傷痕累累（一場Kong U殘殺遊戲）: 外傳：認識上帝（下）

什麼是上帝？

控制大地？操控生死？創造一切？

早在北京奧運時，中國政府就向雲層發射導彈，停止降雨，控制天氣……

今時今日醫療科技非常成熟，幾乎任何器官都可更換，整體壽命有增無減……

最近人工智能是一大熱門話題，機器人能學習、談話、工作，就未能獨立思考，克服過後就幾乎完全是人類了……





控制大地、操控生死、創造一切，似乎不止上帝辦到。

那麼，誰才是上帝？

陳上帝的身份是什麼，根本毫不重要。

完全沒有意義。

「解答一啲疑問？」我交叉雙手。





「係呀，哈哈！」陳上帝嬉皮笑臉：「呢個係你嘅專屬福利。」

「點解係我？」我反問。

「因為你係第一個落手殺人嘅。」陳上帝解釋道：「或者咁講，你係咁多人裡面，第一個覺悟嘅。所以呢次見面係一個獎勵，鼓勵你繼續投入殘殺遊戲。」

「而個獎勵係……」

「一條問題。關於呢場殘殺遊戲，你問乜嘢都得。」陳上帝悠哉說著。





一條問題……

也太吝嗇了……

「好好珍惜呀。」陳上帝說。

我反覆思量，考慮著各個因素。

我不會問往後的延伸遊戲內容，因為我大多不會參加。

至於，在哪找到武器，似乎過於無聊，自己尋找就行了。

此時，我想起黃麗松講堂內的場景，一個名叫尚義的人詢問遊戲目的，陳上帝當時沒有回答。

知道遊戲目的，或許就能夠主導方向，改變命運。





「個遊戲目的係咩？」我直截了當。

「果然係呢類問題。」陳上帝微笑：「係篩選，參加遊戲嘅78人都係恐襲後嘅昏迷人士，你完成任務，就可以獲救，你喺遊戲裡面死左，喺現實都會死去。」

「至於殘殺遊戲嘅形式，就係想體現你哋嘅生存意志同埋信念。」

生存意志和信念。

他直接訴諸答案，倒是讓我失去好奇和憧憬。

「嘻嘻，係咪好似若有所失呢？」陳上帝忽然打斷我的沉思：「其實我啱啱老吹咋！哈哈哈！！！」

「咁個真話係咩。」我感到不耐煩。





「前面嗰句篩選係真，至於我點解用殘殺遊戲嘅形式，就係因為有趣！」陳上帝的眼裡充滿興奮。

有趣？

這個答案，更難接受。

「我覺得呢個先係老吹。」我不滿。

「點解咁講？」陳上帝盯著我。

「你搞一場殘殺遊戲，一定抱持住一種意義。」我說。

「你諗得我太神聖。」陳上帝說：「我只不過係想好好欣賞下美妙嘅情節，你哋嘅掙扎。」

「…」我一時不語。





「意義係由人類賦予，你作為一個理性嘅人，應該會明先啱架。」陳上帝歪著頭：「咩宗教意義，道德意義，通通都係由人類本身賦予，但大部分時候只係一啲自作多情，
一廂情願嘅行為。」

「當然啦，你可以好似其他人咁，為遊戲嘅一切賦予意義，你可以話係考驗生存意志、考驗道德信念。」陳上帝繼續說明。

我也想不到，他會回答得如此透徹。

「不過，的確有一樣嘢，我係幫你哋附加左少少意義嘅，就係你哋嘅任務牌。」陳上帝指著我的褲袋。

對，每張任務牌，都是獨一無二。

而我的任務，就是自己的罪孽。

殺死一個嬰兒。





我曾想殺死妹妹，因為我妒忌她。

她得到父母親的寵溺，而我就成為冷落的對象。

這種憎恨，慢慢蠶食著理性。

直到最後一刻，我拿著枕頭，來到她面前，才懂得收手。

喚醒我的，是理智。

我從此明白，情感會使人墮落、崩潰。

「嘻嘻，答問環節完畢，希望你會繼續加油。」陳上帝逐漸化作煙霧：「你自己參透一下，任務嘅意義啦。」

「我已經估到。」我回答：「係人生。」

「果然聰明。」陳上帝帶著歡愉的笑容，消失眼前。

罪孽，不就是人生的一部分？

我盯著任務牌，深深呼出一口氣。

「…」

往後的發展，大概就是不斷掙扎的過程。

此刻，我已經站在天台邊上，俯視腳下的白霧。

「哈！我就唔信！我拭目以待！」我居然惹怒陳上帝。

也許，我的舉動真的一鳴驚人。

「阿熙……」吳懿無奈地看著我。

想來，我一直都有著衝動，告訴吳懿我所知道的一切。

可是，吳懿一直都抱持著強大的信念，堅信這一切都是考驗。

我才不想將其破滅。

就讓他相信下去吧，或者，他的結局會比我好。

他是個好人，徹徹底底的好人。

而我，不過是個顧及大勢的人物。

然而，眼前的十來人把我當上帝看待，個個帶著難以置信的眼神。

就如我當初看待陳上帝一樣，無法理解他的一切。

他們不解，為何我會願意「犧牲」。

很簡單，我從理性角度思考，知道跳下樓就可以換來他們的「救贖」。

原來，扮演上帝是此番滋味。

終於，我跳下大樓，沒入霧中。

還真慶幸，大霧能夠掩蓋我的屍體。

大霧象徵神秘，我埋在霧中，世人或許都當我作神秘的救贖者。

神聖不可侵犯。

對不？

 
（利申，此故事並沒有任何宗教隱喻）