[HiHi喇] 大佬叫我入大學收兵......: (25)

江湖上，幫派林立，風波不斷。 

聽啲前輩講, 雖然有咁多個派別, 但當中既皇者非「摧建幫」莫屬。 

不過仲有另外一股龐大既勢力, 能夠同「摧建幫」分庭抗禮。 

呢股勢力係由專做勒索買賣既「勒幫」， 以及專門去人地新屋痾爛屎搞事既「沾屎幫」合併而成。 

世人將之統稱為「勒幫沾屎」。 





而「藍翼幫」，算得上係近年來黑道上一支冒起得好快既新力軍，幫眾多以藍色既衫袖作記認。 

表面上，「藍翼幫」係由一班街童圍威喂所組成，但事實上佢地係屬於「摧建幫」既Young Line，專打年青人市場, 所以幫會最高既話事人，都係坤哥。 

計一計數，呢班靚仔既階級仲要低過我好多。 

眼見其中一個街童把刀就來拮到我果陣，我及時舉起龍玉大聲喝道：「藍翼在此！」 

班街童即時下意識跪低道：「何方妖怪敢放肆！」 





俾我挾制住既雷明燈見到我唔單止識幫會暗號，又有龍玉在手，態度即時540度轉變。 

「哦，原來自已友來既，一場誤會者，不如叫個和頭雞算數吖，好無呀？」 

我fing開佢隻手，不屑道：「你估呢件事俾坤哥知道左，係咪叫個雞就可以解決到吖喇？」 

一噠坤哥個朵，雷明燈即時淆到單膝跪地，道：「阻住大佬你溝女係我地唔岩。以後大佬有咩疑難即管吩咐，細路一定幫你拆掂佢。」 

「嗱，你話家。」 





我露出奸狡微笑既同時，身體突然又打左個冷震。

「發生咩事？」Eric透過耳機問。 

「關你撚事！ 」聽到呢條仆街把聲，我即時好撚燥。 

「你講咩話？！信唔信我即刻派隊人過去收你皮呀！」Eric恐嚇道。 

為左大局著想，我只好強忍怒氣道：「總言之我已經諗好左收o靚既大計，你叫坤哥聽朝開定壇接新人啦。」 

「係咩計劃？」 

「無必要同你解釋，唔該你快啲收線，我同你無咩好講。」 

「嘿，大家咁話啦，不過有樣唔好話我唔提你...」Eric冷笑一聲繼續道：「我地知道左條女仲未死，如果你又想出咩古惑既話，坤哥叫你要記得佢全名。」 





Do... 

我即時回頭望向地下。 

毒撚組爸唔知係咩時候消失左。 

唔好以為凡事都可以咁易過到骨... 

仆街毛人坤！ 




「明燈哥，條友成日自已同自已講野，仲要連坤哥都屌埋，是咪癲撚左？」一名街童問道。 





「你識咩呀，人地就係咁撚癲先上到位家，學野啦。」雷明燈刻意討好道。 

「唔使擦鞋啦，通通都同我企番起身。」 

一聽我咁講，街童們立即站起，垂手而立。 

「你地聽住...」我學哂坤哥咁負住手邊行邊講：「晏啲應該會有一班大學生衝過來幫我，你地要夾份同我做場戲昆鳩佢地...」 

「敢問大佬此舉用意何在呢？」雷明燈唔知係咪見我高級，講野都文皺皺起上來。 

「唔好大佬前大佬後，叫我忽得就得喇。」我唔耐煩道：「原因你地唔好理，只需要記得我地好似打撚到好慘烈咁，然後你地要好自然咁俾個位我挺身而出...」 

「是否真槍實彈咁打呢？」雷明燈又插嘴問道。 





「屌，唔係叫你地真係將把刀落來我度啊，不過同時又唔好打到好似小朋友齊打交咁撚假。總之你地自已用個屎腦拿揑下啦。」 

就係呢個時候，遠方有人大聲嗌：「忽得你頂住啊！救兵來啦！！」 

「各單位準備！」我吩咐道。

「 食屎啦你！ 」 雷明燈一腳踢左落我個袋果度。 

「 做戲者，咁撚大力做乜春呀你...！」 我神色痛苦道。 

「 唔好意思，入戲得濟。」 雷明燈哂冧道。 

「 屌！」 我一手搶左其中一個街童把刀，然後喺自已既眼角度割左一下。 

啲血即時爸爸聲咁湧出來。 





「 嘩，滿臉鮮血，睇起上來真係好慘烈咁喎。」 雷明燈讚嘆道。 

「 嘿，講起製造傷口，我認第二，無人敢認第一。」 

「 忽得佢地喺度啊！」 飛機大嗌完之後，就帶住成班影團衝過來。 

「 挾持我。」 我向雷明燈打眼色道。 

雷明燈即時將把萬用刀架喺我條頸，喝道： 「 你地咪撚埋來呀！」 

飛機急停落來，道： 「 喂！你想點呀，香港法治社會來家。」 

「 嘿嘿，呢度係火炭，我就係法律！」 同雷明燈呢啲MK講道理真係哂鳩氣。 

「 嗱，我地報左警家喇，到時你自已同差佬講啦。」 飛機恐嚇道。 

「 我屌，你地竟然call龜來咁無種... 」 雷明燈喺我耳仔邊道： 「 忽得哥，你無講過話佢地會報警家喎。」 

「 咁唯有速戰速決喇。」 我壓低聲線道： 「 你將我推向前，然後飛把刀過來。」 

「 玩到咁激？！」 雷明燈驚訝道。 

「 我會好有型咁轉身接住家喇，你同我定啦。」 

「 好！」 雷明燈對住飛機班人扮惡道：我偏係要做瓜佢呀！」 說罷將我向前一推。 

雷明燈如期咁向住我射出一刀。 

正當我想轉個靚身接刀既時候，一個人影撲左出來擋係我前面。 

「 啊！」 

果個人背脊即時中刀。 

我擰轉頭一睇，幫我擋左呢一刀既，竟然係采兒！