【奇幻/神話】我好似唔小心成為神: 第二章 新手上路(二)

   正當我仲感嘆緊個男人既表演果時，一個拎住鎚既人就到
左。 
 
  「少年，汝有沒有看到一個受傷的人經過呢?」一個用同樣
語氣既人問我。
 
  「哦~你係佢朋友阿?佢岩岩走左啦，但我唔知佢走左去邊。」
 
  「又跑掉了嗎?弗雷，汝的劍確實很強，想不到吾乃堂堂戰神，也會落得如此狼狽。待吾傷勢痊癒以後，一定取汝狗命。」呢個癲雞大大聲咁嗌，真係卡比獸都比佢轟醒。
 




  跟住好似有雷電打落黎，個癲雞就消失左。原來又一個魔術師。
 
  「Dickson，今日有紅豆糖水阿喂，出黎啦!」朗賢拍我既房門。
 
  「朗賢，你知唔知弗蕾亞係咩黎阿?」唔知點解我會問朗賢，可能我基因上就覺得朗賢聰明過我，佢可能會知掛。
 
  「弗蕾亞?佢好似係北歐神話女戰神黎，但詳情我就唔知啦。乜你都對呢D有興趣架咩?」朗賢一邊飲緊我碗糖水，一邊問。
 
  「唔可以話興趣，有小小在意咁啦。」
 




  事實上，愈諗件事愈唔對路。畢竟一個人憑空消失，又冇綠幕，可以話係冇可能。
 
  「唔通一D超自然既野發生左?」我既第六感話比我知，聽日有野會發生。
 
  「阿!係阿，Miss話你pp全部亂填，叫你聽日留堂做double先好走，再亂填就日日留。」朗賢滿面微笑咁講。
 
  此時此刻，我既內心世界充斥住無限句粗口。
 
  我一訓就訓落床，自膊頭受傷以來，好似冇一日係訓得好。畢竟我受傷失去既野實在太多。
 




  「白車黎幫你少年，貴安，又見面了。」今天既果個男人突然出現。
 
  「吾乃手握勝利之劍的弗雷，汝繼承了吾的神力，成為了世界最強的魔王之一。」
 
  「魔王?咩魔王阿，我繼承左咩阿?」
 
  「哼哼，汝會明白的，背負了神明的力量，成為阿薩神族的眼中釘。」
 
  到我醒果時，身體好似有少少唔同左，尤其係右臂，受左傷之後，好耐冇試過咁輕盈。
 
  係全日制學生既都知道，日日6、7點起身準備返學既日子係幾咁頹廢。但係今日既我就好似有野上身咁，十分之精神，身體可以話係處於最佳既狀態。
 
  係我換衫之際，突然有一個人係窗口跳入黎。
 
  「君臨凡間既王阿，求你賜予臣等永恆既祝福。」一個白長髮既女人突然做出禮拜。




 
  事先聲明，我住係18樓。加上係我換緊衫呢個最脆弱既時間，吐槽位實在太多。
 
  「請問，你係邊個呢?做緊D咩呢?」我語無論次咁問。
 
  「臣係『陽之典』既試煉者，係屬於您的部下。」
 
  「等陣先，等陣先，咩魔法師阿，點解屬於我阿?」我比佢搞到一頭霧水。
 
  「琴晚，阿薩神族既索爾同華納神族既弗雷發生左『聖戰』，結果索爾重傷，而弗雷就死亡，死之前，佢將神力比左一個人類。」
 
  「哦......原來......等陣先，果位人類唔通係我?!」
 
 「正是如此，您已經成為君臨於呢片大地既三大魔王之一啦。」女人興奮咁講。