【奇幻/神話】我好似唔小心成為神: 第七章 新手上路(七)

  「係咪技窮你一間咪知囉。」我大聲講。
  「好多時人同人既關係會影響好多野，工作既晉升、學校既成績同校園生活咁，相信你地呢D擁有神力，目空一切既神，點到估唔倒掛。」安潔拉跟隨講出。
  「你等究竟打緊咩算盤?快快說出!」奧丁既攻勢變得凌厲。
  一波一波既閃電不斷襲來，寶船既船身不斷受損，接連既閃電令天空充滿左光輝同時產生巨響。
  「安潔拉，你有冇咩符咒阿、經文果D係我都用倒架，唔係個阿叔未察覺倒，我地已經香左。」
  「弗雷係華納神族既神，華納神族中有一個魔力強大的神，我地或者可以試下，一間你跟住我講。」安潔拉講出一埋術語。
  「弗蕾亞阿，你的子民正處於水深火海之中，身為魔力無邊的天神，求你賜予我等神力，獲得與神一戰的資格!」我照住安潔拉講。
  一道橙光從天打落我度。
  「跟住點阿?」我唔明呢段野有咩用。
  「呢段野主要係提高試煉者對咒文既接收力，姐係令魔力增加咁啦，但身為魔王既你，應該可以做倒更多野，試下比D想像。」安潔拉解釋。




  「想像?點想阿?」我真係充滿問號，但個心突然諗住想要個火球打向奧丁。
  一個熾熱既火球出現並且打向奧丁。
  「可恨既弗雷繼承人，居然識用魔法!」奧丁有D招架不住。
  「吾等之神物阿，為吾奉獻所有吧!」奧丁都講出咒文。
  佢身邊出現左一支純白既矛，矛既裝飾極度華麗。而呢一支矛好快咁分裂成九支。
  「貫通萬物吧，吾等最強之矛!」奧丁命令所有矛頭都指向並且刺過黎。
  「Dickson，你要用盡想像力減輕矛既衝力阿。」安潔拉好似軍師咁指導我。
  「有咩可以阻倒呢?牆?」我突然產生呢個想法，一幅冰牆出現係我面前。
  「冰牆?你玩咩阿，諗都諗D硬度高D架啦!」安潔拉既脾氣突然改變，不過我諗冰牆又係過份左D既。
  出乎意料地，冰牆成功阻止左八支矛，但仲有一支狠狠地貫穿左我既腹部，將我釘左係地下。




  「弗雷阿!長眠吧!」奧丁似乎要出大招。
  「弗雷!老夫要親手消滅你!」天空再次傳黎一道我聽過既聲音。
  而呢把聲音亦打斷左奧丁。
  「等......等左你咁耐先到，衰鬼。」雖然我腹部被貫穿，但生命似乎冇乜危險。
  「奧丁!你點解會係度?」亂入既神正正係索爾，另一個追殺我既神。
  「索爾阿，你都要亂入呢場聖戰?」奧丁擺出戰鬥既姿態。
  「係殺死弗雷之前，我就先取你狗命!」索爾揮鎚衝向奧丁。
  「Dickson，你果然有潛力成為佔據一方既魔王，咁都諗到呢個方法。」安潔拉幫我拔出緊插係我身既矛。
  「靈機一動姐。」雖然生命冇危險，但痛楚就好大。
  奧丁同索爾係屬同一神族既神，但大家既神話其實有D衝突。佢地都係代表戰爭既神，但奧丁就有更高既地位，甚至被認為係索爾既生父。有說法係索爾係更早以前既眾神之父，但點解地位比奧丁搶左去呢?




  原因係索爾係古代農業社會的神，代表農民既神，而奧丁更具有智慧，代表掌握權力和智識既貴族既神。係後期貴族同智慧既崛起普及，奧丁就慢慢上左位。兩者係背景、能力都咁衝突既情況下，相信令佢地見面，引起三方混戰，就係最好既方法，當然，呢個都只係賭博。