[真人真事][校園][純愛]《總有一天，會再次遇見》: 第八十七章

返到去我就即刻上面書搵呀穎

我:「你地返嚟香港未呀

晞澄有冇事點解我搵佢唔到嘅 」

send完之後我就一路等呀穎佢覆我

點知喺嗰晚佢都仲未覆我



第二日,第三日都係咁,

數下數下其實就嚟開學,

得返唔係好耐日子

究竟佢地返嚟未呀

嗰排我每一日就喺度幻想,



唔知我第二朝起身開面書,

會唔會見到晞澄搵我呢

結果每一次都係失望而回

慢慢就愈嚟愈覺得不安

呢種感覺比之前更加濃烈



結果去到第九日,

呀穎終於覆咗我

呀穎:「有啲要想俾你,

你介唔介意出嚟 」

我:「晞澄喺邊度呀 」

呀穎:「出咗嚟你就會知.」

我:「邊度等 」

呀穎:「不如去你屋企樓下好冇



方便你為主 」

我:「好呀

我住xxx.」

呀穎:「好近啫,

五分鐘就到 」

跟住我就喺度諗,

呀穎返到嚟香港,



正路計即係晞澄都應該返咗啦

咁點解佢唔出嚟搵我嘅

但係呀穎佢又話我出去拎完佢啲野就會知

究竟依家發生咩事

我淨係知晞澄佢依家唔見咗啫

如果唔係一定唔會唔出嚟,

好快就開學佢竟然仲未返

直覺一定有問題



結果我落到去樓下,

冇幾耐就見到呀穎到咗,

唔知係咪我錯覺,

覺得佢冇厘神氣咁樣

特別係對眼完全冇神

而且仲好腫

雖然我唔係觀人入微嗰種人,



不過呀穎依家呢個情況,

衰啲講盲都知有問題

再望下隔離,

晞澄真係唔喺度喎

呀穎:「你到咗喇 」

我:「晞澄呢 」

呀穎:「或者有啲野好難接受,

不過我係講緊真話.」

我:「做咩呀

唔係有啲咩事下話 」

呀穎:「你以後都唔會再見到charlotte 」

我:「下

我真係唔明呀快啲講啦

係咪你兩個喺度玩惡作劇 」

嗰陣我仲喺度諗,

唔通幾秒之後,

晞澄會喺唔知邊度彈出嚟

講到尾我都只係喺度自己呃自己

呀穎:「我都想係惡作劇 」

跟住佢自己都眼濕濕

我:「下

你依家咁樣仲講埋啲咁嘅野

究竟晞澄做咩事 」

呀穎:「charlotte車禍死咗.」

我永遠都記得,

聽完呀穎講頭先嗰句之後,

成個腦淨係得三個字,

「做乜撚.」

我:「唔係掛

可唔可以講多啲......

依家我都聽到一頭霧水 」

呀穎:「有個人揸緊車嗰陣,

無啦啦衝咗上嚟行人路嗰度

嗰陣全部人都喺度講緊笑,

冇人留意到架車上咗嚟

當我地知道架車唔對路嗰陣,

charlotte就已經俾架車撞咗 」

嗰陣我極力控制眼淚

但真係忍唔住

自我懂事以嚟,

我從來都未試過喺其他人面前喊,

直至到今時今日都係

不過嗰次係我唯一一次控制唔到眼淚,

任由佢喺塊面嗰度滴落嚟

呀穎:「其實charlotte曾經醒過,

不過唔知點解

醒完之後佢覺得自己好似捱唔到好耐咁樣,

嗰陣我地仲話佢要堅強啲

叫佢唔好諗錯第二邊,

話一定有機會好返

跟住佢有個好奇怪嘅要求,

就係千叮萬囑同我講,

叫我遲啲一定要俾封信你

佢話好想寫封信

因為有太多野未同你講.」

我:「信 」

跟住佢喺個袋嗰度拎封信出嚟

呀穎:「就係呢一封,

睇住佢真係好辛苦

寫咗好耐

但都仲係好堅持要寫,

結果寫完之後嘅一日,

就突然昏迷

跟住就......

可能了咗一個心願就撒手人寰

係喇我都走喇

拜拜,

有咩你就打俾我啦 」

依家係咪搞緊笑呀

晞澄咁就走咗,

真係一去不返,

你唔係話準備要聽嘅咩,

唔係話要一齊讀u嘅咩,

唔係話要請你食菠蘿油嘅咩,

成日叫我唔好走數,

原來到頭來走數嗰個係你,

我仲好記得今年同佢講過,

情人節唔使整朱古力


記得嗰年晞澄都有問我今年情人節食唔食朱古力,

咁我見今年都唔得閒,

就極力叫佢唔好整,

費事嘥佢時間啦,

朱古力呢家野,

一年半年好閒啫,

雖然佢整得好好食,

不過既然 A Level重要咁多,

又唔係話非食不可,

就叫佢下一年先整啦,


而呢個下一年,

以後都唔會再出現.