是咁的，我係A0死毒撚: 二. 遇上

  記得從果日開始，我好似找到人生目標，我成個人改變曬。 
果日，我照常咁返學，但係就好似係命運既安排，我個鬧鐘離奇咁壞左，我遲左15分鐘起身，我匆忙咁換上校服，早餐都唔食就出左門口。
搭翻平日過架巴士，一上巴士，發覺一陣香氣撲過黎，我轉身一望，係一個女仔，扎住一條短辮，細緻既五官浮現係我眼前，我臉紅左一下，即刻轉身逃避佢既視線。係果一刻，我決定要為左佢改變自己，我唔可以再比佢見到我咁毒咁柒咁弱既一面。
我果陣個心跳得好快，係我從未感受到過既感覺，我不停偷望佢，留意佢既一舉一動，佢著住既校服上既校徽，就係我學校附近既一間女校，以運動同學業成績優良聞名。
我開始好想認識佢，我已經深深愛上佢。 
最後，我係響起上堂鐘聲果刻飛奔入課室，過左一個刺激既早上。
雖然係咁，但係從果日開始，我再無準時過起身，為求見佢一面。我好想改變自己既形象，我想成為一個有承擔既人，令佢會係我身上得到安全感。  、
  到左lunch, 我同阿熙同阿峰講左今日既奇遇，我主要係想請教阿峰佢識到咁多女既秘訣，但係佢話:「睇你個傻仔都每日偷望人地算啦，又無上進心，你睇下自己咩樣先啦。」阿峰再一次鬧醒左我，我而家咁既樣，又點襯得起佢？我先要從自己改變開始，而第一步就係改變造型，然後係改變心態，最後係性格。