===================================================================
 
「好,我firm多次,係五月既四至六號,頭一日係記者會同埋綵排,之後兩日係演唱會,三日都係full day,到時五月四號上午十點到酒店就okay,係咁多?」我向著電話的另一端再次重覆著道,「好,唔該哂,到時見。」
 
非常好。
這下子又能賺更多外快了。
 
「翻譯?」在我對面坐著的趙燈路也迅速地掌握了事態的發展。
「嗯,話係韓國男團既演唱會。」我也輕鬆地回答道,「叫Palette,上次佢地離見面會果時都有合作過。」
「正野啦,又有得去搵泡菜仔。」趙燈路還是把焦點放在手提電腦上,不斷地輸入著文字,「五月四五六?」


「Yes。」我又吃了一口米線,「Please...」
「知啦,更表唔落果三日。」趙燈路瞄了日程表一眼,「但係星期五喎,你唔洗去拍拖?」
「...就下時間,改早一日都應該okay。」反正也不是第一次了,「你專心寫你既野先啦,唔急。」
「都係既,你地要扑野既話晚晚都得。」趙燈路把注意力放回到電腦中,然後輕輕嘆了口氣,「好似唔係好岩。」
「做咩啊,樽頸位?」我也留意到了趙燈路臉上的困惑,「食左野先啦,你個墨演千湯凍哂啦。」
「袁願兒,企起身。」趙燈路邊這樣命令著,然後自己也站了起來,「行過離。」
「做咩?」我的口中還咬著米線,但還是聽話的站了起來,走出了自己的椅子範圍,「今次又係咩?」
「佢兩個應該要點初吻至會自然d?」趙燈路看著我,再次嘆了口氣,「唔係喎,但佢地而家唔錫既話之後都冇位錫。」
「性格點先?」我也吞了口中的食物,釐清著問道。
「女一好體貼但好遲鈍,唔知自己中意男一;男一又怯怯地,唔知點表白好。」趙燈路托著下巴,看上去更添了點懊惱的感覺,「但佢地最後點都唔會起到埋一齊。」


「咁樣既話男仔主動錫好似會好d?」我也一同苦惱了起來,「如果唔係既話,冇好好地錫過就完左,我作為觀眾會覺得好遺憾。」
「但遺憾會唔會好d?」趙燈路還是不能下決定,「留多d感覺比觀眾。」
「佢地最後起唔到埋一齊,已經係最大既遺憾。我覺得已經好夠。」我認真地分析著,「前面比下甜頭觀眾,佢地又睇得開心d,而且更可以代入到個關係,最後果個遺憾既感覺都會更深。」
「有道理。」趙燈路點頭的頻率帶著一絲安心,似乎是本來就已經比較偏向這個想法,「咁但係點錫至又自然又sweet又合理呢?」
「直接表白?」我直截了當地建議道。
「男一本身係d好唔識表達既人。」趙燈路輕輕皺著眉頭,「企起度?」
「應該係猶豫左好耐之後,突然間有個契機,令佢拎哂d勇氣出離既感覺?」我走到趙燈路的電腦旁邊,看著他正開啟著的文件檔,「例如係個女仔要走既時候,或者個女仔喊得好犀利,男一唔忍心既時候?」
「都係個唔錯既啟發。」趙燈路直直地看著我,「果時你同何俊朗第一次錫係點錫既?」
「...佢完全唔係唔識表達既人喎。」
 


而且,真的要說的話...
當時的他,是在我們聊天聊到一半時吻下來的。
 
「你不如諗下你當時同你第一個女朋友係點錫既好過啦。」我轉移著道。
「果時係佢主動嫁。」趙燈路又再次拒絕了一個主意,「定係落緊雨既時候錫?好似拍起上離會浪漫d。」
「拍?所以呢個唔係舞台劇?」我聽出了話中的另一個重點,「你又接新job?」
「一個一個問題離,我地解決左個kiss先,唔解決個樽頸位我食唔到野。」趙燈路堅定地先把我的問題撥到一邊,「落雨會唔會好d?」
「咁share一把遮係幾浪漫既。」我也妥協著,把自己集中在解決趙燈路的問題上,「但拍果時會好煩。」
「我諗到—!」趙燈路打量著我的衣服,像是終於想到什麼東西來的那樣。
 
然後,趙燈路往我這邊走近了一步,把我外套上的帽子戴到我的頭上。
接著,兩手抓住我帽子的兩邊,輕輕用力拉往自己的方向。
 
我的頭部立刻往趙燈路的方向傾去。
這個時候,趙燈路往下傾來,然後哄上了我的唇。


 
這樣感覺起來,才發現自己真的已經有一段時間沒有被這個人吻過了。
偏厚的唇,吻下來的時候依舊感覺很厚實。
 
「okay—!」趙燈路在吻了幾秒後便退開了,然後立刻回到座位上,快速地敲打著電腦的鍵盤,「就咁啦—!」
 
「又話食野。」我也熟練地回到了自己的座位上坐下,繼續吃著米線,「其實真係冇位kiss既話未唔好kiss囉。」
「監製話要有kiss scene。」趙燈路一手托住頭,一手繼續打字,「話咁樣會吸引觀眾。」
「監製?」又是最近沒有聽見的事情,「係喎,你未答我,你又接新job?」
「嗯,今次係台灣新男團出道,想連住個網劇炒人氣。」趙燈路回答問題時總是有一種只有半個靈魂的感覺,「其實個機會係正既,可以自己寫哂,如果出左之後d學生妹中意既話,就會有多d長job。」
「叻喎,今次跨埋線添喎,舞台劇編劇編埋劇集編劇果份喎。」我的語氣帶著點攻擊力,「唔係仲要畫story board?」
「唔好提。」趙燈路痛苦地摸了摸自己的頭,「不如我請個freelance翻離幫我畫啦。」
「唔好望住我,你知我唔識畫畫,分分鐘畫得樣衰過你。」我看著趙燈路的眼神,立刻想阻止道。
「不如幫手寫分場表?」趙燈路轉向我的表情似乎充滿著希望。
「...幾長?幾時出街?」我選擇先聞其詳。


「200分鐘,話要分五集,每集40分鐘,每星期播一集。」趙燈路又嘆了口氣,「預期七月出街。」
「痴撚線。」我極度自然地罵道,「二百分鐘起碼都成千個鏡頭,四月至搵人寫,三個月之內要寫完排完拍完剪完,佢真係覺得拍野係咁簡單既野?」
「所以要快d,我既目標係四月內完成我呢邊既任務。」趙燈路打字的聲音快速而清脆地響起,「仲有劇團要排戲。」
「你知就好,又新job,又劇團,仲要加埋翻戲院,你係唔係真係當自己係超人,可以唔洗休息?」我沒好氣地開始轟炸著,「可唔可以多d留意下自己情況?」
「你未又係有口話人冇口話自己。」趙燈路反駁著道,「你個friend打比你啊。」
 
我聽了趙燈路的話,便看了一下正放在桌子旁充電的手機。
 
『劉婉情』...
 
又打來幹嘛?
 
「喂?」我打開了擴音功能,然後繼續進食。
「喂,袁願兒—!」熟悉且又充滿朝氣的聲音響起,「放左工未?」
「放左,食緊dinner。」我看了趙燈路一眼,他卻完全只把焦點放在電腦上,「點?」


「十萬火急,你可唔可以離一轉大角咀?」