傷痕累累（一場Kong U殘殺遊戲）: 2. 結伴同行
Mid-term男旁邊的一行人立刻失控尖叫，其中一個更崩潰地暈倒。
我自己也不是好到哪裡去，四肢顫抖，面色發白，死命盯著陳上帝手上的散彈槍，而槍口冒出淡淡白煙。
明明隔著鏡頭，他怎能射殺Mid-term男？而且準確地瞄準頭部？
場面比起之前更加混沌，恐懼的哀號取代埋怨的言語，就連身邊看似城府極深的黑衣人都吃了一驚，瞪大雙眼。
「居然……真係殺左人……」Janet吸了口大氣。
‘This is crazy, man. Seriously? Shot in the head?’
我也難以置信，本以為是普通的綁架事件，意想不到綁匪會這麼輕易殺人。
「嗱，提左架啦，呢次我只會俾多三秒你哋，再出聲我就殺人。三！」陳上帝舉起散彈槍。
「大家唔好出聲呀！」Allen大叫。
我早已合上嘴巴了。
「二！」
「呀！唔好呀！血呀！好恐怖呀！我唔想死呀！」屍體旁邊的女同學失控地說。
「唔好出聲呀！」另一人警戒著。
「一！」
「救命呀！爸爸呀！我想翻屋企呀！」
「砰！！」
又一個爆開的頭顱。
又一灘恐怖的血漿。
「仲出聲？係咪想我嚟第三槍？」陳上帝說。
台下肅靜。
我緊張地閉氣，生怕呼吸的聲音會招致殺身之禍。
無論如何，都不要招惹陳上帝。
「唔，好啦好啦，終於靜左少少，咁我係時候開始啦。」陳上帝收起散彈槍。
黃麗松講堂裡只剩下哭啼、概嘆、哀號，彷如喪禮一樣，只是夾雜著多一份絕望。
「想離開呢個世界，好簡單，只係需要完成你哋嘅任務。」
什麼任務？
「好快我就會放左你哋，俾你哋自由活動。到時你哋可以睇身上嘅『任務牌』，完成後就會自動翻到去原本嘅生活。」
「不過，哈哈，所有任務都會涉及生死，而每個人嘅任務都係獨一無二嘅，令遊戲更加有趣。」
一個遊戲？
「哈哈，遊戲冇任何時限，而地點就係香港大學嘅範圍以內，相信在座各位都非常熟悉。你哋可以隨便行走，想當街當巷行又得，長期匿藏喺課室裡面又得。不過，邊個先做完任務，邊個就可以先離開呢度。自己衡量啦！另外，為左令遊戲更加順利同有趣，我喺唔同地方擺放武器同工具，而且每隔一段時間就會有『延伸』遊戲，有獎有罰。至於係咩遊戲，就容我先賣個關子先啦！」
指引雖然清晰，但我們對遊戲一點興趣都沒有。
「好！答問時間！我份人好公道，一定會俾所有人清楚遊戲規則嘅。」
講堂鴉雀無聲。
不是不想問，而是害怕遭到槍斃。
「放心啦，我係唔會隨便殺人。」
信他才怪。
帶著驚恐無奈的神情，大家都一言不發。
「哎呀，果然係香港嘅學生，都唔主動問問題。」
‘A game? That gentleman said we are going to play a game.’
‘Killing games? Hunger games? Sick joke. Nonsense.’
兩名交流生低調地談話。
這時，我才發覺，一項奇怪的細節。
那些交流生，都明白陳上帝的內容。
難道，他們聽到的是英語？
「真係冇問題？」螢幕裡的陳上帝問。
「我有！」遠處一個人說。
「請。」
「我叫尚義，我想問清楚，我哋嚟呢度同之前嘅爆炸有冇關係？」
「唔……唔係關於遊戲嘅問題，我唔會答。」陳上帝托著下巴。
這樣，根本就是默認。
果然，兩者之間有一定關聯。
「咁遊戲嘅目的係咩？」尚義再問。
「呀！呢個好問題！同遊戲有莫大關聯。答案就係……因為……你哋係上帝選中嘅人。咳！哎呀，咁嘅大話實在講唔出口。我都係決定唔回答住。」陳上帝尷尬地說：「真係難為情，兩條問題都答唔到你，我諗我都係放你哋出去，等你哋睇下任務牌內容先啦。」
這樣輕易就放我們出去？
Janet向我打了眼色，示意一起要小心。
果然，鐵鍊上的電子鎖神奇地解開，眾人火速地掙開枷鎖。
「哎呀，唔記得提醒大家，總共人數本嚟係78人，但有兩個人已經成功犧牲左，所以得翻76個人。大家加油啦！」
我不敢再看，前排那些嘔心的血漿。
鮮血，是生命的湧泉。
我們卻害怕看見它。
血的本身並不恐怖，只是見血往往與不幸的事情息息相關。
黑衣人純熟地解開鐵鍊，徑自離開位子，大概是將我們當作透明。
一些心急如焚的人早已穿門跑出外面。此刻三十來人堆在狹窄的門口，擁擠萬分。
經過多番糾纏，我終於解開所有鐵鍊，鬆一口大氣，然後為Janet拆除腳上的束縛。
「唔該……」Janet苦笑著。
我扶著Janet站起，走到人群裡去。
每人都在爭先恐後，我怕這樣會引起人踏人的悲劇，可這麼一大群失控的人流，我實在管也管不了。
「唔好理班人住，睇左所謂嘅任務牌先，阿上帝話喺身上面……」
也好，反正都是等待。
我摸遍全身，發現手提電話和銀包都不見了，一切個人物品都被拿走。
而褲袋裡藏著一張類似撲克牌的東西。
我提出一看，果然就是傳說中的任務牌。
我的任務：
槍殺一個人。
簡單而直接。
我充分肯定，自己不會完成任務。
因為我絕對不會殺人。
「你呢？Janet。」
Janet的任務：
淹死一個人。
簡單而直接。
「我充分肯定，自己唔會完成任務。」Janet說。
「因為我絕對唔會殺人。」
思維一樣，看來是合得來的夥伴。
「我都係咁諗，我哋要考慮點樣破解遊戲，唔可以中主持嘅圈套。」我繼續說：「不過Janet你覺唔覺得……」
我話口未完，一個身高超過185cm的壯漢將我從旁推開。
「唔好擋我威哥路！」
他不是學生。從衣服判斷，這位壯漢是位廚師。
我還以為講堂裡的所有人都是大學學生。
突如其來的推撞，害我失去平衡，單腳凌空，幾乎摔在地上。
「嘩嘩嘩！小心呀！」幸好，一個矮小的傢伙及時接過我：「你跌一跌分分鐘就人踩人啦，好彩接得住。」
我向救命恩人連忙道謝，這人一直坐在外國人旁邊，身穿淺色冬天背心、啡色外套、米白色長褲，可目測身高就只有150cm，樣貌帶點孩子氣，與剛才的壯漢形成鮮明對比。
「頭先唔該你，個大隻佬真係野蠻。」
「係囉，咁撞人好冇禮貌架。」
似乎也是個好人。
「我叫Harvey呀，不過我嘅朋友都叫我做哈比，因為我矮，唉……」哈比失望又無奈地嘆氣。
「唔係呀，哈比幾可愛，哈哈。」Janet掛起笑臉。
「係咩？我好開心呀，多謝多謝。但我可以跟住你哋嗎？總覺得有個照應會比較好。」
這時，兩人從附近走來，應該是對情侶。
「你叫吳懿，係咪？可以一齊行動？」Allen牽著女友，來到面前。
「你好呀。」Allen旁邊的女子紮著馬尾，穿著輕裝便服，帶信任的目光向我說。
我向哈比和Allen說好。
計上Janet，我現在有四個同伴。
「前面唔好塞住啦！」前方壯漢威哥不滿地說。
如果大家都是接殺人任務，那麼威哥定必是個麻煩的敵人。
「阿妹，跟貼我行。」那是剛才發問的尚義，他正帶著某人穿過群眾。
良久，我終於走出黃麗松講堂。
然而，人群依然聚集一起。
這裡是個寬大的平台，平常大概用途就是在典禮前後，讓人招待嘉賓、擺放茶點。
我遠眺一看，發現兩個出口都被鐵閘擋著。
我百分百肯定，這裡原本並沒有鐵閘。看來，陳上帝改造過香港大學的結構，可他是怎樣做到的？我才不相信他真的是上帝。
「唔係話自由活動咩？」Janet警戒地問。
「大家好，又係我陳上帝啦！」
廣播傳出可惡的聲音。
「你想點呀！」威哥極不耐煩。
「我諗落，都係玩個熱身遊戲先比較好。今次講真，玩完之後唔會為難你哋。」
「我感覺唔係好嘢。」哈比向我說。
‘Again, man? I hate this.’
那兩個交流生身處後方。
這時，我決定先確認一件事。
我走到兩人面前，以英語問他們：
‘Hi, sorry to interrupt, but I want to ask something.’
‘What’s the business?’
我記得，這個是Bruce。
‘Um… Bruce? What do you hear from the guy? English or Cantonese?’
‘Well, English of course. We don’t speak Cantonese at all. I thought he spoke English all the time.’
‘Thanks. I get that.’
確認完畢，他們聽見的，是英語。
我起初認為，這個遊戲只限本地人。如此看來，76人當中，會有不同國籍的參加者。
「呢個小遊戲，係為左令你哋可以更加投入，更加放膽，之後玩亦會更加流暢。」陳上帝說。
「好啦，遊戲好簡單，我只係需要……」
「一條死屍。」