀, 你無事吖嘛?」個女仔緊張道。 

「我仆..」. 

一望到個女仔既樣, 我即刻成個人呆左。 

清澈明亮既眼眸,白滑無暇既嫩膚。 



最令人心動既,係佢臉上果兩舊充滿住青春活力既蘋果肌,令人有一種初戀無限Touch既感覺。 

「我仆…親者。」 

俾我眼甘甘咁望住, 個女仔尷尬笑道:「做咩呀, 仆到傻左呀?」 

佢一笑,即時露出一排整齊潔白既細齒。 

對於一個古惑仔來講, 一個天真無邪既笑容, 足夠令我如沐春風。 

「妳點解唔叫醒我呢?」我卒住額頭, 扮哂痛咁問。 

「我見你訓得咁lum, 又流哂口水咁, 咪唔好意思叫醒你咯。」 

我見到佢既膊頭俾我啲口水整到濕左一噠, 便道:「哎呀, 整濕哂你添……呀, 唔係, 我唔係咁既意思。」 



只聽佢笑道:「係呀, 你睇下, 我濕哂啦。」語氣當中只有純真, 不帶有半點淫邪。 

「妳係咪無拍過拖?」我衝口而出問道。 

正當我有啲後悔問得咁直接既時候, 佢竟然毫無戒心答道:「係呀, 我之前讀女校家, 所以到依家都唔係好識同男仔相處。」 

此時, 植入左我耳仔既通訊器突然傳來Eric既聲音: 

「目標鎖定, 條女未拍過拖, 好可能仲係處, 處女係黑市係天價。」 

唔係掛?! 我岩岩先對人有啲好感, 你條仆街就走出來搞局?!