[真人真事][校園][純愛]《總有一天，會再次遇見》: 第八十二章
話說等緊大學聯招公佈嘅時候
其實就好似之前等放榜咁樣
都係好hea,
每日就係不停打機
間唔中會同晞澄出嚟行下
唔講唔覺都就快到八月
亦即係我同佢嘅生日月份(我同佢係同一個月生日)
講下講下,
點知佢話今年唔得閒整蛋糕
咁我就問佢點解啦
晞澄:「今年喺我地生日嗰排
我同呀穎同埋各自嘅屋企人會出去旅行呀
佢地話當慶祝喎
」我:「即係點
可唔可以唔好咁複雜
」晞澄:「我同我daddy媽咪仲有細妹一家四口
同呀穎同埋佢daddy媽咪一家三口,
七個人一齊去旅行
」我:「你同佢真係咁friend架
」晞澄:「之前都講咗你聽我同呀穎幼稚園就開始識
大家媽咪都係friend底
識咗十幾年喇
同埋其實細細個都試過一次
」我:「嗰陣以為你講笑添
原來你地真係世交
」晞澄:「你估我係你咩咁無聊
」我:「點解無啦啦去旅行
」晞澄:「話諗住就嚟入u,
又好耐冇一齊去過
不如去一次旅行啦
好難先可以兩家人夾好晒個時間
仲要夾啱我生日喎
」我:「去邊度
」晞澄:「未諗呀,
有咩好提議
」我:「你問我有春用咩
」晞澄:「我不嬲好尊重你嘅意見
」我:「我就唔信你地完全冇諗過去邊度
」晞澄:「其實暫時有兩個地方
一係日本一係英國
」我:「有錢真係好
」晞澄:「好耐冇去旅行喇
你有錢唔去咋嘛
係喎你想唔想一齊嚟
不過我估你都唔想架喇
」我:「唔好搞
咁多個人我淨係同你熟
你知我唔鍾意咁樣
」晞澄:「你快啲幫我諗啦
佢地話我生日我話事
講起上嚟你都係八月生日,
咁就啱喇
你幫我諗啦
」我:「咁呀
英國囉
順便可以幫我買手信
」晞澄:「你想要咩呀
」我:「你知唔知咩叫曼聯
」晞澄:「知呀,
碧咸嗰隊丫嘛
」我:「碧咸走咗喇
依家係c朗
」晞澄:「哦
紅色嗰件丫嘛
」我:「頂你好多隊都係紅色喎
」晞澄:「得啦曼聯丫嘛
我daddy同埋呀穎daddy都有睇開波,
唔會撈亂架喇
你想要咩呀當係生日禮物喇
反正今年都整唔到蛋糕
」我:「唔好話你懶
提早整咪得囉
」晞澄:「提早整都冇意義啦
食少一年使唔使死
」我:「講到咁咪唔食囉
但係咪真係有手信呀
」晞澄:「當係生日禮物呀
你想要咩快啲講
」我:「嗰度應該有曼聯專門店嘅
你求其幫我買件風褸好波衫又好乜都好啦
但我要曼聯logo
」晞澄:「個logo你有冇圖呀
」我:「返到屋企我msn send俾你
」晞澄:「有冇話邊件呀
」我:「你知我好信你眼光
你覺得邊件靚就邊件啦
話明手信梗係你揀啦
」晞澄:「買完返嚟唔準唔著呀
」我:「你話點就點啦手信喎
」晞澄:「要日日著
」我:「你都痴線日日著點樣洗
」晞澄:「講下笑啫
除咗呢樣冇啦下話
」我:「冇野想要喇.」
晞澄:「咁我今晚同佢地講話去英國啦
」我:「真係咁聽我講
」晞澄:「梗係啦
壽星公唔聽你講聽邊個講
」我:「你地幾時去呀
」晞澄:「梗係搞埋jupas啲野先啦,
你預去八月中去十日到啦
趕得切返嚟開學
」我:「幾驚你咁把炮
jupas都唔等埋
」晞澄:「點會呢
我地仲要做同學
係咪
」我:「係係係
」跟住夜晚我就send咗曼聯個隊徽俾佢睇
希望佢唔好撈亂啦
其實依家諗返起,
嗰陣我地啲行為好似情侶
爭在未講出口係咪男女朋友
有時一碗野兩份食
野飲都係,
佢條友又為食
見我飲緊第二杯野佢又行過嚟飲
我梗係知禮尚往來呢個道理
所以就飲返佢嗰杯
有時一去到紅綠燈就拖手
當然過完馬路之後就縮返手啦
呢啲野係好自然咁樣做
最記得有一次,
佢sms我話好大雨
言談間發現佢冇帶遮
跟住我就即刻拎住把遮出門口
喺佢巴士站樓下等,
話晒都識咗佢咁耐,
又喺呢個屋邨打咗躉十幾年,
巴士站呢啲野熟晒啦已經
跟住佢落車見到我就o晒嘴
晞澄:「點解你會喺度
」我:「有人冇帶遮喎
我又好心地,
咪行出嚟遮人囉
」晞澄:「你點知我喺度落車
萬一我喺上一個站落車你咪大鑊
」我:「同你搭咗幾耐車呀
你有邊次唔係喺呢度落
」晞澄冇講野淨係笑
或者就係因為呢個笑容,
足以令我迷失自己,
完全唔理其他因素,
諗都唔諗就出嚟遮佢
幾大雨幾大風都好,
見到呢個笑容就已經值回票價
晞澄:「點解......要咁做呀
」我:「頭先咪講咗囉
我好心
知道有人冇帶遮,
咪行出嚟遮人囉
」晞澄:「咁點解唔遮第二個
又唔係得我一個冇帶遮
」我都真係俾佢問到口啞啞
我:「你想我點答你啫
」晞澄:「咁呀
行住先邊行邊諗囉
」跟住我就送佢返屋企,
我地拍住,肩碰肩咁樣行
由於兩個人喺埋同一把遮之下,
難免係迫啲架啦
因為大家實在係太接近
所以成日都掂到佢隻手
跟住就索性扮晒野拖住佢,
佢又冇放手喎
一路拖直到佢返屋企
嗰陣我都有啲緊張呀
始終個距離咁接近
唔知佢有冇呢
佢臨入去之前擰轉頭同我講
晞澄:「um
我相信終有一日你會同我講你個答案嘅
」我:「嗯
你唔好唔聽就得
淨係會同你講,
不過等我準備好先啦
」晞澄:「傻仔
」最後佢係笑住咁樣入去嘅
其實我估大家都知個答案係乜野,
只係我當時冇講出口,
佢又冇逼我講咁解啫
但就係因為我咁吊兒郎當,
佢始終都冇機會聽到我呢個答案.