在IG上重遇你: 11

第十一章

我見Bobo靜左，阿輝即刻打破沉默，對住我講：「你係咪傻架？人地唔想講就唔好逼人講啦」

佢再望返Bobo：「我幫你加啲茶先，阿威你過黎幫下我」

我比阿輝拖左入廚房，佢同我講：「你真係蠢過隻豬，你咁直接，咪搞到人地再唔開心」

我：「我係衝動左少少，不過……」





輝：「不過你想趁機會安撫人地弱小嘅心靈，跟住哄埋佢上牀」

我：「收皮啦！唔好將你做開嘅嘢當成我做！」

Bobo話佢有啲肚餓，所以我地三個走左去樓下啲茶餐廳食早餐。
唔知Bobo係咪太肚餓，佢叫左兩份早餐，食完都繼續話肚餓，嚇到我同阿輝差啲噎死。好彩我地吞得切，唔係就做隻飽鬼上路去。
食完早餐，我就同Bobo一齊搭地鐵走。一路上，我都唔提琴晚發生嘅事，我地淨係傾下近排忙緊咩。差唔多到旺角嘅時候，Bobo突然叫停左我。

Bobo：「阿威，你晏啲有冇嘢做？」





我：「我今日冇嘢做，你想做咩？」

Bobo：「可唔可以陪我去一個地方？」

我：「可以」

原來Bobo想去尖沙咀海旁，雖然唔知佢想去做咩，不過作為朋友就一定會跟埋去。今日嘅人流唔算多，得好少人係到，我同Bobo
沿著海旁行，一直都冇講嘢。直到半路，Bobo終於打破沉默。

Bobo：「阿威，你係咪想知點解我鐘意個心型吊墜？同埋琴日會飲到咁醉？」





我：「其實如果你唔想講，你可以唔講，唔洗理我架」

Bobo：「我驚我再唔講，我壓力會爆煲。」

於是我地搵左個地方坐低慢慢講，我亦因為咁而對Bobo認識加深

😊😊下一章會以Bobo嘅視點講佢嘅故事