點算好......我即刻再定格望清楚啲。

無眼男係望落大概米八左右,成身膚色都異常蒼白....一啲血色都冇....而且諗翻頭先....佢成個人好似冇咩力咁,比我撞一下就跌低左......

我又回想翻佢雙眼既黑洞,真係好驚....早知我就唔裝cctv....唔知道重好.....

而家真係....你叫我點安心訓得着...

「叮!」係𨋢門開既聲...成層得我地兩户人住,仲有間未租到岀去.....仆街.....個男人係咪翻黎啦....



死啦...而家一諗起佢雙眼我就好唔舒服,再加上佢日日既古怪行為....我絕對有理由相信,佢可能係痴線既....

腳步聲逐漸行近.....慢慢咁...停左係我門口...

未住!點撚解係停左係我門口?

「叩叩.....」

我有冇聽錯....好似係我度門....



我度門...俾人敲緊.....

我望望cctv....

係佢.......

「冷靜啲先....」


雖然我把口話冷靜...但我已經完全思考唔到...



我成身不停標冷汗.....點算....佢做咩敲我門.....佢會唔會係黎攞命......

我即刻打比我細佬阿雄,佢wtsapp我話盡快過黎...

但....遠水不能救近火....個男人.....
依然不斷敲我門......

點解?

點解佢知我屋企有人?

明明...我翻黎度冇開過有聲既器材,照計我可以扮冇人.....

「叩叩...」



「我知你係度,開門」

個男人...終於開聲....

點解佢會知我係度?

唔係啦,拎定把刀先,等陣有咩事上黎都可以自保。

我入廚房拎左把豬肉刀之後,深呼吸左一大口氣,慢慢將門打開......

個男人就企左係我屋企度閘先,戴住頭先副超,木無表情咁望住我。

「有....咩幫到你?....」我支支吾吾咁問佢,先前對佢既怨恨憤怒,腦海中模防過幾千次鬧佢既畫面,而家...我就成個典型連登仔咁,一句野都講唔岀......

「放心,我唔係白卡佬。」呢句就係我同佢既第一句對話。



未住,佢點知我覺得佢係白卡佬....?

「你可以放低把刀先。」

重知我拎刀?唔係盲既咩條友?

莫非有咩心眼果啲野?

「冇心眼,只有讀心。」佢依然係木無表情。

讀心?呃鬼咩仲衰過啲咩春動物傳心師,個白卡佬係想黎呃錢定點?

「好啦,唔好再咁小學雞鬧我係白卡佬啦。不如開門見山啦,我過黎係想同你做單交易。」



佢....點知......

唔會....真係識讀心掛.....

痴媽肺,眼前舊野人定鬼黎?

咁我呢三個星期咒過佢爛春袋斷jj咪知道哂....?

「姐係咁,大家唔係咁熟,你咩人黎?講開你日日係隔離嘈生哂我都未話你!」

我都不失覇氣趁機反擊兩句,廢時比佢覺得我驚佢。

「如果唔係迫不得已,我都唔想周圍透露我身份。我叫lucifer,係惡魔之子。我而家想...」

仆街...條友原來仲痴過波台啲痴線佬,唯有撥個輪等人搞算.....



「喂.....青山係咪?想問下揾到走失病人啲報酬點計法...」

「嘟....」

個電話...切斷左....

「唔好迫我發嬲,我數三聲開門。」
我見到佢....全身開始發岀橘紅色既光....係一種....邪氣既感覺。

「3。」

望住佢身上詭異既氣場,有一種強烈既壓迫感....成個人進入左緊繃狀態.....

「2。」

隨住佢成個人帶比我既恐懼,令我不自覺地唔敢違背佢既命令,慢慢打開左度門......

佢..慢慢咁向住我梳化行去,再一屁股坐底,而且身過巧妙咁避開左梳化隔離放住既衫冇坐到落去。


究竟佢真盲定假盲..由撞到佢果刻到而家,都冇見過一支盲公竹既岀現...

「作為惡魔之子,眼睛係唔會影響我對事物既觸覺同靈敏。我地比起人類更加sensitive 十倍。只不過,我只係感覺到,但始終都係睇唔到。

其實我今次過黎,

第一,係想反映下你真係好嘈,好騷擾到我。

自從你搬左入黎,你自編自導自演既內心世界冇一秒靜過,我係隔離屋日日聽你呢內心戲真係頂唔順,搞到我要晚晚開大個嗽叭先訓到覺。

如果你可以擁有我既能力,我就會聽唔到你既內心,到時大家都好。

第二.我需要有人幫我收集靈魂。我黎人間既任務就係同我阿哥lucius一齊收集靈魂。

人間而家太多人信耶穌,搞到天堂果邊啲靈魂塞到滿哂,相反我地魔界既人只有佢地既十分一,再冇靈魂我地成個界都會玩完。

所以我老豆講左,
我同lucius三年內邊個收集得最多靈魂,就可以繼承我老豆個位,管理魔界。

而家淨翻半年。自從我比mia偷左我雙眼之後,我冇辦法再靠對眼魅魊人而拎到靈魂。所以,我需要一個人幫我。」

痴線....我唔想落地獄呀.....

「所以呢啲咪你地人類既謬誤囉,魔界同天堂根本分別唔大,而且地方又大又好住,風涼水冷。不過近年啲人才走哂去天堂....我地就開始冇進步...

你應承我既話,你可以係人間得到任何你想要既野。包括,你放唔低既一切,世間上既權力,全部唔係問題。只要你肯幫我。」

得到....所有野?

「我知你有個人放唔低,你入伙果日我就聽到而家。有左我既能力,你絕對可以報復佢。」

我諗起..果個人.....

我恨不得將佢煎皮拆骨....我一直同自己講,如果可以令佢得到報應,我願意付出任何代價。

「睇黎,你已經有決定。」
已有 0 人追稿