是咁的，我嘅職業係幫人瞓覺: 一百零二、老吹

「我要同伯母訂立契約，不過要佢可以回應我先得，你可唔可以叫醒佢？」

「呃⋯⋯可以係可以，但係點解你會肯幫我嘅？」

恆仔嘅語氣有啲疑惑，但未至於懷疑，算係不幸中之大幸。

「因為⋯⋯我覺得你同我好似。」

「似？」





「我明白你嘅感受。我都曾經有類似嘅經歷。唔係所有離別，都會有畀你講再見嘅時間，我就無喇。」

而且一旦錯過咗，就永遠追唔返。

「原來金仔你都試過⋯⋯」

「或者係同情你啦，又或者我幫你只係慰藉自己，唔理實際上係點都好啦，我會幫你。」

實際上係啱啱講嘅野都係老吹，費事恆仔因為我態度突然轉變而懷疑我。





恆仔起身行過去恆媽旁邊，輕推佢一下，但恆媽無反應。

「睇嚟要等佢自然醒。」