愛是恆久忍耐: 第四十七章

第四十七章
「喂！阿full。」Ashley坐在我的床邊,佢把聲將我拉返嚟現實,我啱啱好似諗諗下野不知不覺間訓著咗。

「你嚟左呀！啱啱朝早老伯走咗！」我嘗試壓抑住自己嘅激動，用一個十分平淡嘅聲線去講返老伯死亡既事。

「嗯！我知道,Auntie 啱啱有同我講過。我想你明白生老病死係好平常嘅事,第一次親身體驗身邊認識嘅人死亡同埋意外係一啲都唔好受,但過左一段時間之後就會冇野,個種唔開心,個種恐懼嘅感覺我都經歷過。如果覺得唔開心,講出嚟或者喊出嚟都會對你有幫助,你唔需要喺我面前壓抑住自己嘅情緒。」

「我好記得佢前今朝重同我捉棋,我只不過出左去病房一陣,真係好短好短嘅時間,返來佢就走左。」






「你係唔係覺得自己個一刻咩都做唔到,係唔係覺得呢件事冇可能發生,你撞車個時我都有個呢種感覺。只不過好彩嘅係你最後你可以醒返,而老伯則失救離開左我哋。」


「好對唔住,我冇諗過我撞車會對你有咁大影響,我重叫你唔好自責,我宜家先真真正正體驗到你既心情。我啱啱一直都諗緊,如果我早一步察覺到老伯有異樣,沒走去買薯片而係走去通知護士同埋醫生,老伯會唔會有得救。」


「發生就既事,從來都冇如果同早知,就好似我都有諗過,如果當日我遲少少到或早少少到咗嘅話 有冇機會令你唔會俾車撞。但發生咗既事就係發生咗,我同你都冇能力返到過去,去阻止悲劇既發生。」Ashley坐喺床邊,借左個膊頭俾我,然後又用手輕輕撫摸我的頭。


「對唔住,我一直以為意外只係得我一個人受到影響,我當時唔開心重要避開你,冇諗過你個一刻都需要人關心,好對唔住。」Ashley既輕撫加上她對我說出的親身經歷。雖然從阿康口中我知道Ashley在呢件事當中,精神曾經受到打擊,但如果唔係老伯死走咗,我都冇真正意識到我撞車會對佢嘅傷害是有幾咁嚴重。





我從來只顧著自己,從來都沒有關心過事情對Ashley的影響。其實當時我醒返個一刻,Ashley應該為左令我唔好擔心,雖然個一刻好唔開心,都要扮作鎮定冇事。

呢一刻我真喺感覺到對佢嘅行為十分愧疚,本來都冇諗住喊嘅情緒被帶動出嚟,最後眼淚好似缺堤咁不停湧出,我個一刻咩嘢都諗唔到,唯一做到嘅就係不斷咁為之前嘅事同佢道歉。