愛是恆久忍耐: 第四十六章

第四十六章
醫生宣告老伯死亡後,因為他本身沒有能聯絡得上的親人,所以醫院很快就安排工作人員將老伯的遺體運走。

而遺物方面,他來的時候,好像只有一副木製象棋盤,少量的衣服,銀包與及一本聖經 外,並沒有其他多餘的物品。

醫院據說整理好後,會安排之前負責的社工去認領遺物。運走的屍體,先被安置到殮房等候下一步的處理。

回想起今天早上食完早餐,一切都好似同平時一樣,佢叫我同佢捉棋,捉完棋之後,他突然話好想食薯片,叫我幫手去買,我本來想等到屋企人嚟到既時候叫佢哋幫手買,但係老伯話可能我屋企人會覺得佢喺老人家,所以唔會買薯片俾佢食,所以佢到最後都重係堅持要我去幫佢去買,重同我講話多行幾步路可以有助康復。

所以最後我迫於無奈的情況之下,用助行架慢慢行到醫院地下大堂的便利店買薯片給他。





一來一回應該用左差唔多二十分鐘嘅時間,當我拎住薯片回到病房的時候,醫生已經停止搶救並宣告老伯的死己。

老伯前一刻重同我傾偈,但短短的二十分鐘的時間,返到病房時,佢竟然變成一具冷冰冰嘅屍體,我一定是在發夢,我隻手拎住薯片呆呆望向老伯病床,望咗好長的一段時間,我到宜家都重未能接受佢離開嘅事實。

老媽子嚟到醫院嘅時候,了解過情況之後,話老伯可能知道自己就快要死,佢唔想俾我睇到佢痛苦嘅樣,所以先會耍走我叫我離開病房。

神經病,知道自己死所以耍走我,成件事都好唔合乎邏輯,你叫我點去相信。

不過我同老伯沒有血緣關係既情況底下,明明我同佢只係相識咗好短嘅時間,但係當知道佢離開左之後,竟然會令我有種掛住佢嘅感覺,但你問我有冇傷心嘅感覺?又好似感覺唔到自己對老伯的離開有任何一啲啲嘅傷心,只係心入面既懷念係揮之不去。





成個上晝,我都沉沒喺同老伯相處嘅回憶當中,完全唔想同其他人傾偈,老媽子見到我咁既情況,唯有等我一個人靜靜地,唔去騷擾我。