是咁的，我嘅職業係幫人瞓覺: 一百五十四、一個外人

「bb呀你唔好咁啦，我同阿邦係普通朋友嚟之嘛，我地知無野咪得囉。」

「你點知佢對你無野先？」

「吓？感覺囉。同埋你同佢做咗咁多年兄弟，佢係咩人，你唔清楚架咩？你咁都信佢唔過？」

「無人知佢心入面真正諗乜架嘛。」

余生並唔知道，依家佢喺自己女朋友面前表現得咁小家，反而令阿邦嘅吸引力大增。





「咁你即係信我唔過？」

「你講咗去邊啊？」

「你唔知佢心入面真正諗乜，無問題吖。但你唔知我心入面真正愛嗰個係你咩？」

「我⋯⋯我知啊⋯⋯」

「你知咁就唔使怕佢會搶得走我啦。講到尾，係你對我地兩個都無信心啫。」





佢地第一次嘈交，竟然唔係因為有咩唔夾或者雙方做錯咩事，而係因為一個外人。