【奇幻/神話】我好似唔小心成為神: 第四章 新手上路(四)

  「哇，Dickson，你落手都幾快啵~」朗賢見我坐得咁近安潔拉，係度揶揄我。
  而側邊亦都傳Jessica黎帶有敵意既眼光。
  「點阿，你肯講未?」我有D唔耐煩咁問。
  「神係神話中的產物，自古以來，神同人就有密不可分既關係，神既力量源於神話，咁反之利用既話......」安潔拉知道我想問既野係咩。
  「人可以利用神話獲取神力?」我好似有D頓悟。
  「王既適應力十分高，理論上係咁冇錯，但區區人類，冇辦法接受神力，我地只能夠使用有關神明極少部份既力量，我地普遍叫做魔法。而我岩岩所使用既就係少少控制人心既魔法。」安潔拉詳盡咁講。
  「聖經經文居然可以咁用......喂!咪住，我唔想知咁多野，得到呢D奇奇怪怪既知識對我冇咩好處，我淨係想普普通通做人姐。仲有，唔好叫我做王，叫我Dickson。」
  「王......Dickson，咁樣係冇咩可能。琴晚你岩岩接受神力，神力仲未同你合為一體，索爾先未察覺倒。但依家就唔同，你應該都發現倒奇異既地方架啦。從依家開始，你就已經成為阿薩神族既首要追殺目標。」安潔拉不懷好意咁講。
  「追......追殺?我邊有咩神力阿，呢D都係你估架姐。」事實上，我的確有D唔同。
  「你應該察覺到身體好似處於最佳狀態掛，而且你既魅力......魅力變得好高。」安潔拉有D面紅咁講。




  「魅力?好似有人係咁講。」
  「呢個就係神力融入你身體既證明，弗雷係北歐既豐饒之神，類似農業之神，但佢亦掌管愛情，亦有人將佢視為愛神，愛神既神力......當然包括極具吸引力既魅力。」安潔拉面愈來愈紅。
  「而......而且，你係新誕生既魔王，打破左以往雙魔王既平衡，你既一舉一動都直接影響其他魔王既君權，你極有可能會比魔王同神明同時追殺。」
  「What the......咁我要點做阿，我點樣可以擺脫神力阿。」我極煩惱。
  「只要你同我地『陽之典』合作，我地絕對可以令你稱霸一方。」安潔拉變到好有決心。
  「登~登~登登~」上堂既鐘聲突然響起。
  「好啦，上P.E.堂啦，換完衫操場見啦。」朗賢拍一拍我頭，示意叫我上堂。
  「我一間先同你講。」我即刻衝落去更衣室。
  朗賢係上體育堂既時候，就好似變左一個人咁。尤其對我既態度，佢係體育堂對我特別嚴厲。應該係因為我受傷之後，對運動變到好似好厭惡，佢唔希望我就咁沉淪。
  但今日，好似有D唔同，換PE衫既時候，我隻手即使抬高，都好似仲有力。




  「今日上既係籃球，識打既同學去自習住先，其他既，我從基礎講起。」體育老師示意朗賢帶走一D水準比較高既人。
  「Dickson，行啦，你唔係想扮初哥下話。」朗賢笑笑口咁大力拉走我。
  「就黎到班際比賽，我會好~好~咁喚醒你對籃球既愛架。」
  「咪玩啦，我點樣可以打倒籃球阿。」我抬起籃球，做出投籃既姿勢。
  一記漂亮既3分波，久違既穿針聲隨之而來。