[HiHi喇] 大佬叫我入大學收兵......: (12)

經此一役, 逸夫書院出左個又型又打得既組仔呢件事, 好快就係大學入面傳開左。 

而我身邊, 亦都多左好多狂蜂浪蝶。 

「我屋企樓下有色狼呀, 忽得你可唔可以陪我返屋企呀?」 

「忽得你踢完水樽一定好口渴喇. 不如飲啖水先啦。」 

「天氣咁熱, 我去買杯雪糕返來一齊食吖!」 





老實講, 除左返東莞, 我咁大個仔都未試過俾咁多條女圍住。 

但我無諗過既係, 原來俾咁多個發情既學生妹包圍, 個感覺係煩多過爽。 

不過對於佢地所獻既殷勤, 我全單照收, 因為Eric落左order, 要我拉哂呢班女下海, 

反而釆兒喺我成名之後, 就再無同我講過一句說話。 

每次當我望住佢既時候, 佢都會刻意避開我既目光。 





我撩佢講野, 佢都會借啲咦急急腳行開。 

雖然采兒既冷淡多少令我有啲失落, 但係重任在身, 呢啲少女既情懷我唔理得咁多。 

完左入學講座之後, 下一個環節就係聽組爸媽講解reg 科, 內容大多數都係圍繞住邊一科最易合格, 邊一個教授最仆街等等。 

雖然每個同學仔都聽到聚精薈神, 但我對呢part真係一啲興趣都無, 

等到毒撚組爸講哂所有「reg科秘技」既時候, 個天己經全部黑哂。 





「好喇, 依家等我帶你地去玩全個O camp最驚嚇既活動啦。」毒撚組爸fing住鼻涕咁講。 

「咩活動來家?」采兒興奮問道。 

「哈哈, 就係…勇闖鬼門關!」


係毒撚組爸帶領之下, 我地來到逸夫書院既一條馬路前面。 

「山長水遠行過來睇路？!」我不滿道。 

「係咯, 有無搞錯呀!」 

「無病呀嘛!」 





啲女fans為左討好我, 紛紛和應道。 

「稍安勿燥呀忽得哥。」毒撚組爸好明顯都怕我三分, 連忙解釋道: 「其實呢條環迥路路大有來頭家。」 

「好! 就聽下你講啲咩!」我盤膝坐左係馬路上面。 

如是者, 大家都跟住我坐哂喺地上面, 聽毒撚組爸用梁思浩把怪談聲講鬼故。

「呢條路, 其實仲有一個更為人熟悉既名字, 叫做「一條辮子路」。 

相傳係好多年前, 內地興起左一股偷渡來港潮。 

根據當時既「抵壘政策」, 無論你係咩籍貫, 只要成功到達香港搵到親人或者朋友, 你就可以擁有永久居留權。 

於是, 呢班從內地來既偷渡客無所不用其極, 既攀山, 又涉水, 務求扭盡六壬逃過入境處既目光。 





而係果陣時, 有個後生女選擇左喱埋喺火車既車底, 諗住可以神不知鬼不覺咁偷運入港。 

但當架火車駛到大學站既時候, 月台上面竟然出現左一大班警察要查車。 

個女仔急起上來, 即時跳左落車。 

點不知個女仔紮住果條長辮, 就喺佢跳車既時候撮左係火車碌中間。 

火車一開, 佢個頭就監生俾部火車成個扯甩左…... 

自從發生左呢件慘劇之後, 鄰近火車站既中大就成日傳出鬧鬼既傳聞。 

據說, 有個讀醫科既學生, 因為溫書溫夜左, 於是乎就一個人經呢條環迥路行落山搭火車。 





行到半路既時候, 前方突然出現一個著白色裙, 紮住長辮既女仔。 

佢心諗, 呢條路咁陰森, 搵個人陪住來行都好, 於是就加快腳步趕上去。 

無幾耐, 佢就追過左個女仔。 

但當佢回頸望果陣, 佢發現個白衣女仔前後個樣都係一條辮…… 

聽到呢度,有個組仔突然問:「你唔俾個女仔聽到後面有腳步聲, 咁岩都擰轉左個頭家?」 

「講故唔好駁故啦! 起埋個女仔底好無! 咁既人都俾你入到中大!」我窒返佢轉頭。 

俾我既氣勢一震, 個組仔都唔好意思再出聲。 

毒撚組爸尷尬道:「故就講完啦,不如我地即刻開始個活動吖…」

「依家咁黑, 你唔係真係要我地逐個逐個喺條辮子路上面走番轉呀嘛, 我肯佢地都唔肯啦。」我指住啲組女道。 

「係咯, 係咯…」 

班組女好識做咁耍手擰頭。 

「咁我又唔會咁殘忍, 你地會分開成兩個一組, 然後逐組逐組咁出發去探險家。」毒撚組爸攞左個抽獎箱出來, 道:「入面每個乒乓波都寫住左一個女仔名, 邊個男仔抽到既話就會同果個女仔一組。」 

一男一女? 毒撚諗出來啲橋果然零舍窩心。 

「咁等我抽先啦。」我一手就伸左入個抽獎箱裡面。 

「睇下先…」雖然乒乓波上面寫住既名係李美儀, 但係我有理無理都係嗌道:「俾我抽中既係楊采兒!」 

其他組女即時發出失望既嘆氣聲。 

毒撚組爸氣急敗壞道:「無可能家喎, 我明明收埋左……你俾波我睇下!」 

「我話係就係啦!」趕係佢未搶到之前, 我一手就捏爆左個波。 

「好man呀!」組女們尖叫道。 

「咁我地出發先啦。」趁毒撚組爸未搞清楚狀況, 我拖起采兒隻手就跑左入環迥路。