是咁的，我嘅職業係幫人瞓覺: 一百五十五、百感交雜
余生之後都好小心，特登唔再約三人行，但其實佢一開始咁做嗰下已經做錯咗。
余生好似以前咁只會單獨同阿邦出嚟，但叫埋cheese？不了不了。
「係喇，近排唔見你有新女朋友嘅？」又一個踢完波嘅下午，余生問咗依個問題。
「係呀，厭咗喇。我唔想再係咁換畫，我依家先發現，原來我以前根本唔係拍拖。」
「點、點解咁講？」余生呑咗啖口水。
「點講呢？我諗係因為無嗰種好夾嘅感覺？無嗰種可以好深入咁交流，咩都傾得一餐嘅暢快感？啊，可能係因為同佢地一齊，其實我好少笑？」
「你係依家搵到個咁嘅女朋友，所以先知以前嗰啲其實唔好？」
「我鍾意咗個女仔啫，佢唔係我女朋友。」
余生聽到依句說話，心入面百感交集。