[愛情][少甜]我地係炮友定係情侶【每日00:00更新】: 4a

又到返男方視角。

到左自修室，果然好靜，而且冇乜人。我地坐喺角落頭冇乜人既地方，傾起上嚟。

初初頭，佢都會好含羞咁答我問題，由佢口中得知，原來佢係自己一個住，佢阿媽長期喺外國只係定期寄錢返嚟。無幾耐我地傾下傾下，我地竟然暢所欲言！愈傾愈大聲，最後...

「嘈夠未！」有個人竟然拍抬大叫！

我即刻拉住佢隻手走咗。



我聽到希雯個肚「咕咕」聲。

「不如我地一齊出去食啲嘢呀！」我
「好呀！其實你可以叫我做Hailey。」Hailey
「咁好啦！我地去覓食啦Hailey!」我

我帶佢去左間M記，諗住是但食d野。點知佢唔夠飽。

「我又要再食！得個M記，點夠飽。」Hailey



跟住唯有帶佢去食雪糕、甜品.....估唔到佢好似無乜肉咁，但係食量原來係咁大。

我地經過間涼茶舖，我就問Hailey 飲過廿四味未。
知道佢未之後，我終於可以整蠱佢。

我同老闆娘點左碗廿四味，飲左一啖。雖然好苦，但我笑住咁同Hailey講好好味，好甜。
老闆娘聽到後係咁笑，行埋嚟，比左盒紙巾我。
「你一陣可能要用」
我比Hailey飲左一啖，佢噴到我成身都濕透。唔怪得知老闆娘比左盒紙巾我。



Hailey 噴完之後，我同佢講，只要佢飲得唒剩底嗰啲，佢叫我做咩我都會做。點知佢飲哂嗰碗野。就係咁，我爭佢一個人情。

然後，我地行左去天星碼頭，坐船去尖沙咀。咁啱係黃昏，我地倆個坐埋一齊，幾乎係貼住坐......

坐坐下船，佢搖搖晃晃咁挨咗落我肩膀度訓著左。佢啡黑嘅長卷髮貼得我好近，傳嚟淡淡嘅洗頭水香氣，雪白嘅臉龐靠得好近好美。望住佢緊閉嘅眼簾，覺得自己一定要保護佢，猶疑左一陣，錫左佢塊臉一啖...

輕輕的、靜靜的、神秘的……