我開水沖涼,企係花灑底下,任由水沖洗我塊面,等自己可以清醒返d。琴晚唔應該同Michelle 飲酒呀...唔飲酒咪無事...點解會咁架...唉!

呀!呀!呀!點解個天會咁玩我!我最鍾意既人表妹,我點解會做出對對唔住表妹既事,表妹知道實在會傷心死,實唔會原諒我...但Michelle ... ...但又唔可以趙完鬆,唔係好似好對佢唔公平。唔通我真係要一腳踏兩船,事到如今,唯有見步行步啦!

沖完涼出返黎已經十點半,我換完衫,幫手拎咗兩包炭就準備出發去大尾篤霸位去。每次中秋日都要搵個人咁勁勁去霸位,唔係遲咗去,就要得勁耐先有位。

我差唔多12幾1點先返到燒烤場,雖然烈日當空,但黎到時見經見唔少位係比人霸位,我左右又搵終於搵到個有稍微遮到陽光既位。原本今日應該開開心心咁BBQ過節,但而家既心情就變到好沉重。

-大尾篤燒烤場-



我坐低咗無耐,就見到個一個熟悉既身影行黎行去,望真d原黎係表妹。我對佢揮揮手,示意佢行過黎。

我:「你唔係話會比蚊咬唔黎既咩?」

表妹:「咁我驚你一個人悶,所以咪黎陪你」

我:「咁今日唔驚比蚊咬咩?」,表妹著住白色短T配牛仔短褲。

表妹:「我做足晒準備架啦!蚊怕貼同蚊怕水都用晒。睇d蚊仲夠唔夠膽咬我!」



過咗無幾耐,又有一個好相熟身影既人行緊過黎。

表妹:「果個係咪Michelle ....」。Michelle 著住一條白色連身短裙。

我:「好似係...」。點會咁早黎架...咁咪好L尷尬?但我都照樣向Michelle 揮手叫佢過黎。

Michelle :「Hi~」

我:「咁早...咁早黎既?」



表妹:「係囉,我地屋企BBQ你又黎?成個吊靴鬼咁!」

我幫手解釋:「婉婷,係你二姨死都要拉人地Michelle 黎架」

Michelle尷尬咁笑一笑:「不如我都係走啦...」

我繼續講:「咁又唔好,你山長水遠咁黎咗,加埋我阿媽都叫你黎,如果你唔係到,我媽實轟炸死我」。我講完後拉一拉表妹件衫袖,表妹無講野。

我:「坐低抖下先啦」

Michelle 坐低咗後:「不如你地兩個去踩單車啦?」

表妹:「咁d野邊個睇?」

Michelle :「我幫手睇住就得」



我:「好似唔係太好咁...」

Michelle :「唔緊要架,橫掂一齊坐係到都係一齊悶,不如你地兩個去玩啦」

表妹好開心咁對我講:「既然Michelle 都叫到,咁我地去踩單車啦,我都好耐無踩啦」。講完就拉住我走...

我望一望Michelle ,然後微笑點一點頭,見到Michelle 咁大方,其實我都有d過意唔去」

我同表妹行開咗後,表妹:「估唔到Michelle 份人咁識趣架喎!」

我:「係...係咩」

之後Michelle 就幫手睇住個位同d野,我就同表妹去咗踩單車。
Michelle 衣著示意圖:



表妹衣著示意圖: