第四十五章
隨後嘅每一曰,我都係喺物理治療,抄筆記溫習中度過。

有一日嘅朝早,旁邊病床的老伯突然失去知覺,醫生與護士立即為他進行搶救,但是始終救唔返,我冇諗過日日捉住我要我陪佢捉棋,說話中氣十足的人,會可以突然之間話走就走,生命脆弱到令人難以想像。

我諗返起當時從老伯口中得知,他是獨居老人,他在一次義工探訪活動時突然之間暈倒,當時義工立即送他入院,醫生判斷他患有心臟病,於是就要求他住院觀察,他說自己是早我一日入院。

除了老伯剛入院的幾天有義工與社工探病外,我從來沒有見過有家人找他探病,所以他悶的時候會搵我傾偈,同埋每日都會教我捉棋,剛剛入院的時候,他有説過我現在的狀況捉棋可以訓練腦部之外,更加能夠多活動手部動作會更有效去康復。

我當時不知道他到底是想我陪他捉棋的藉口,還是捉棋真的會對復康有效用,但我從個一日開始,我差不多每天早上吃完早餐都會與他捉棋。





有時候老媽子或Ashley探病時會有切好的生果,當我食唔曬就會同老伯分享生果,到後期就算食唔食得曬都好,都會叫老伯一齊食。

我記得上星期Ashley探病時候講過,橙會惹痰所以儘量唔好俾老伯食,但我有和她爭論過蘋果對於老人家不是會較難咀嚼的時候。

老伯聽到這句話之後,在我面前𠵱起棚牙「我棚牙不知幾健康,我八十歲人從來未甩過一隻牙,你就聽下妹妹仔講,佢有佢既道理,加上你兩個後生仔對我老人家都咁關心,我就已經好足夠,生果是賣給你的,你喜歡食咩水果都冇問題。」

「伯伯你真係從來冇甩過牙咩?細細過換牙既時候應該甩過先係架!」在老伯面前我總是會口沒遮攔地說話。

「喂!你唔可以對老伯咁冇大冇細,快啲同老伯道歉。」Ashley睇唔過眼要求我同老伯伯道歉。





「嘻嘻,咁都俾你捉到我字虱,妹妹你唔好嬲啦!係我要求佢唔洗當我長輩咁看待,佢咁樣我先會覺得自己年輕一點。」

老伯伯對於我取笑他並不介懷,反而開始為我講好說話。

「聽到未呀!老伯唔似咁小氣嘅人。」得到老伯的支持,我變得更加囂張起來。

「我冇你哋咁好氣啦!你生果食完我都係時間返屋企啦!下次我探病嘅時候再見啦伯伯。」

Ashley走左之後,老伯伯就撩我傾偈。





「喂!宜家好少可有女仔咁識得尊敬老人家,呢個女仔要好好珍惜。」

「咩意思呀!又係你話叫我唔洗對你客客氣氣,又話最驚人覺得你老,又話尊敬長輩既人全部都好假,宜家轉過頭你同我講佢尊敬老人家同埋要珍惜佢。」

「尊重長輩都要分真心同假意,你就可以不用勉強自己,而我睇得出佢係出自真心,宜家好少呢種咁乖既後生女了。」

「竟然讚佢乖,咁下次佢探病既時候,我在你面前當面同佢講話你讚佢乖先得。」

但係好可惜,等唔到下一次既探病,老伯伯就已經離開左,我再冇機會在他面前轉達他所講的說話。
已有 0 人追稿