荒島日記（新手、後宮甜）（不定期更新）: 害怕

「你個撚樣！就係因為你！我地差D俾班狼群咬死啊！」
辣椒妹指住文健大罵。

「係啊！係你引D狼過黎我地度！」
秋儀亦都加把口講。

「文健，成隻就無可能既啦，我地同學一場，我都唔想咁難做，就咁啦，半隻，點樣睇？」
文健聽完我講後就進入思考中。

「文健，半隻對你黎講已經好多，我地咁多個人先一隻，你自己一個就有半隻，你唔好咁貪心好wor。」


雪兒有D嬲嬲地咁。

「咁好啦，半隻就半隻。」
文健講完後便坐低。

「仲有，文健，你要應承我地一件事。」
雪兒依句說話，令文健有少少坐立不安。

「er⋯應承D咩？」



「你出左去唔好惹D麻煩返黎俾我地，我地唔會好似之前咁幫你救你。」
突然既說話，唔止令文健驚訝，連我地在場其他人都驚訝。

文健望住D狼肉，再回望營地個方向，諗左數十秒。
「好！我唔會俾麻煩你地。」

「咁就得啦。」
我攞起開山刀，將淨低個隻全狼肉斬開一半，然後將分出黎個一半交俾文健。

「好啦，從今開始各行各路。」


我講完便轉身。

（少左你個麻煩友仲好。）

文健得到半邊狼肉感到無比開心，即刻蹦蹦跳跳咁向營地個方向。

「byebye你條尾！」
辣椒妹舉中指對住文健，不過文健繼續好開心好興奮咁走去營地方向，並無回頭望到。

「好啦，唔洗理佢啦，狼肉燒好啦，我地依家食嘢啦。」
雪兒講完便示意要把開山刀。

我洗乾淨把開山刀然後交俾雪兒，雪兒好快脆咁將燒好左既半邊狼肉切好一件件，秋儀再分狼肉俾大家，我望一望，我個份同紫霜個份係最多，紫霜望住D狼肉，但仍然無動於衷。

「做咩啊？唔鐘意狼肉既騷味啊？」


辣椒妹問紫霜。

紫霜聽到後便搖搖頭，雪兒望左望紫霜，然後攞起筷子直接夾起狼肉塞入紫霜個嘴裏。

「食啦，我地大把食物，唔洗擔心我地唔夠食wor。」
雪兒再夾起一舊肉塞入紫霜個嘴。

「真係唔洗擔心我地，你食啦，好好味㗎。」
秋儀望住紫霜。

「嗯⋯」
面紅紅既紫霜，開始嘴嚼口中既狼肉。三女見到紫霜肯吞食狼肉，都散發出燦爛既笑容。

「你咁瘦，要食多D。」
雪兒夾起自己幾舊狼肉俾紫霜，秋儀同辣椒妹亦都夾幾舊俾紫霜。



「多⋯多謝⋯」
紫霜好細聲咁講。

十左右後，我收拾返D狼肉，將未食曬既狼肉包好返，紫霜望一望個天空，開始有D著急，想走過去攞個煲去洗。

「食飽休息陣先啦，唔洗咁急住做嘢。」
辣椒妹抓住紫霜。

「要⋯要快D⋯」
紫霜甩開辣椒妹隻手。

「喂！你地幾個係邊個！係我屋企門口搞D咩啊！」
遠處有把女人聲傳過黎，我地望向聲音既方向，見到有個高挑既女人企係樹林邊。



「媽⋯媽⋯」
紫霜驚慌地望住個女人。