是咁的，我嘅職業係幫人瞓覺: 一百四十一、迷宮結構

我慢慢向嘉儀解釋迷宮嘅構造係點樣。

首先任何人嘅潛意識都會有排他性，我係一個外來意識，所以宿主嘅潛意識會諗方法處理我依個入侵者，就好似白血球會對付病菌一樣。

人嘅潛意識好似洋蔥咁，由外到內有好多層。

每當更加深入客人內心，潛意識嘅排他性就會增加。

要比喻的話，普通夢境就只係一個保安唔係好理你嘅大型屋宛樓下啲公園。





而夢之迷宮就係一個收喺房嘅夾萬，潛意識對入侵者自然更加敏感。

當我誤入迷宮，潛意識就會好似捕蠅草咁合埋口，建構出一個足以混淆我，同真實幾乎可比擬嘅世界。

然後我就會喺迷宮入面好似平日咁生活，瞓醒、食飯、行街、接客、返屋企，咁潛意識就可以確保我唔會知道個世界係假嘅。

當一個人唔自覺自己喺迷宮，自然唔會嘗試搵出口。

一直徘徊，迷惑，喺迷宮中老去。





最後大概就會被捕蠅草嘅消化液溶解，亦即係被吸收成客人意識中嘅一部分