「你會娶我嗎？」: 「靚細妹」

「喂，周詠琳丫，唔該」
 
「佢唔得閒」
 
態度極不禮貌，之後「被收線」。
 
當年pccw 推出左幾個前衛的電話功能，一個就是電話待接，即而家的「入線」，更加走火入魔的有3線，可以串埋幾個人開聯合國會議，但經常唔知邊個收左線會令成個「會議」終結。
 
「喂，周詠琳丫，唔該」
 


「都話佢唔得閒law」之後又「被收線」。好明顯接聽電話的人響度講緊電話，霸住條線。
 
過了十五分鐘我再打。
 
「喂，周詠琳丫，唔該，我係佢同學」
 
「妖，你等等啦，家姐呀，有個男仔找左係幾次呀，阻住我講電話呀，快d叫佢收線啦。」
 
屌，咁都得？其實我只係打去問下同學功課，有咩問題呀？
「喂，邊位？」


 
「喂，阿潮呀，想問下你星期幾測地理丫，同埋溫邊個chapter。」其實，有時候同學會阿我阿游、阿邦或者阿潮。
 
「哦，星期三呀，你溫熟CBD果幾個chapter 就得啦。」
 
「嘩，屌都好撚多，今次仆街。」
 
「哎呀，你快d 溫啦，仲有呀，咪成日講粗口啦。你係prefect 泥嫁。」
 
「哈，我慣左，係呢，頭先果個你個細妹？ 咁串丫？」


 
「係呀，靚女係有個性D嫁啦。佢同男朋友拍緊拖，係長氣D嫁啦。」
 
「挑，大哂咩﹗」
 
「你冇見過佢咩？」
 
「邊個呀？」
 
「家姐呀，你地講完未呀？」
 
「靚細妹」已經開始比壓力佢家姐。
 
「好啦，唔阻你，我開始溫書，CBD，明天見，thanks」
 


「拜拜，明天見」