[HiHi喇] 大佬叫我入大學收兵......: (10)

就喺飛機宣示完主權之後, 另一個染紅毛既大隻佬又帶領住一大班著白色衫既後生仔女步入會場。 

「豪鬼!」 

啪啪! 

「豪鬼!」 

啪啪! 





呢班人根本就係想同我地鬥大聲。 

緊接住, 又有兩班著紅衫同著藍衫既陣容，分別喺左右兩邊進場。 

「泥鯭!」 

啪啪! 

「大炮!」 





啪啪! 

四班人共聚一堂, 成個邵逸夫堂即時嘈到拆哂天。 

我心諗, 平時劈友都無依家咁大陣仗, 於是問采兒:「唔知飛機哥立過啲咩大功, 我地要咁尊敬佢呢？」 

采兒擰擰頭, 道:「組爸話O Camp要玩得開心, 我地就要祟拜佢咁喎。」 

「組爸又係咩撚…咩野來既呢？」我聽到頭都大埋。 





「就係企前面果個男仔喇，佢負責係呢三日兩夜照顧我地家，佢好好人家。」 

我順住佢指既方向前望, 只見一個長相成部計數機咁既四眼仔大模斯樣咁係度撩鼻屎。 

要我嗌一個咁既毒撚做呀爸?! 你不如閹撚左我算喇。 

「咁著住其他顏色衫既又係咩人來既呢?」我又問。 

「唔同顏色代表唔同書院吖嘛。紅色係祟基, 藍色係聯合, 白色係新亞。好似我地逸夫咁, 就係著黑色tee家啦。」 

「四個書院四個大佬？！咁同哈利波特有咩分別呀？！」 

「俾你一講又真係幾似喎。哈哈。」采兒忍唔住笑道。

正當我俾采兒天真瀾漫既笑容震撮住果陣, 飛機突然走左上台, 大聲道:「咁多位兄弟姊妹! 我地dem番個beat好無?」 





我都未開口問, 采兒就同我講:「跟住前面既人做動作就得家喇。」 

只見飛機雙手作鴨嘴狀, 然後嗌道: 「妙妙夾夾夾 …」 

「妙妙夾夾夾」 所有人又真係一路跟住佢做動作, 一路嗌呢句完全無任何意思既句子。 

「嘛嘛咪呀嘛嘛呀」飛機將手掌一開一合咁向上舉起。 

「嘛嘛咪呀嘛嘛呀」 周圍既人好似俾人洗左腦咁一味死跟, 唯獨是得我一個呆左咁企左係度。 

家下諗埋咒語添, 仲唔係邪教?! 

「嘩哈哈! 啲動作咁撚騎呢家!」Eric 狂笑道。 





「你又知?! 你睇緊家?!」 

「無, 條友嗌完我即時Soundhound左下, 點知真係俾我搵到條link, send俾你睇下啦。」 

好快, 我部電話震左一震, 就Eric send 左個whatapps 俾我。 

www.youtube.com/watch?v=Po1G5SCLD1A&feature=youtube_gdata_player (00:23) 

「原來個beat好耐歷史, 不過片入面既場地好似唔係邵逸夫堂…」Eric道 

「你send俾我把撚咩?! 我依家咪親歷其境咯!」好彩周圍既人都dem緊beat, 唔得閒留意我喺度自言自語。 

「純粹確認下者。」Eric答道。