7點正,我已經到左mia約我既餐廳入面,刀仔就扮顧客坐係另一枱觀察,佢再三提示我千其唔好望住mia隻眼,怕我會比mia擾亂心智。

7點3左右,我終於見到mia係門口行入黎。佢真人望落比起相片更加動人,更加美艷,着住低胸貼身裙既佢身材玲瓏浮突,一入黎已經吸引左全場男士既眼睛。坐係佢隔離既我,根本就等同比佢公開處刑。

佢一見到我就過黎捉住我隻手,好真誠咁望住我,一臉親切咁講:「美玉姐,百忙之中重要你抽時間岀黎,真係好對唔住!」

老實講,明明大家唔係好熟,佢咁熱情真係搞到我好唔自在..

刀仔見狀係對面枱係咁比眼色我,提醒我唔好望佢隻眼。



我即刻成個智障咁望住張枱同佢講野,一下都唔比自己同佢有眼神接觸。

「mia,你不如開門見山。係咪lucius叫你黎?」我抱住猜疑既口吻問佢,點知...佢突然間流眼淚..

wtf?!全場男士開始敵視我,以為我蝦佢..

「喂...好地地喊咩春...」我一邊望住枱講,一邊將紙巾遞比佢。

mia一邊抽泣,一邊同我講:「美玉姐....係我偷偷地暪住lucius黎見你嫁...
我知道...lucifer佢..岀左事係咪...?」講完之後佢喊得仲更加犀利,我只好一邊望住張枱一邊拍佢膊頭安慰佢。



「你應該...知道我同lucifer過往既事啦...我真係...好後悔......但全部都係因為lucius佢修改我記憶我先會咁對lucifer.....」

「mia,你慢慢講清楚啲好冇?」

mia勉強住止左抽泣,哽咽住咁答我:「前排....我入lucius書房....打爛左佢樽還憶香.....我聞到之後,記得翻我所有原本既記憶.....原來我係咁愛lucifer,點解我會傷害佢..我恨不得殺死自己救lucifer....」佢一邊喊,一邊將佢頸上鑲住一粒紫色水晶既頸鍊除落黎遞比我。

「美玉姐....呢粒係lucifer當初送比我既結界石。我求下你,我之前已經係lucius口中知道左佢情況...你一定要過去魔界既魔林入面摘到一粒果實比佢....我求下你......」話口未完佢又喊....睇到我都有啲心酸....睇黎mia都係比人利用,佢個心一直都好愛lucy...

「美玉姐,lucius重未知我知道佢對我做既事,我暫時未可以離開佢幫你住.....你拎到果實之後,我應承你....我會還翻雙眼比lucifer....補償當初我既過錯.....」



見到mia痛不欲生既樣,正常人都會為之動容...更何況佢連結界石都肯比我......


「mia...lucy知道你原來係咁愛佢.....佢一定....

一定會再次翻翻你身邊.....」我接過結界石,安慰已經喊到淚人咁既mia。

雖然係咁講...但係個心始終

係有啲...唔舒服既感覺.....

lucy,你要等我。

你最希望見到既人,到時就會係你身邊,等待住你甦醒.....



我離開左餐廳之後,同刀仔一齊行翻屋企。不過佢始終對mia既信任有保留,一路上不斷對mia有各種猜疑。


「根據連氏定理,世界上90%既女人都係雞黎,淨翻10%係肥婆。淨係佢既外表,已經足以令我無辦法信任佢。」

我無奈咁問:「有冇啲有建設性小小既理論?」

「佢咁愛lucifer既話,點解唔自己去魔林摘果實?我地兩個都完全對魔界一無所知,叫我地去容咩易岀唔翻黎?」

「咁佢驚比lucius知道佢岀賣佢的話會好大鑊掛...佢頭先有同我講話lucius只係當佢做收靈魂既工具,有時收唔夠數重會打佢..佢都肯比粒石我,姐係個心都想救lucy啦..」

刀仔聽到我既說話,雖然覺得言之有理,但始終覺得靚女+真愛=陰謀,可能刀仔都曾經比人傷害過,所以對靚既女人處於極度唔信任。

我同佢一直拗到翻屋企都係冇結論,大家最後都決定,有咩事等拎到果實再算。



我拎翻個傳送器岀黎,將紫色既結界石鑲左入去。

按照指示,再向外擰一圈,傳送器慢慢發岀紫色強光,我同刀仔都比啲光照到睜唔開眼...

過左一陣....一個時空咁既結界入口岀現左係我地面前.....

我終於...成功開啟左魔界入口.....

我同刀仔一齊行入去既時候,刀仔竟然俾入口既氣場彈翻岀去,一下趴左落地,呢下應該跌得幾痛。


「我冇你既能力...應該入唔到去....」刀仔重趴左係地下未起到身....

睇怕...都要我自己入去....

冇刀仔陪係我隔離,話唔怯就呃你既...



不過事到如今,我已經冇得翻轉頭。

「刀仔,幫我睇住lucy。係救到佢之前,我一定唔會死,煮定個麵等我!」未等刀仔回應,我已經走左入結界入面。

我行左幾步,發現呢度係一個只有銀白色既空間......周圍完全咩都冇。

我望翻轉頭,個入口已經消失左...

係呢個空間我望唔到任何邊界...慢慢我已經唔係好分到上下左右......

我一直行,一直行,行左唔知幾耐,前方逐漸岀現左一個紅點!我即刻衝去紅點方向,越行得近先發現,原來佢係呢個空間既岀口。

行岀個岀口,我發現自己到左一個非常詭異既空間,成個天空只有一片血紅色,非常混濁不堪。地下全部都好似經歷過旱災咁乾涸裂開,氣氛一片死寂,了無生氣。如果要形容,真係好似入左dark soul個景咁,不過全部畫面變哂血紅色咁解。老實講,我淨係望住呢個地方已經打從心底感到恐懼同不安。



我沉住氣咁開始慢慢係呢片乾地上面行,成個地方鬼影都冇...寸草不生..

根本完全唔知自己行緊去邊....

就係咁....我一直行左唔知幾耐...越行越覺得呢度非常侷束悶熱.....好口渴....好辛苦......

我唔得啦.....

..................

咦......前面.......

我見到.....前面好似.....有一片樹林咁既野!

先前啲飢餓難耐既感覺頓時俾發現樹林既喜悅掩蓋左,樹林入面好大機會有果實!

希望就係前面!估唔到比我預期中容易揾到,會唔會太順利!
已有 0 人追稿