是咁的，我嘅職業係幫人瞓覺: 一百四十、夢與真

「你之前話⋯⋯迷宮入面連痛覺同流血都係實在感受到，咁你點分辨現實？」

嘉儀望一望我佈滿紅點嘅雙手。

夢中夢入面嘅我會有記憶障礙，不過痛同流血會令我強制脫離。

而迷宮入面，我嘅記憶會好清晰，唯獨無咗幫嗰位客人嘅所有記憶。除此以外，痛同流血係唔會幫我離開迷宮。

「其實認真，係分辨唔到。實際上，雖然我有方法知道自己唔喺夢中。」我停一停，指向我手背嘅暗紅針孔。





因為一痛同流血就會醒，所以每次起身我都習慣用針檢查個世界係夢定係真。

「但我無方法知道自己唔喺迷宮之中。」

「吓？你又話肯定自己出返嚟？」

「只有出返嚟嗰下，至會肯定到自己出返嚟。」

等同於瞓醒先會肯定之前經歷過嘅野係夢境。





「咁你做咗咩先出到嚟？」