德叔呢個提議真係夠晒妙想天開,即係咁講,梁老太佢已經係七十有三㗎啦,而我仲係一隻黃花閨仔,咁真係唔得嘅!

「古天岳呀,你唔好咁自私喇,我幫你諗緊辦法解咒,老人家我呀只係想食隻靚燒鴨啫,你唔係咁都要令我失望呀?」

佢竟然響我全朵?同埋佢點解會知我叫咩名㗎,我一定要問返佢先得。

「本身我都想扮唔知㗎,但你頭先成個銀包飛咗出嚟,我先唔覺意望到你真名啫。喂係喇你有車牌㗎嘛,快啲出發啦,呢度車匙,屋外面有車㗎喇,去啦!」

「等等先,我未應承㗎喎,放手呀唔好推我出去,我仲有嘢未講完!」





德叔見我咁大反應就畀多幾秒時間我講埋係咩事,咁我都知呢轉就實避唔到點都要去㗎啦,不過我依家個身體咁樣走去渣車嘅話,會唔會無命㗎,呢點我一定要德叔知道囉。

「原來你係指呢樣,得啦我早有準備,你等我一陣。」

接落嚟,我哋將會見到德叔比較核突嘅一面,或者係好_核突都唔出奇。我親眼睇住佢伸手入屎忽起勢咁摷,然後仲拎咗粒好似藥丸嘅嘢出嚟,我喺嗰刻真係睇到腳都軟埋。

佢唔係諗住要我食咗粒嘢呀?

雖然唔知咩事,但我下意識已經因為驚咗佢粒屎味丸而不停咁避佢,總之就係唔想食嗰粒嘢喇。





「企嚮度喇,唔好亂郁。」

只可惜,一切都事與願違,永別啦我個口……

待續...
已有 0 人追稿